وحيدة بين يدين أسد

البارت 50

سلبوا
طمأنينة
قلبي
كل شيء يرعبني
حتى طرق الباب
......ها أنا في نفس الدوامه(وحيدة وبين يدين أسد ) خارت قوتي والتعب اخذ مأخذة مني فلا طاقه لي بالتحمل والصبر  ماذا اعتب ....ابكي او اشحذ قوتي واستعين بوجودة فانا وحيدة وهو سندي .......................
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
................................................(قراءة ممتعة)....................................................
كعدت مفزوعه على صوت الباب كلبي يدك بخوف وجسمي يرجف وحلكي يبس علي ما موجود يمي الخوف سيطر عليه كلش ثواني واجى وجه مايتفسر مبين عليه بي شي لزمت كلبي طفرت من مكاني وكمت .......علي منو بالباب ...........مهند اجى ..........ارتاحيت نوعا ما باوعت للساعه بعدها بالسته ونص الصبح اكيد اكو شي غريب وألا ما يجي بهيج وكت غيرت ملابسي بسرعه وطلعت اله بس شفته كلبي وجعني اعيونه امورمه والشعر مخربط والملابس كلها اتراب شكله تعبان كلش اتقرب من مهند واني ادعي الله اهلي ما بيهم شي بس صار الي ما حاسبه حسابه .........شلونك خويه ........هلا  .........مهند صاير شي ........دنك راسه وكانو يدور اجابه لسؤالي اني بدى الشك يفتك بيه بعدني ما حجيت كال ....سارة بابا مات ...........بجى وكعد بالكاع وراسه بين رجليه وجسمه يهتز اني ما اعرف شنو الي يصير فجأة نفسي ضاك  واذاني صفرت وظلمت الدنيا بعيني ..........................ما اعرف شنو صار منا خبر وفاة عمي ابو مهند ومنا سارة وكعت بالكاع عقلي مايستوعب الي صار  ركضت لسارة شلتها وطلعت سيارة مهند بالباب حطيتها بالورى ورجعت اله على نفس كعدته اعرف الصار مو سهل بس لازم يكوم بعد اخوته وامه المن يبقون
عطت بصوت عالي مهند سارة وكعت ولك الحكني ............طفر وكام وطلع واني ورى شغل السيارة ورحنا للمستشفى ودخلت للطوارئ ركضت بيها اجى الدكتور شنو بيها كتله اغمى عليه اخذوها مني ودخلو واني افتر اريد خبر رجعت لمهند وهو فاقد ما مستوعب ومصدوم الله يلوم الي يلومه
حقه ابو وسندة حقه بس اني اعرفه فترة ويكوم اقوى من قبل .....مهند سولف الي شلون اتوفى عمي قبل كم يوم مابي شي.............مسح وجه واخذ نفس وبدى يحجي الي ......عندة سرطان بالدماغ وحالته خطيرة بيوم زواجكم وكع واخذته
للمستشفى واكتشفت الموضوع مايقبل احجي ولا اي احد يعرف وحلفني ما اجيب سيرة مرضى وسكتنا بس ماما تعرف بي وهمات قبل فترة بسيطة المرض خطير ومرحلة متأخرة
ما يفيد وياها تدخل بس خاطرنا ودخلنا على مسؤوليتنا وكلت اكول لسارة لان هي عاقله وتفهم  ومتعلقه بي كلش بس رفض رفض نهائي كال أن
شاءالله اكوم  ما اريد اخوفها عليه وهي بعدها عروس بس اعرف سارة ما راح اتسامحني ان  اظم عليها بس مو بيدي مستعد اسمع عتابها واتحمل عقابها مسح راسه ونزلت دموعه حظنته وحاولت اخفف عليه
كعدنا ننتظر الدكتور شويه وطلع ركضنا
اله..........دكتور شلونها سارة طمني ...........حالتها مستقرة بس عدها فقر دم حاد واعصابها تعبانه ارجوا ان تبتعد عن التوتر والضغط ويتم متابعتها عد دكتور نفسي .............اكدر اشوفها ........طبعا اتفضل .....دخلت الها حاظنه نفسها وتبجي بصوت عالي مشيت الها بسرعه رفعتها لحظني شهكت وكالت علي بابا عافني وراح..........سارة اني اهنا اني الج اب وأخ واخت وكلشي تردي حبيبتي هذا قضاء رب العالمين وانتي مؤمنه واتعرفين كلمن وساعته والله ارحم الراحمين هو الي يقدر مصيرنا من احنا أطفال لحد ما نصير شياب وهو اعرف بينا وشنو افضل النا رفعت راسها وسألت. ّ..........بابا شلون مات كولي .........رجعتها لحظني وامسد على راسها .....عندة سرطان بالدماغ وتعرفين هذا المرض صعب ومرهق الموت راحه اله الله يرحمه ويصبرج حبيبتي انت قويه و مؤمنه بقضاء الله هذا بجيج اعتراض على حكم رب العالمين مايصير واتعذبي من ايشوفج هيج ظعيفه امج بحاجتج واختج واخوتج اريد ذيج سارة القويه ........ما حجت شي اكتفت بالبجي خليتها تبجي حتى ترتاح ...........................ّ.......ّ.....................................