وحيدة بين يدين أسد

البارت 34

أتسمحين لي؟
- بِـ ماذا!
- أقطفك من أرضكِ المُزهرة
وأغرسكِ بمكانٍ آخر !!
- أين؟
- قلبي ، المكان الذي يليقُ بكِ 💗🌻....قراءة ممتعه🤗
اليوم غير احساسي غير الدنيا غير والناس غير ههه اتذكرت كاظم الساهر نزلت راسي مبتسمه
من ايغني الليله احساسي غريب عاشق واني مالي حبيب رفعت راسي واني ابدل ملامحي حتى لا ينتبه علي بس تبين ان انتباهك لتفاصيل كارثه .........الابتسامه تلوك عليج ليش هيج خليني اشوفها دائما .........ابتسمت بخجل نظرت من شباك السيارة والهدوء سيد المكان وصلنا للكليه نزلنا و ودعني افترقنا هو راح للمكتب واني رحت اشوف نور ومثل العادة جالسه في الحديقه كانت شاردة بافكارة جلست بقربها وما حست عليه هزيت كتفها انتبهت ......هلاو ....هلاو بيج وين بالج ......لا هيج ......نور مو عليه احجي اسمعج ......لا ماكو شي مهم انت اشلونج علي اشلونه وياج .......الحمد الله بخير ........الحمد لله.........احمر وجها من الخجل .....مسلم شلونه ابوج امج ......الحمد الله بخير كلهم........بس اكو شي كلبي ايكول اكو شي بيها مو طبيعي تركتها على راحتها و اتكلمنا بمواضيع عاديه مشى الوقت وصار وقت المحاظرة الأولى و بدينا ناخذ ملاحظات و احاول اركز وابعد التعب والتفكير عني .........................................................
اليوم ممل كانوا سارة طالعه من بيتي البيت اظلم و موحش و الكآبه والملل ملازمين ملامحي بعد ما انتظرها الجمعه ولا بوقت متأخر من اليل او من تتعب ترتاح عندي احس اتيتمت من جديد أخجل اروح الها او عند أهلها من دونها او انتظرها وماتجي اووووف سارة مو بس صديقتي اختي وامي وابي واخي و كل الدنيا صارت ساندتني وساعدتني من اتمرض تجي تهتم بيه وتطبخ وتهتم بالأطفال وما تتركني الا واني فوق التمام ياربي انطيني الصبر ما اكدر بدونها طلعت من الحمام نشفت شعري و حطيت مكياج خفيف و لبست الاطفال وحظرتهم للمدرسه وحظرت الريوك وخلصنا وطلعنا بس مالي اي مزاج اطلع ولا اسوي اي شي ثاني وصلت للشغل و بديت الدروس و ازل متمسكه بي بشكل جدا غريب يعني من اروح للحمام ما تقبل واتريد تجي وياي وحتي لو عندي درس لغير صفها اتريد تجي وياي ما اعرف هذا لان امها متوفيه او شافت بي امها ما اعرف خلصت الدرس الرابع و اريد اطلع طلبني المدير اتجهت بتعب وارهاق سلمت و جلست ........ست ملاك اليوم عندك بعد محاظرات وين طالعه ........استاذ تعبانه ومجهدة واريد ارتاح عندك المدرسين كلهم بس ساعتين وينتهي الدوام واحد منهم ياخد مكاني ............لا ست ملاك اني متهاون وياج اهواي تتأخرين واني اسامح و تطلعين من وقت واني اكول بعدها ما متعوده على الالتزام واخذتي اجازة وانتي بشهر الاول هذا ما مقبول ابد يا اتقدمين استقالتي اواطردك..........اصلا الدنيا ما توقف على الشغل ولا واحد مثلك انسان فارغ و ماعندي طاقه ارد عليك انت واحد استغفرالله.......تركته وطلعت اخذت تكسي ورجعت للبيت وجلست اشاهد افلام حتى اضيع الوقت وانسى ..............................................................................
صحيت من الصبح منتظرى عروس الغفله بنات اخر زمان دخلت المطبخ واخذت الريوك وطلعت بدون اي كلمه لا كالت اساعدكم محتاجين شي اسوي شي ابد هاي الابنيه راح تجلطني برودها وعاقله ولا الي يألم اكثر علي ايموت عليها وهي ولا مهتمه بي ابد و يحجي بس بيها وهي كذا وكذا وكلش ما شفنا منها غير النوم يومين نايمه لا تطلع من غرفتها ولا شي الناس تجي اتريد اتشوفها واتبارك الها والنا وهي بس نوم ولا الي غثني اكثر احس هانت روحي باعتذارها بس بعدها ما تعرفني واني شنو الأ اكرهج من دنياه وتمشين وتحجين ويا ظلك بسيطه ......................................................
هلكت محاظرات وحدة ورا الثانيه تعبت مشيت اروح لعلي اجاني مسج من شخص مجهول مرة ثانيه (فترة صعبة بكل معنى الكلمة ، لا راحة ، ولا فرَح ، ولا قوّة حتّى🖤) قريته واني امشي ابسرعه للحظه كنت على وشك ان ارتطم بالحائط ولاكن يدة كانت حمايتي من الاذى مثل كل مرة يخرج في الوقت المناسب ويحميني فارتطمت جبيني بيدة الدافئة رفعت راسي ابتسم ........ممكن تنتبهي اكثر .........علي انت منين تطلع ...........شنو منين اطلع بدل لا تكولين شكرا لو تاركج تنظربين احسن ..........لا يابه شكرا واني اعتذر بس من جد منين تطلع بكل وقت الي.............هذا اسمه و لا اتركي الموضوع......المهم اريد اروح تعبت كلش يله ............اوكي يله................طلعنا واتجهنا للبيت و الهدوء حلو بينا بدون كلام او بدون ازعاج وصلنا للبيت دخلنا اول ما دخلنا بس سلمنا بدت امه انتي وين من الصبح والطبخ والشغل كله عليه ما تكولين مرة كبيرة بالعمروما تكدر لوحدها انتي من يا طينه ماعندج مستحه وما سكتت ابددد علي انزعاج جدا بس سكت اني خليت كتبي على الطاولة وشلت ردان القميص وبديت اغسل المواعين وانظف المطبخ واكمل الطبخ بعدين عجنت الي وكالت اخبزي ماكو خبز استغفرالله واتوب اليه دخل علي لابس اتراك ابيض وبي كتابه بالاحمر وشعرة مبلل طالع ايخبل حاولت اشتت انتباهي وما اهتم كملت المواعين وطلعت للكراج يتبعني من مكان لمكان حظرت التنور كان الكراج كبير جدا وبي حديقه و ورد وشجرة رارنج وبرتقال يعني الجو ايخبل بديت اخبز بس الي اموترني نظرات علي كاعد على الأرض بقربي ويلعب بالفون وبين ثانيه والأخرى ينظر الي كان العجين اهواي كلش تعبت و بزعت منه بس كاعد...... عليييييي ....رفع راسه ......هاااااا .......ممكن اتساعدني تعبت والله ........اي من اعيوني كم سارة عندي يله شنو اسوي ........بس ارفع الغطا وطلع الخبز ........هاي بسيطه رفع اردانه ويتحرك بهمه وحماس و عاقد احواجبه من الحراره.........وبدينا سوى وهو يسولف واني ارد عليه وكل احجايه والثانيه يبتسم و اني اضيع اريد اروح بس وين هو بكل مكان يطلع الي خلصنا بعدما روحي أزهقت دخلت واني ملابسي كلها طحين وعجين اكرة الوساخه وخاصه ملابسي بعدني ما دخلت الغرفه تكلمت بلغه الامر .........روحي غسلي الكراج مو اتعوفي كله طحين ورتبي ياله تنامين ولو نوم الظالم عبادة ......اخر ثلاث جمل حجتها بهمس بس سمعتها عدلت ظهري وقررت اروح لغرفتي تعبت وهي عدها غيري مو بس اني ......علي عنده اخوا اثنين متزوجين هو اوسطهم و زوجاتهم موجوده ما يشتغلن اني شنو ماخذين بس شغل و من 4 ساعات اشتغل ماكو احد بالبيت كأنو مهجور واني من اريد ارتاح كلها تطلع والله ياالله دخل علي و حالته حاله ايضحك شعرة كله طحين والبيجامه كلها مي يمكن غسل والوجه احمرررر من الحرارة ضحكت ما اتحملت اتقرب دفعني للغرفه واني ما سكتت ........اشششش ولج لاواحد يطلع و ايسمعك استغفرالله .........اتقربت منه وعدلت شعرة ومسحت الطين من وجه وشعرة وهو صافن ابوجهي ويبتسم............ابتعدت اخذت البرنص ودخلت للحمام اخذت دوش سريع تعبانه موووووت اريد انام طلعت نشفت شعري شلون ماجان وركضت للسرير كان نايم مثل الملاك ولاكعد من الصوت اخذت حبايتين منوم و نمت ..............
صحيت من النوم بسبب الصوت العالي كان علي يصرخ والطرف الثاني يحجي بصوت مبحوح اريد افتهم شنو صاير او على شنو بس كلامهم سريع اخذت شالي وطلعت اشوف شنو الصاير كان علي واقف ويصرخ و الشراين وجه كلها طالعه وصاير احمرررر من الصراخ وشكله مرعب جدا بقيت ابمكاني واقفه اتفرج واني مصدومه ليش معصب كان هو وابو بينهم الجدال محتد جدا حسب ما فهمت لان امه اتكول عليه مو زلمه لان يساعدني واني راح اشيخ عليه ومن هذا الكلام وعلي معصب وكالب الدنيا و هو مايقبل احد يتدخل بينا و ابو متدخل نظر الي علي نظرة حادة وعافهم و دخل للغرفة واهله ينظرون الي نظرات كلها حقد تركتهم ودخلت وراة كان فاتح دولاب الملابس و يلبس دشداشه سودة وبيها خط ذهبي شعرة مخربط و وجه احمر وايديه ترجف صاير اعصاب اخذ الفون وطلع لا سلام ولا كلام تركته واتجهت للسرير ياربي انطيني الصبر بقيت العب بالفون للساعه 2 باليل دخل الغرفه كانت الغرفه ظلمه بهدوء يمشي ظويت بالفون انتبه الي وشغل الضوء عقد حواجبه وحك خشمه ........السلام عليكم ليش كاعدة لحد الان .......هلا وعليكم السلام ما نعسانه ...،.فدوة حظري الي الحمام.......اوكي اتحركت ابسرعه حظرت الحمام وحظرت ملابسه و جلست انتظرة ............بعد عشر دقايق طلع ينشف ابشعرة كعد مقابل الي .........علي .......هاااا.......ممكن اعرف سبب الي صار اليوم بينك وبين اهلك .......انت كلتي اهلي يعني ما الج دخل .......لا بالله شلون ما الي دخل اهلك صارو اهلي همات وبعدين انت اتكول هيج ......................يتبع
#ام #فرقد 🕊🥀❤