وحيدة بين يدين أسد

البارت 24

اسمع طلق ناري واني اريد اركض بس رجلي ماتسعفني بعد معاناة اركضت وأخيرا وضعت بغابه كثيفه وضلمه وظباب كلش اسمع صوت علي واريد اروح اله بس ما اعرف وين هو وكفت ارتاح رفعت راسي كان ياسر واكف وبيدة المسدس وبأبتسامه خبيثه اطلق عليه النار وصرخت بعالي صوتي........ كعدت هذا حلم حلم اي حلم اه اه حلم هذا ياربي شنو الي كاعد ايصير اخ كلبي ايدك حيل كعدت اشربت مي فتحت الاضويه وكعد جاك غسلت وجهي بمي بارد كانت حرارتي مرتفعه اخذت حبايتين بندول وخافظ حرارة وفتحت الشباك يدخل هواء بارد اشويه كعدت وشغلت موسيقى هادئة لعى تهدء اعصابي اشويه اتأملت القمر كان جميل مثل العادة وطبعا مثل كل مرة اشوف القمر ما اعرف شنو اليصير بس ابدي احجي كلشي مريت بي واحجي وياة وكانو راح ارد عليه كان المنظر خيال اووو صار اشهر ما كعدت هاي الكعدة ويا الكمر وفضفضت اله كمت اشوف كم الساعه كانت مقاربه على 8 مساء باوعت للغرفة كانت بحاله غير نظاميه بدلت ملابسي لبست بجامه بيضه وتيشيرت ابيض و تركت شعري مفتوح وبديت أرتب مكياجي والفرش بمكانها والعطور بمكانها بس اوكفي اني كسرت المرايه منو سواها اكيد مسلم ماكو غيرة كملت خلصت منا ورحت لدولاب الملابس كانت معركة الالوان اهنا مختلطه كلها بلشت اعزل كل لون وحدة بس اتفاجأت لون الاسود متفوق على الاحمر اني كلما اشتري احمر اشتري شي اسود لان اكثر لونين احبهم بعد البنفسجي طبعا رتبتهم حسب الون خلصت بعد تعب وجهد بطني قرقرت من الجوع مسكينه والله نزلت للصاله الحمد الله كانو توهم يتعشون وكان العشاء كباب شوي جاهز نزلت اركض بابا ضحك هلاااااااا بالجوعانه ،،،،،،،هلاو بابا اشلونك ،،،،،، تعالي انطيني بوسه طايحه الحظ صارلج يومين ماكو شنو ملاك تغنيج عن اهلج، ،،،،،،، حياتي انت اصلا ماعندي احد اغلا منك والله بس خطيه وحدها وملانه رحت يمها اغير جو ،،،،،، ها اي شنو سويتو ،،،،، بابا ممكن اكل لان ميته جوع بليززز ...... اكلي انتي دئما جوعانه مشاءالله....... ههههههه بابا كافي ،،،،،، اوكي راح اعوفج تاكلين ،،،،، اكلت وكان الاكل كلش طيب خلصنا شلت المواعين وغسلتهن وسويت جاي ،،،، واجيت كعدت وياهم ،،،،، ماما بيج شي وجهج اصفر شنو مريضه ،،،،،، اي والله يمكن افلاونزا وصخونه..،... شفتي من اكلج البسي شي ايدفيج ماتسمعين كلام وبس اعناد ،،،،،،، ماما بابا يحجي وياج .... كان بابا يكلب بالفون انتبه ها شكو ،،،،،، ماما مو تحجي وياها ،،،، ها اي اسمعي شموسه هذا الشعر شكد حلو .............
حضرة الزعلان بيش امزعلك !
انه المداريك اكثر من هلك
تجرح وتقسي وشغلتي استحملك
شويه خل احچي الحچي مو كله الك
بحظك وبختك گلتلك بيوم لا
من عرفتك صرت خيط ابمغزلك
تؤمر وتنهي وتريد وما تريد
والحرام الما يحل حللته الك ....
هههههههههه حلوووو ايخبل بس اني ما زعلانه منك ..... باوعلي وغمر الي خلصني من محاظرة امي الما تخلص........ اني اموت غير اذا زعلتي وعفتهم وكمت يم مسلم طبيت لغرفته كان يلعب بوبجي اجيت كعدت يمه وحطيت راسي على جتفه واباوع وياه كان يحجي مع مجموعه وبينهم واحد مغربي ومسلم كل اشويه ويكله شنو اشيبك لا مسلم يفهمه ولا المغربي يفهمه فقررت اتدخل كان ايكله بزاف عليك الكابوس..... باع هذا ولك يا كابوس شنو نايم يمعود ...... لا ولك ايكلك انت مو مال اسلاح..... لاوالله انت الي مو مال اسلاح ... هههههه لك شنو هاي .... رجع المغربي ايكوله ...دير اشغالك ....... اوووف شلون ويا هذا سارة فدوة ترجمي شنو يحجي.... هاي سهله اشبيك يعني دير شغلك او سوي شغلك.... ها .....طلعو الباقين وبقى بس المغربي يمكن عجبه يحجي ويا مسلم..... رجع كال يااخي خلعتني .... ها شنووو ،،،،، يكول خوفتني ،،،،،ها شنو اكوله هسه .... لاباس .... اخوي لاباس ..... رجع كال اش كاتدير حيد من حدايا....... هاي شنو بعد ...... ترى تعبت ايكلك شنو اتسوي و ابتعد عني ...... ها اي صدك راح اموته ..... كال المغربي طبعا همات مايكعدون راحه ..... اووووو اعطني الزوينه...... اني رديت عليه لاباس اخي اش بغيت ......بق معي ..... هههههه حتى المغربي مااخلص منه ..... كيفاش .....صيفط العنوان..... خاب كومممم عنوان ابن الذين.....أششش ..... كوم لك خلي نطلع مليت .....رجع مرة ثانيه كال فين زوينه ..... اووووف سر المكلخ ابحال الهبيل...... سد الفون مسلم وكام شنو كال و ضحكتي ....لا ماكو شي ..... اكلج منين اتعرفين تحجين مغربي ..... اقريت مرة روايه مغربيه واتعلمت على اللغه مالتهم .....ها حلو وين تردين اطلعين ..... هيج بس انغير جو ونرجع اشويه. ..... اوكي يله غيري ملابسج واني همات ونطلع ..... اوكي .....صعدت بس لبست جاكيت طويل اسود واخذت حذاء رياضي احس بنشاط وتفائل نزلت .......يتبع.........# ام #فرقد❤🕊🥀طبعا لغتي المغربيه مو كلش بس اكثر كلمات طبعت بعقلي واذا اكو غلط بكلامي او مافهمتو بس فكرو بيها اتفهمون كلامهم مو صعب كلش او أبحث على كوكل بس اعتقد سهل كلامهم 🥰