وحيدة بين يدين أسد

البارت 25

"""“الحرية أن تكونى حرة فى اختيار قيودك التى قد تكون أقسى من قيود الاخرين عليك.انه الانضباط العاطفى والأخلاقى الذى تفرضينه على نفسك وتحرصين عليه كدستور""""

اباوع من شباك السيارة والمطر ينزل بهدوء مريح للاعصاب يمكن كان اختياري غلط بس احسن من ..... اوففف منو يصدك اني الي رافضه الزواج نهائيا انجبر اتزوج والله وكت اخخخ متعب شعور الاجبار وصعب اتقبله بس مهند يعرفه ما معقول يزوجني شخص غريب او يرميني بالتهلكه لا لا مستحيل ..... مسلم وين فونك ..... ليش ..... شنو ليش اريدة ،،،،،،، اي شنو تردين بي ،،،،،، استغفرالله بابا اريد اتصل بمهند..... ها هذا بس لا تلعبين منا منا اتفقنا ...... يعني بعدك ما بزعت من اسوالفك الله كريم انطيني ....... هاج ... اخذته وطلعت اسم مهند ..دك ..... دك....دك ..... الو...... الو شلونك حبيبي ..... هلاو يروحي ..... بعد روحي يخويه اكلك..... ها ..... حباب جنطتي والفون عندك ...... هاااا لا علي اخذهن ..... ها اوكي وديلي رقمه فدوة ..... اوكي ثواني ... اوكي باي ......باي.... بعد دقيقتين وصل رقم علي ..... اتصلت عليه دك....دك....دك......دك ...دك.. بعد ما من جد بزعت رد ...... الوووو..... وكان صوته بي اثر للنوم ...... الو هلاو علي .......اهلا منو ...... معجبه ..... اسف مرتبط ...هههههههه حلو علي انت وين ..... حاليا تحت اللحاف و نعسان بعدني ومتعب ودماغي في غيبوبه اذا اكو شي مهم بعدين نحجي ..... هههههه اريد اخذ اغراضي منك ...... ها اي صحيح والله نسيت اوكي وين انتي واني اجي .... مو كنت نعسان ....... لا راح النوم ....اوكي اني بكافيه (##############) انتظرك مو تنساني...... اوكي اتفقنا نص ساعة واكون يمج .....باي .....باي .....نزلت يم الكافيه الي بمنطقه قريبه على البيت نزل مسلم وياي...... وين جاي ......وياج غير .... لا مشكور اني من اخلص اتصل بيك وتجي ....ليش اكو شي ..... لا ماكو شي بس اريد اكعد الوحدي ممكن بلا اسأله زايدة ....... اوكي و راح واني طبيت اختاريت طاوله بالاخير وكعدت انتظر واكو علامة استفهام على راسي اتذكرت مقوله احلام مستغانمي(“وحده الألم غداً واقعاً، يشهد أن ما وقع قد حدث حقاً .)اتمنى الي امر بي يكون حلم .... دخل علي و مثل كل مرة جذاب ...... كانت اعيونه امورمه من النوم اكيد بس همات حلو بصراحه..... هلاو .....هلاو....اشر للويتر ممكن كهوة تركيه وانتي سارة شنو اتشربين..... همات كهوة ....اوكي اثنين كهوة تركيه .....شال الجنطه وخلاها على الطاولة.... هاي اغراضج ....شكراااا ....ولو عادي.....شلونك ....باوعلي وابتسم تمام.... وانتي شلونج .....عادي يمكن عقلي مايستوعب الي صار فقرر عدم التفكير ...... سارة اني من جد اسف والله واكيد الي مريتي بي مو عادي بس وداعت اعيونج اله اخذ حقج.....بس اني اكدر اخذ حقي مو محتاجه مساعده منك خليها لغير وقت ....باوعلي وكان اكو الكلام بعيونه ما فهمته او اني حاولت استغبي.... علي ......رجع ابتسم بعفويه وكال ها ....انت عادي عندك تتزوج شخص ماتعرفه...... بس اني اعرفج ......بس اني ما اعرفك ولا افهم عليك وصراحه اريد اطلب منك شي بس صراحه اخاف تردني.....لا كولي اني بالخدمه......اريدك انت ترفض الموضوع وتقنع مهند برفضك. ،....ليش انتي اكو احد بحياتج.....لا ماكو احد بس ماريد اتزوج بهذا العمر اريد ......،،،،،،اتنهدت بشكل حزين اوكي .......بس اني وافقت وما اكدر ارجع عن كلامي ...... درت وجهي وكان اخر امل عندي اتبخر وراح بالهوى ......اني اسفه بس ما اكدر اتزوجك كول هذا الحجي لمهند همات .....سارة انتي تحجين صدك انتي الي وافقت بالبدايه ليش اتراجعتي هسه .......لان كل بشر اكو حد لطاقته واني طاقتي خلصت اريد ارتاح تعبت والله حياتي كلها تعب وارهاق اريد اخذ بريك تايم لو حرام ارتاح شوية.......اوكي نتزوج ونروح وين ماتردين وترتاحين اهناك .....علي اني ما اكدر اتحمل هيج مسؤلية وهاي حياة المتزوجين ما اطيق هيج جو ولا اكدر اوووووف انت ماتكدر تفهمني ..... افهمج والله بس هذا احسن حل وبعدين عادي ياسر يخطفج مرة ثانيه ويمكن يتزوجج لان هو مزواج من الدرجه الاوله كم وحدة اتزوجها واتدمرت وعافها انتي ابكيفج بعد بس اني همات كاعد اضحي علمودج وانتي ولا اهنا و حايرة اشلون تفركشين هذا الزواج.......اني احس كلبي راح ايطك من هاي الدنيا الي تمشي عكس وياي يارب ..... اوكي شوفي حل واني وياج اتفقنا.....ههه يعني اكو حل بعد يا حل هذا ماكو غير ان اضغط على روحي و اقبل هذه حياتي وهذا القدري يله باي ....... كمت اخذت جنطتي لبستها وطلعت واني الدمعه على وشك ان تنزل ليش هيج حياتي اه مشيت للبيت كان اكو سوبر ماركت بالطريق دخلت يكولون علماء النفس ان التسوق هو حل مثالي لتخلص من الحزن والكآبه والتوتر والقلق و يزيد من الشعور بالسعادة و طبعا اني ارتاح من اكل واشتري الاشياء الي احب اكلها ههههه منو مثلي صدك اخذت حليب بالكاكاو و اندومي و كنتاكي جاهز و الجكاير واخذت بسكويت مالح ومكسرات وجيبس ودولمه جاهزة واشياء يمكن ماكان الها داعي بس اشتريتها وكان الحساب(###) الف ههههه النفسيه الان تمام المهم صرفت فلوس طلعت واني اكل فستق مالح وحليب وصلت بعد طول عناء وتعب للبيت وكان مسلم كاعد بالحديقة دخلت هلاو داده شنو اتسوي اهنا ....... منتظر تتصلين واجي ليش ما اتصلتي عليه واجي ..... لا عادي اتظايقت من العشه وردت اتمشى ....... حتى كذب ماتعرف تكذب عدل يعني الي متضايق من العشه يرجع ياكل ........ ههههههه انهضم و جعت يله حبي تصبح على خير ..... وانتي من اهله ..... دخلت وكان البيت هادي لان اهلي اينامون من الساعه 10 والساعه هسه 11 ونص صعدت فتحت الباب نط جاك ابوجهي خطيه جوعان يا حبيبي نسيتك والله حطيت الاغراض وطلعت أكله وكعد ياكل واني رتبت الاغراض ونزلت خليت الكنتاكي وباقي الاشياء بالثلاجة و الحلويات الي اتحبها ماما ودولمه جاهزة باجر اسويها للغدة .....صعدت للغرفه اريد الحبوب الي وصفها الي ساهر كانت حبوب منومه لكيتها واخيرا اخذت ٢ منها طلعت الفون كان فاصل مابي شحن خليته على الشحن ونمت بعد يوم خلص بشق الانفاس .......يتبع
#ام #فرقد ❤🥀🍂 اليوم بمناسبه عيد الحب كل عام وانتم بخير و سعادة و الحب ويبعد عنكم كل شر والفراق و يقرب الفرح وكلشي حلو يارب طبعا اكول لاصدقائي كل عام وانتم الحب والحنان يارب ايعوضكم خير  🤗ادعولي 🤲