وحيدة بين يدين أسد

البارت 31

...يؤذيني الفعل الحاد الذي لا أفهم حدوثه في صفحة الأيام الهادئة، يؤذيني أني سأعرف فيما بعد، حين أكذب على نفسي بالطمأنينة، وأطرد إحساسي الذي حاول أن ينبهني، وأضخم حجم الثقة حتى تنفجر في وجهي الخديعة وتحرق كل شيء🖤.......قراءة ممتعه 🤗😘
نمت والكوابيس ماتخلص ما اعرف اشلون وليش هاي الكوابيس وياي خاصه بهاي الايام الوقت ابسرعه يمر واني نفسي اهرب من كلشي من الدنيا كلها ما اريد احجي ولا اريد اشوف احد ولا اعبر عن الحاله الي امر بيها لاي بشر مشت الايام واجه يوم الزواج طول اليل افكر بحل كان أصعب شعور مر عليه...... عندما تدمع عينك فجأة على شي مكتوم بداخلك لتسارع بمسح دموعك لتظهر انك قوي.... اريد اتنفس كمت بملابس البيت بس اخذت شال حتى الفون تركته وطلعت امشي ضائعة في الطرقات من زقاق الى الاخر اريد ان اجد ذاتي المتعبه و المشتته من التفكير والإرهاق ابحث وانادي ياربي انقذني جلست على الطريق العام بعد ان تعبت ونهكت من طول الطريق جلست وانسابت دموعها بكل اريحيه من دون ذاك الخجل من يراها احد  واخذتها دوامه أخرى تهتز وتأن تريد التحدث لاكن لاحد يفهمها فقط الله جلس بجانبها رجل اربعيني ربت على كتفها رفعت يديها واحمر وجها خجلا تمسح الدموع وتنساب من جديد بكل تمرد ابتسم بكل هدوء اخرج من معطفه منديل ورقي ومده لها اخذته واجهشت بالبكاء مرة ثانيه الى ان هدئت تكلم قائلا ........شبيج بابا .....نظرت له بضياع اني اريد اعرف شنو بيه .....ابتسمت بتعب مشاكل يوميه شكرا بابا باااي ....اشر الي بأيدة يعني باي كمت واني استعيد ذاتي وقوتي لان هاي الشخصيه الضعيفه ما تنطبق عليه نهائيا اخذت تكسي ورحت للبيت ونزلت دخلت وصوت الاغاني عالي جدا والكل يغني ويرقص اني اخذت نفس ودخلت بدت الهلاهل والفرحة بعيونهم تقرى الف افرحت لفرحهم رغم جنت كلش ضايجه ومعصبه بس شكلهم ايضحك وحلو بابا يرقص ماما وسحر اتدك وتركص وملاك تركص عبالك اليوم عرسها هههه والبيت امزينه بشكل كلش حلو لان رفضت اتكون بالقاعه اجيت كعدت وهم على نفس الشي كلت اصعد ارتاح اخذني مسلم رفعني بين ايديه اني حظنته ويفر بيه دخت كلش وهو يضحك عليه نزلني واني وكعت بالارض وهم يضحكون كمت غير الموسيقى مو حلوه.....شنوووووو ......صرخت الموسيقى ماحلوة ......اوكي طفى الدي جي وكعد مقابله شنو تردين .....امممممم ترهم عاجبتني ......هلاوووو شوفوا الحب وصفر وصفق بتفاعل ههه ......ديله شغلها .....شغلها ورقصني عليها بطيء بس من جد غيرت جو مرات لازم نمشي مع التيار بس احس اكو شي ناقص اي صحيح نور نسيتها اتصلت بيها وكالت ماما مو اهنا بغير محافظه تركتها ابراحتها بس تعبت وراسي صار طبل صعدت اخذت دوش ونشفت شعري وارتاح اشويه لان بعد اشياء لازم اسويها مثل انكد على علي اليوم وابزعه من دنياه اتمددت افتقدت جاك بس اكيد مسلم ماخذه يمه اخت حبوب منومه ونمت
.....................................................................
حين أكون معك ، يحتلني شخص آخر شخص سعيداً للغايه شخص تتجرد مخاوفه بجانبك تمتلىء بقلبه الطمأنينه 🤍 ......اليوم زواجي واخيرا حتى لو اليوم كله حاولوا ينغصون عليه بس ماهتم اني بس اريد سارة وهذا المهم عندي فرحان لدرجه عجيبه اروح منا وارجع مثل الغبي وكلها تضحك عليه وكلام اهواي بس اني بغير عالم اليوم تكتمل فرحتي اليوم اتنام بين ايديه واليوم اتصير ملكي وبس واسمع صوتها يوميا وهي تتذمر واعشقها اكثر من اتعصب ومن تتعب اضحك على شكلها الناعس ياربي كلبي اصغير وحبها كبيررررر اتمنى ابقى وياها طول العمر واتحبني بس هذا يمكن مستحيل لان اكو احد متمكن من كلبها وما اعرف منو بس الفات مات راح اخليها تنسى وتنسى اسمها و اخليها عاشقه متيمه بحبي ابتسم بمكر ...وصلو أصدقائي كلهم ملتمين وفرحانين الي .....اركان ..من زمان ماشفتك هيج فرحان عسى دوم .....لمعت عيونه يارب .....اتحبها ......اتسعت ابتسامته اعشقها .......وهي اتحبك ......ليش اني ما انحب برأيك........ههههههه والله مغرور بس امانه انطيني رقم سما انت صرت رجال متزوج بعد اني عندي جفاف نفسي بكلمه حلوة .......هههههههههههه اللله كريم ......مصطفى كال ......ضحكونه وياكم ........اسوالف اكبار ماتفيدك ........ههههههههه بعدك خبيث صدك علي حجزت عند الكوافير .........اي من امس ......ما شاءالله محظر كلشي و خابصنا من الصبح وتعالو وتعالو وانت امخلص كلشي ......غير اريدكم وياي وتفرحون ........يابه نفرح ليش لا وكام يرقص جوبي وكلهم كامو ويرقصون ويفرحون وفرحه علي ماينطيها لاحد الابتسامه الحلوة مانزلت من وجه بس بعد ما يكتشف شنو ظامه اله سارة اتضل هاي الابتسامه لو لا
.........ننتقل الى سحر
كانت جالسة قرب رأس سارة وتنظر لها وتفكر ماذا بها رفيقتي ماذا تشكو.... رفعت رجلها وظربتها دفرة حبي اكعدي ......كعدت سارة وهي معصبه من الظربه كامت اتريد تظربها واتعلمها اشلون الواحد ايكعد الاخر ركضت سحر تهرب منها وهي تضحك .......تعالللللللللي اهنا سحر وهي تركض الي ايشوفنا ايكول امخابيل ههههههه هي تركض واني بملابس خفيفه ولابسه شورت قصير وتيشيرت طويل امغطي على الشورت وشعري منكوش واركض وهي تشرد وكعت بالحديقة واني اضحك على سوالفها تعرف اشلون اتغير نفسيتي ملابسي كلها طين اجه جاك يركض المسكين حسباله صدك كعدت يمي بالارض وهي تلتقط انفاسها من الضحك لان منظري ايضحك جدا ....دفرتها وكعت بالطين على وجها وصار كله طين ايفطس ضحك ...... هههههههههه ذكرتيني باسوادنيه الي كانت بمكتب التوضيف ......ههههههههه اتشبهج .......ههههههههههه لاوالله اتشبهج وشعرها كيرلي تتذكرين ........يعني عفتي الناس الحلوة كلها بس هاي اجتي ابالج الله واكبر عليج ...........ههههههههههه اوكي هسه اشلون ندخل للبيت ماما اتموتنا غير ........تعالي نغسل اهنا .....يله كمت اغسل منا وهيه اتحط عليه طين منا والخباثه فول اليوم عدها ......هاي شنو ولجن بالله هاي راح تتزوج باجر يرجعها الي ولك ناصر تعال شوف بتنك شنو اتسوي........اجه بابا ينظر النا بتعجب والصدمه واضحه على ملامحه ضحكنا عليه اني وسحر طلعت ملاك وهي اعيونها امورمة......مسحت ايدي من الطين وفتحت ايديا الها اجتي وهي انفجرت تبجي والله دلوعه زياده عن اللزوم......ههههههه عليمن تبجين هااا........خاف بعد ما اشوفج وارجع لوحدي ........ههههه من صدك تحجين ما اعوفج ابد انتي البيست مالتي .......
هااااا واني شنو بالله.....,
you will always be my number-one 🤗...... 😍aww, thank you....... يله كافي
عاد ترى اني اهنا احد يراعي مشاعري .......حبي انتي اني اراعي مشاعرج تعالي ومسحت وجها صار كله طين واني وسحر نضحك عليها وماما بقت اترزل بنزاكه دخلت لان الوقت راح اجتي ابنيه من الكوافير اتسوي مكياجي لان ما الي خلك اروح اني اخذت دوش وبلشت بالتسريحه وبعدين المكياج والله حسيت اني حايط وكاعدة اتلحظ بي على كميه المكياج اهواي بخبال بس النتيجه غير مرضيه وبقت بس بدله العرس كان علي مشتريها الي خصيصا والله عليه اسوالف ظليت حايرة امسحه واني احط مكياج هادي لو اشلون دخلت سحر وملاك وهن يصلن على النبي واني ماعجبني الوضع ابد......ها اشبيج ......راح امسحه واني احط مكياجي بايدي ......لالا والله حلو اشبيج وهذا التعب كله ايروح صار الج ساعتين من غير التسريحه بالساعه واتمسحي لا يمعودة .......خلي اتمسحه احسن......انت اكعدي خليج محظر خير .......باوعت لسحر ورجعت كملت .........اصلا مثل المهرج صايرة ماحلوة........ههههههه لا تحاولين اصلا اخبل وعلى اعنادج راح اتركه.......متأكدة......طبعا اني حلوة بكل الحالات.......وضحكنا لبست وخلصت ونزلت الناس اهواي والدي جي عالي نزلت وكل اشويه اريد اوكع من الكعب والبدله ثقيله نزلت و ناس تركص وناس تاخذ غيبه وناس تاكل واني حايرة اشلون امثل الفرحه الي ما اعرف اشلون صايرة ............. ‏من الغريب أنك تعيش داخلياً بمليون إضطراب للمشاعر، وخارجياً هادئ بشكل يوحي بالرضا🖤 وبعد ساعتين دخل علي وكاشخ بشكل حلو وفوق الحلو انبهرت بي من جد لابس قميص ابيض وجاكيت اسود وجينز اسود اتقرب بوسط التبريكات والهلاهل والجكليت والفرحه واضحه بوجه حسدته اشلون يكدر يمثل اتقرب مني وطبع قبله دافيه على جبيني وهمس باذاني الله يحفظج الي ابتعد كانت اعيونه تلمع بشكل ملفت اخذ ايدي بين ايديه وباسها ولبسني برقع ابيض ماما جابته وعباة لبست وهو اخذني وطلعنا وصار اطلاق نار صراحه ما احب هاي السوالف ظغطت على ايدة افتهم واتقرب مني .....هاااا........كلهم كافي اطلاق نار لا واحد ايموت من الاوادم.......حاظر .......ما اعرف شنو حجه وياهم بس وقفوا الاطلاق الناري صعدنا بالسيارة والطريق كله بس لازم ايدي اي شنو راح اطير قابل بس اجر ايدي وهو ما يقبل وصلنا للبيت ودخلنا والناس اكثر اهنا اذاني راحت من الهلاهل وتجي بنص اذاني اشلون سالفه واني اختنقت من البرقع والبدله واتظايقت جريت ايديه .......فدوة والله اختنقت اريد اروح للغرفه ......ابتسم اوكي يله وصدك بعد عشر دقايق اخذني وفتح الباب الي ودخلت وسد الباب رفعت البرقع اريد اتنفس اختنقت كعدت على طرف السرير ارتاح وهو كعد بقربي ونظر لوجهي بنظرات صلفه......هاي شكو اهنا اطلع منا يله .....لاوالله......اي والله .......ماكو هاي غرفتي الي ما عاجبه يطلع........استغفر الله ممكن تطلع.....اي هيج حاظر اطلع و15 دقيقه وارجع ........اوكي امري ل لله .....طلع واني غيرت ملابسي يبووو شكد اثقيله البدله واخذت البرنص وخلت الحمام مسحت المكياج وفتحت شعري واخذت دوش سريع وطلعت كان متمدد على السرير بكل هدوء نظرت اله وكملت نشفت شعري واخذت ملابس ودخلت البس اتراك صيفي ......ممكن تبتعد منا لان... ماخذ السرير بالعرض ......اي .....كام غير ملابسه كدامي شكد وقح ما يستحي والله اني نمت غطيت وجهي بالحاف وهو اجه نام بالجانب الثاني وكان هادء جدا ابسرعه نمت لان تعبانه كلش وراسي صار طبل من الموسيقى ..........يتبع
#ام #فرقد 🤗❤🕊🥀
محشش معجب بجارته وزوجها ميت فكال خل اروح اصارحها😉 دك الباب طلعته بدون مكياج😳 من الصدمه كللهة ماكو اخبار عن المرحوم 😂😂😂😂😂