وحيدة بين يدين أسد

البارت 36

ستمشي السُفن كما أشتهي أنا ، وسلامٌ بحجم الكَون لتلك الرياح 💛.......قراءة ممتعه 👍❤
.
.
.
نزلت و دخلت للكليه كانت مثل العادة طلاب داخلين و خارجين و شباب يضحكون والبنات جالسات يدرسن والجوا حلو كانت اواخر الشتاء والجو اتغير اكرة الشتا والصيف بي فرحه اتجهت للمكتبة واني احس مكان الكف الي اخذته من علي ينبض بوجهي كل ثانيه المسه حار اخذت كتاب وكعدت اقرا اليوم علي ماعنده محاظرة النا يعني ما اشوفه رن الفون ينبهني على وصول مسج اخذة الفون وفتحته من الرقم المجهول كان يخطر ابالي ممكن ايكون محمد بس هو يلح ويتصل ما يكتفي بالمسج فاستبعدته من ان يكون هو كان المسج يتضمن كلام غريب (‏لم اشعر بك كشخص آخر ، وجدتك كما ‏لو أنك نفسي) استغفرالله يعني الي اني بي ما كافي غلقت الفون وطلعت ما الي اي خلك لا ادرس ولا شي اخذت تكسي ورحت لبيت ملاك كانت الافكار تلعب بعقلي تدور حول شخص مجهول غريب ومريب امرة منو هذا وشنو ايريد مني وليش يتكلم كأنو ايحبني لا إله الا الله وصلت دخلت للعمارة وصعدت بالمصعد طلعت الفون واخذت المفتاح من الكفر ورجعته للجنطه خلال دقايق انفتح مشيت للباب وأدخلت المفتاح وفتحت طلعت ملاك ابوجهي و فرحانه صراحه خوفتني .....اعوذ بالله شعندج واكفه يم الباب .......وعليكم السلام،..،....... السلام عليكم 😒 شلونج .........هلا يروحي الحمد الله بخير جنت انتظرج........الحمد لله ليش اكو شي ............لا هيج مشتاقتلج.........حبيبتي انتي فدوة أختج ميته جوع اي شي على السريع ........ههههههه من اعيوني وها سحر اهنا .........اي اعرف اني كلت الها تبقى .........دخلت للصاله كانت سحر تلعب مع عمر وصوت ضحكاتهم يشعرني بالدفئ والسكينة.....ومجرد ما لمح اني دخلت سكت واخذ العابه ودخل لغرفته ........هلاو سحورة اشلونج دادة .........بوستها هلا بيج يروحي الحمد لله انتي اشلونج شخبارج طمنيني .......والله الحمد بخير ونعمه .......الحمد الله بس وجهج ما يطمن شنو متحسسه من مكياج لو شي .......ليش بي شي وجهي ......اي خدج احمر .......هااا اليوم اتعثرت وكعت واتاذيت هسه اشويه واتروح لا اتخلين ابالج......هااا اوكي ....دخلت ملاك وهي اترتب المواعين على الطاوله اتجهنا اني وسحر انساعدها .....الاكل اله طعم ثاني من ايكون وسط ناس اتحبهم والجو يتغير ......اكلج ملوكه فدوة لعيونج اريد هيج ملابس كشخه وحلوة بس هااا مستورة مو من ذني الي اتلبسيهن........يعني ما اعرف اتذميني لو شنو.........لا حبيبتي اريد ملابس وبس.......فتحت الدولاب وكله فساتين قصيرة و احذيه عاليه وملابس ظيقه وغريبه ......شنو ماعندج غير ذني ......ليش محلوات ......لا حلوات بس مو استايلي بالبس مبين .....امممم .....طلعت الي نفنوف اسود ومخطط بأسود وبي احزام من الصدر ضيق وينزل مثل الجرس بس هيج شكله بسيط بس حلو وشيك اخذته وخليت مكياج اسموكي اسود والحمرة فاقعه وحذاء كعب رشيت عطر وطلعت اخذ رائي البنات.......هاااا حلو موووو .......سحر صفرت بصوت عالي هههههههههه......لج شنو هل الجسم شنو هل الجمال دخيل ربج.........ههههههههههههه ترى اتبالغين مو لهاي الدرجه 🙈 ..........لا والله ايخبل فد شي عليج .......ههههههه شكرا حبيبتي من ذوقج.........صدك وين رايحه انتي وهيج كاشخه ومهتمه ان كان حلو لو لا مو من طبعج اتسالين........ههههههه اكو ناس اريد اعلمهم وين حدودهم وبعد شغله لازم اخلصها .......منو وشنو .......اهوووو لا تسألين اهواي ........اوكي روحي قبل لا تتحولين......شنو ولج اتحول كدامج زومبي قابل .........هههههههههه هسه اتعصبين روحي احسن النا والج.......اوكي ولو نفسي ارد عليج بس خليها غير مرة ما اريد اخرب مزاجي .........اخذت الفون والجنطه صغيرة سميت باالله وطلعت نزلت اخذت تكسي واتجهت لمكان الدعوة او الحفل اتذكر العنوان بالظبط بس متوترة أصادف علي اهناك يمكن انفجر كدام الأوادم اتصلت على مهند أبلغه حتى خاف ايصير شي هو وياي ......دك..........دك ......الووو .......الووو هلاو خويه اشلونك .......هلا حياتي اشلونج ....الحمد لله انت اشلونك شخبارك .......الحمد الله الامور تمام وهاديه .....الحمدلله اكلك مهند ......ها كولي ........اليوم رايحه للحفله تعرف بيها لو لا ياسر اقامها على شرف اخته يبعدي .......ههه اي اعرف و علي جاي وياج .........لا ......ليش اكو شي..........لا ابد بس هو طالع من الصبح واني مليت وطلعت .......مايصير هيج يا عيني حتى لو لازم تستأذنين لو تنطي علم مايصير هيج ......لو تعرف شنو سوى وآلله كان ماحجيت هيج.. حجيت بكلبي .......ان شاءالله يعيني انتم شنو مسوين كمين الهم لو اخذ معلومات وبس .......لا ان أحتاج الموقف نتدخل ما احتاج اخذي المعلومات وبس ........اوكي خير انشالله......اوكي اعتقد علي وفراس راح ايكونون بالحفله لا تتوترين ولا تخلين ابالج اتفقنا وياج ذياب مو هيج .......اوكي قربت اوصل باي يروحي .....اوكي انتبهي ما اوصيج باي .......انظر للقاعه من السيارة والقلق اتملكني الله يستر وصلت ونزلت من التكسي اتوكلت على الله ودخلت........يتبع
#ام #فرقد 🤗..🖤..🥀ولان الله يعلم ان تلك السنين ضرت وأحزنت وأثقلت وأتعبت وأنهكت سيكون معجزة بأذن الله 🕊💭❤ .....رمضان كريم