وحيدة بين يدين أسد

البارت 29

رجعت للفراش واريد انام بقيت بس اتكلب منا ومنا وما نمت ابد ما اكدر والله اشلون اتزوج مستحيل احجي ويا مهند ويكول لبابا ولي ايصير ايصير بابا مهما يكون عقابه ارحم من الزواج بس اخاف مايتحمل ويصير بي شي ياربي رجعت اتمددت وطلعت الشمس واني ما مرني النوم كمت من الصبح لبست ملابسي اشلون ماجان وطلعت نزلت وطلعت بالسيارة واني ما اعرف وين اروح وشنو اسوي اهواي اشياء ابالي ما اعرف المن التفت بالله منو ايصدك اني اتزوج ومن منو واحد عصبي ومتهور ولا همات يضرب وما يتفاهم وابو نسوان شكد كانت عندي احلام حلوة وان اتزوج واحد عاقل ومتزن اتذكرت كانت البنات بالاعداديه كل وحدة اتحب واحد واني ماعندي من هاي السوالف ابدا ولا اطيقها وكلها اتكلي انتي معقدة بس ماكنت اهتم بهذا الحجي ولا يهز شعرة مني اتنهدت واني اتذكر ايام كانت حلوة وهادية ومريحه وبسيطه بس كنت حايرة اشلون ارتب شعري و احاول ما انزل عن درجه 100 بس هذا الي كان ابالي هسه من كثر المشاكل حتى النوم صعب وكلشي موجع نزلت يم كوفي بعيد ما اعرف اني وين اصلا بس المهم راسي يهدء ما اريد اي شي بعد نزلت وكعدت وطلبت كهوة وكعدت انظر للناس والشوارع فارغه لان الساعة 10؛6 بس كم شخص كاعدين بالكوفي واني سرحت بهمي
.............................................................................
كعدت الصبح على صوت الفون المزعج منو هذا الي يتصل بالاحاح رديت واني بزعانه وبعدني نعسانه رديت ......الووووو........الو السلام عليكم ......هلا وعليكم السلام منو ......اني ابو ازل اليوم اعتذر اذا ازعجج من الصبح بس ما داومتي اليوم وازل تبجي اتريدج ........اوكف جلست عدل اشوف الساعه شكد كانت 9:45 يبوووووو شمرت الفون وكمت اركض واني اصيح عمر كوم الوقت راح علينا سجى كومي ام كفشه واني اركض حتى دوش ما الحك لبست على السريع جينز وقميص ولبست الاطفال و ادور على الفون وين اختفى بعدين لكيته نزلت اركض و هم وراي نزلت اعطيتهم مصرف ونزلتهم على السريع و على طول للمدرسه دخلت واني ارتب بشعري لان مخربط بعدين نزلت كان ابو ازل واكف بالباب وازل تبجي والعيون حمرة و مورمه وهوة يهدي بيها وهي ما تسكت رحت الها ومسكت ايدها وهي بس تنظر الي اخذت ايدها ودخلت صرخ انتبهي عليها......انشالله هو خلي اشوف روحي اول وبعدين انتبه عليها والله الي يشوفني ايكول متكهربه القميص طافر والجينز ما اعرف ضيك والحذا ما مربوطه القيطان وحالتي حاله دخلت اول ما كعدت اجه المدير وامبين مغضب بس يحجي بهدوء .......ست ملاك هذا مو حجي يعني صارلك كم يوم ماتجين بالوقت وتأخرين هاي اخر مرة سمعتي .....اسفه أستاذ انشالله اجي بالوقت .....عافني وراح ويهز بايدة ماعاجبه الحجي..بعد نص ساعه على الدرس رحت للمقصف واشتريت معجنات وعصير ورجعت ازل على نفس الكعدة اجيت وكعدت واكلنا اني وياها وهي بس تبتسم فدوة شكد اكيوت طلعنا ورحنا انبلش الدرس........يتبع
#ام #فرقد🤗❤🥀 هاي حسب طلب الابنيه طلبت مني انشر امس بس ما كنت كاتبه شي واعتذر منكم ما اكدر انشر يوميه ❤