وحيدة بين يدين أسد

البارت 28

^^^^^^^^^^^^^^^^^^^^^^
التمسوا لنا الأعذار حينما لا نكون كما اعتدتم أن نكون ، ربما نفوسنا في عالم غير عالمكم ، ولعل صدورنا تحوي على مالا نستطيع البوح به
^^^^^^^^^^^^^^^^^^^^^^^^^^^^^^^^^^^^^^^
اخذت بعض الملاحظات بس ما كان الي مزاج ابد يعني شلون ما جان خلصت المحاضرة كان علي يحجي ويا بنات نفس البنات الي كانن يتغزلن بي هه يمكن عاجبه الحجي ردت اطلع بس صاح سارة بصوت عالي انتبه الطلاب والانظار صارت عليه نزلت من المدرج واتجاهلته وطلعت اي اريد ابتعد عنه لان اني مالي اي طاقه بعد تعبت وهو ايريد كل اشويه سالفه جديدة يمكن فارغ بس المبين مشغول وين يلكه وقت لهاي السوالف حطيت السماعات واتجهت للمكتبة اريد اغير نفسيتي دخلت واختاريت كتاب وكعدت اقرى بعد مدة حسيت احد يلزم جتفي بس قوي رفعت راسي كان علي كان شكله امعصب و عروق الي بوجه اتريد تنفجر وشعرة مخربط والجاكيت ماكو بس بالقميص والجينز مو بالعادة معقوله عصب لان اتجاهلته اخذت نفس وجريت ايدة وكعدته كدامي كانو انصدم من حركتي عقد حواجبو ابتسمت اله .....اسفه بس استحيت احجي وياك كدام الطلبه .......رفع تك حاجب و مامقتنع..... لا بالله ....اي ...كومي كدامي للمكتب ......كام وكف واني بس اباوعله ياربي انطيني الصبر و القوى باوعتله ......كومي لا والله اكلب المكتبه على راسج كومي كالها بصراخ انتبه الكل كمت بانزعاج شديد يمشي سريع واني امشي على كيف ههه خباثه فتح باب المكتب واشر ادخلي دخلت بس دخلت سد الباب بالمفتاح ومد ايدة وخنقني من ركبتي ورفعني اختنكت ابسرعه وكمت اكح واباوعله اشلون اعيونه دم من العصبيه كنت راح اموت وهو ايكول اني اتلبسيني وتسوين روحج ماتسمعين ساره خانم والله طالت وشمخت شمرني بالكاع واني اكح ....اه انت مخبل اشلون اتمد ايدك عليه ......اني امخبل ونزل ظربني راجدي وبتعد عني واني مصدومه هذا منو بس احد ايفهمني كام و شمر الكتب والتحفيات كام جسمه يرجف واني بس اباوع اله وانتظر شنو راح ايسوي بعد كعد ويرجف حط ايده على وجهه و يتنفس سريع كام ايدور مااعرف على شنو ايدور بس كلب المكتب فوك تحت ويرجف بشكل غريب اتذكرت السكر كعد بالكاع بس ابشكل غريب وانتجه على الحايط والشفايف زرق و الوجه اصفر حيل ياربي راح ايموت هذا كمت واني احاول احجي بس صوتي مو واضح لان اختنقت وايدة قويه كمت ادور بالجرارات على دوا فد شي ماكو دخلت الحمام كان اكو جنطه اصغيرة عرفتها الأنسولين لان خالي كان يضرب انسولين اعرفه وكنت اني اضربه الابرة لان هو ايخاف منها ومايكدر يضرب روحه بس بعد مايستعمله يستعمل حبوب اتقربت منه وحللت اله السكر كان عالي جدا 586 خاف ايصير شي بعيونه يالله سحبت الابرة فتحت دكم الردان بس هو بعدة معصب دفعني بقوة وغضب....ما اريد شي منج اطلعي منا .......باوعتله بالله هذا شنو اسوي وياه يعني فوك حكه دكه فوك ما ظربني وخنكني وزعلان هه والله مو حاله خلي ايولي عفته وكمت طلعت واني اعدل ابملابسي والشال مشيت وعفته .................
كعدت اليوم متأخرة على المدرسه من اول اسبوعين واني ما التزم اخ اخاف لا يفصلوني بس مامعقول من ثاني مرة كمت كان اكو ريوك على السفرة اكيد سارة رجعت كعدت سجى وعمر وسحر ودخلت اخذ دوش طلعت اريد اغير ملابس الاطفال بس كانت سحر امغيرة الهم ههه وكاعدة تتريك فدوة شكد حبابه رجعت لبست وحطيت مكياج بسيط واخذت الاطفال وطلعنا اني وسحر كالت اني اروح للبيت ودعتها وطلبت منها تجي باستمرار صديقات سارة كلهن خوش ناس ومحترمات وخوش بنات والله حتى نور ههه رغم ماشفتها بس امبين كلبها ابيض رحت للمدرسه كان الدرس الأول بدة ركضت بالممر واني اريد الحك الدرس اخاف المدير يعرف متأخرة انظربت بشخص اطول مني و وكعت بالكاع وصار فوكي اني دفعته وضربته دفرة واني اعدل اهدومي اباوع هذا منو يبووووو هذا ابو ازل طاح حظي.......هاي شنو ماتشوفين انتي وبعد تضرب دفرات ....اني ما كدرت اسكت ضحكت بصوت عالي هههههههههه
....انتي مخبله رسمي تضحك همات ضحك وراح ...مشيت واني اباوع اله وهو يمشي صاح انتبهي ل ازل ......اوكييي....دخلت الدرس وكانت ازل كاعدة والوجه ايخبل فدوة اكيوت هاي البنيه بلشت الدرس.....................
ما اهتمت ابد حتى لو ابدافع الفضول اني منو هههههه والله فد شي هاي الابنيه شي غريب بيها يجذبني الها ماشفت مثلها كنت اريد اضايقها لان تطلع حلوة من اتعصب ههه بس يله مرة ثانيه اجرب واشوف.........................................................
كنت معصب كلش من امس واني احاول اهدى بس هي ابدا ولا مهتمه وكانو ماموجود ماكو هيج شي وبعدين مغرورة كلش شايله خشمها عليه وعلى اهلي امس اهلي بس يحجون شنو من أخلاق تطلع حتى ماتكول عن اذنكم وبس مادة البوز شبرين اتكول خاصبيها ولبسها فاضح ومن هل حجي وشلون اتعيش وياها ويعبرون عن رفضهم بس احتراما لرغبتي بس والله بزعت منها ومن تصرفاتها يعني تحترم اهلي على القليل واني عادي ممكن استحمل بس هم اشلون اشرح الهم انو هي هيج كنت اريد احجي وياها بهدوء بس استفزتني كلش اني اصيحها وتلبسني كدام الكل وتطلع لا خلي اعلمها هي ويامن هيج اتسوي اني زلم امشوربه اتخاف مني وهي حتى احترام ماكو بس لان شافتني اتساهل وياها بس هذا الأسلوب الظاهر مايفيد رحت الها وكتلها تعالي للمكتب اجتي وراي لزمتها من ركبتها ورفعتها وبعدين غلطت عليه ورجعت ضربتها راجدي خبلتني والله ماخلت عندي عقل ابراسي ماكان نفسي امد ايدي عليها واضربها بس هذا كله من ايدها صعد السكر عندي وجسمي يرجف وحلكي يبس كامت وحللت الي ورادت تضربني الابرة طردتها وهي ما صدكت خبر طلعت وعافتني ههه هاي الي اريد اكمل حياتي وياها لا بالله اختاريت صح بس اني احبها اخ ياربي بليتني بوحدة قاسيه وما تفهم .................................رجعت اله ما اكدر اعوفه وهو هيج لا لا بعدين احاسبه رجعت من نص الطريق واني اركض اخاف ايموت ياربي حتى لو ما اطيقه بس يعتبر زوجي اي وصلت فتحت الباب كان على نفس كعدته مغمض اعيونه ونفسه ضعيف طلعت الابرة وشلت ردان القميص وضربته الابرة حطيت راسي اسمع نبضه كان ضعيف رفعت راسي اباوع اله فتح عينه ويباوع عليه اتنهدت وكعدت مقابله اله ......انت اتريد اتموتني ليش هيج اتسوي ابروحك وانت بيك السكر ما تخاف على نفسك ماعندك مسؤليه .....جرني لحظنه وحظني......تعبان سارة على كيف وياي ........ضحكت وبادلته الحظن هههه اي انت عجوز صرت ......ضحك واكتفيت بهاي الراحه الي احسها من اكعد وياه غريبه اول مرة هيج احس كلبي دكاته زادت واستحيت و بعدت عنه وكمت بس احسابنا ما خلص ........وطلعت وعفته ورحت اكمل محاضراتي وبعد جهد جبار طلعت واني تعبانه و بداية صداع اتجهت لخلف الكليه واني امشي اجتي ابنيه جميله بشكل ملفت للنظر كانت اتخبل الشعر اشقر والعيون خظر والحلك يمكن امسويه فلر هههه والجسم منحوت اتخبل اني ابنيه وصفنت شلون بالشباب ههههه ......مرحبا سارة شلونج كالتها بابتسامه واسعه ......هلاو الحمدلله .........يمكن ما عرفتيني اني شهد اخت ياسر وهاي دعوة خاصه الج ...........فتحت اعيوني يحجي صدك هذا يعني شنو امفكر راح اعدي الموضوع عادي .......اخذتها بابتسامه اوسع شكراااااااا بس حفله شنو ......... احتفال الي لان دخلت الكليه بعد طول الطريق وضحكت ها راح تجين .........اكيد ما اكدر ارد دعوتج بس اشوكت الحفله..............بعد اسبوع منتظرتج اتفقنا ...........تمام ...........وراحت رحت للحمامات وكعدت واني افكر بخطه شيطانيه هههه وكعدت ادخن طلعت كانت محاضراتي خلصت رحت بس اشوف علي اشلون صار ورحت لغرف الاساتذة فتحت الباب وانصدمت كانت نفس الابنيه شهد كاعدة على المكتب وقريبه اله كلش هو كام يتنحح وجه احمر ههه لاوالله......... اتقربت منه ورفعت ايدي وجبته براجدي طلعت القضى والمضى بيه وطلعت واني ارجف من العصبيه وكلشي رحت للسيارة اتجهت لبيت ملاك دخلت كانت ماكو لان اتمر تاخذ الاطفال من الروضه كعدت استوعب شنو شفت وشنو الي سويته حقير كلكم مثل بعض الفون يدك طلعته وشفت رقمه يتصل شمرت الفون وكمت اريد شي بارد لان احتركت كمت اغلي من القهر بس اوكفي اني عليمن هيج ضايجه وعليمن امعصبه هو لا حبيبي ولا اهتم اله ليش ضايجه اووووووف راح اتخبل دك مرة ثانيه وثالثه رديت بعد ما اتحمل اريد اسمع شنو التبرير الي عندة رديت الو .......انتي وين ........ما الك دخل .......ساررررررة احجي لا اشعل الهلج واحد واحد .........تخسي ابو النسوان عاد على القليل اخذها لفندق مو بالمكتب وكدام الناس بس ناس ماعدها مستحى.... . .........اني ولج ما عندي مستحى ولج بالقرآن اذا ماكلتي انتي وين احرك الدنيا واجيبج افتهمتي .................هههه اعلى ما بخيلك اركبه ابو النسوان ناس زاحت الخجل واعتبر علاقتنا منتهيه افتهمت اشبع بيها اتلوك الك .........ولج لا تخبليني احجي انتي وين ...........استغفرت الله بي سكر بس هذا الي لازمني لا يموت ويبلوني اهله اني بشقه ملاك .............. جاي ما تتحركين من مكانج.........سديت الفون وكعدت اني يحرك اهلي والله طلع امخبل وابو نسوان اني انحط بهيج موقف كمت اتحرك لان احس راح انفجر ياربي انطيني الصبر رتبت البيت كله واني بعدني افور هاي بالبدايه واستلمني خيانه جا بعد يومين شنو ايسوي لالالالا هذا ما ينعاش وياه واحد ما يستحي اندكت الباب بطريقه مرعبه مشيت اني مستعدة افجرة وانتحر بي .......طب اني جنت ما لابسه حجاب دخل باوعلي ،.......تعالي كعدي اهنا ......ما اكعد احجي الي اتريدة وامشي منا ابسرعه لان ما اطيق اباوع ابوجهك يا متستحي....كام وجرني حيل من شعري ولج شو انتي ماتعرفين تحجين اشلون اني ابتليت بيج وبعقلج الصغير تعالي واسألي واني اجاوب واشرحلج شنو الصار ......دفعته وضربته ابطنه هو انجن بعد .....كام ظربني راجدي وكعني بالكاع دخت كلش اريد اكوم ما اكدر باوعتله ......يعني تجي يمي تتمرجل عليه هاي هيه الرجوله كمت واني اذاكر كل الدروس الي اتعلمها بالكراتيه كمت واني اتخبلت اريد اضربه ما اكدر يفلت من ايدي ويلزمني ويحاول يهديني ولج كافي ولججججج هاي شنو ركبج جني يمعودة عفته واتجهت للمطبخ كان اكو امواعين على الكاونتر كمت اشيل واشمر بهستيرايا وهو بس ايصيح بعدين تعبت كعدت على الكاع واني ابجي واحجي .......مو زين مني قبلت بيك تروح تخون وهاي بالبدايه بعد يومين شنو اتسوي ياربي اشوكت اموت وارتاح اجه كعد يمي ........اسف بس والله ما سويت اي شي وياها بس جانت تحجي وياي وعزمتني على حفله وبعدين شنو مو زين قابله بيه ولج انه باير شو ماشاءالله جمال وكشخه واخبل والبنات تركض وراي اصلان هنيالج بيه ....مسحت ادموعي وضحكت والله مغرور ....... على اساس انت مشاءالله شكد بسيطه ومتواضعه.......ها اوكي........لا لا كافي يمعودة كسرتي البيت كله والله عيب من المرة .......اتقرب وكعد يمي بس كلش قريب مد ايدة وجرني لحظنه وخرت ابسرعه ......شنو هاي ........يعني شنو مرتي غير ......ها بس احنا مخطوبين .......عادي وجرني لحظنه واني افكر بهواي اشياء وتعبت كلش نمت ابحظنه كعدت على ملاك وهي تكعدني وتكلي هاي شنو امسويه بالبيت يمعزايه...........باوعت وين علي يمكن راح ههههه حرب الخليج قامت هنا ..........لا والله وجاك وين بس لا اتذاى .........والله ما ادري من اجيت ماكو ونسيته بس لا اتخلين ابالج اني هسه اطلع واجيبلج احسن منهن . .. . ........ لا يعمري عادي فدوة الج البيت بيتج.........بعد روحي ........بس همات فشله منها نزلت واشتريت كلشي ايخص المطبخ رجعت المغرب اخذت دوش وطلعت ماما تتصل ....الو هلو ماما .......هلا بيج يروحي اكلج تعالي للبيت .....ليش شكو ........ حددو العرس وراح ايصير هذا الأسبوع...... .شنو من صدك .......اي والله ......اني ما اكدر اجي انتي سوي الي ترديه واني ماعندي اي اشكال .......اوكي ......يتبع
#ام #فرقد 🤗🥀🤍💋