وحيدة بين يدين أسد

البارت 47

يَوماً ما سَيشعُل أحدهُم شَمعة صَغيرة في قَلبك و سَتبقىٰ مُشتعِلة إلىٰ الأبَد .
.
.
.
.
.
.
.
.
.
.
.
.
.
....قراءة ممتعه🤗🥀
سحر...جان يوم متعب بشكل لا يوصف كعدت الصبح اخذت دوش سريع وطلعت غيرت ملابسي واتريكت وطبعا لوحدي لان زعلانين مني😑بابا وماما اخذت جنطتي وطلعت امشي الشارع فارغ وبعدها الناس نايمه أغلبها هادي وجميل اتجهت للشارع العام جان ابو الخط ينتظرني صعدت واتجهنا للشغل طبعا احنا البنات ما نكدر نرجع وحدنا او نطلع من الصبح هيج وحدنا فا اجرنا هذا الرجال كبير بالعمر ومحترم وامين صبحت عليهم وكعدت هادئة مالي خلك ابد لاحد او احجي و اجامل البيه مكفيني وصلنا للمطعم ونزلنا ( عائلة سحر محتاجه وبس عدهم سحر وهي كل اعتماد عليها لهذا سحر تشتغل وتعين اهلها ابوها يشتغل بس ما يكفي ) دخلت لل- رسبشن وبديت بشغلي واستلم الطلبات والحجز والتسليم الغرف شي متعب بس طابع المتعه يغلب عليه ويصبرني طبعا بفضل شهادتي استلمت هذا الشغل وبعد تعب المهم اكفي اهلي وحتياجاتي وبس.. صعدت للطابق الثاني اتفقد الغرف والخدمه واتأكد من كلشي يمشي تمام دكيت باب المدير لان طلبني.......اتفضل .......استاذ طلبتني......اي سحر تعالي كعدي ........شكرا ......كعدت واني احس دقايق واكون مفصوله من شغلي ......سحر انتي تستاهلين كل خير واني اقدر تعبك ومجهودك وكل شي اتسوي ........شكرا استاذ .......اليوم انتي اتكدرين .....سكت لا لا اني انطردت هاي هيه .........تستلمين مهام الطوابق الثلاث العليا .........انصدمت مو هذا الي متوقعته.......ممكن اتعيد شنو كلت استاذ .......ههههه سحر الطوابق الثلاثه العليا انتي المسؤاله عنهم ابتداء من اليوم .........طفرت وبكل قوة وحماس متناسيه المدير وعشت اللحظه انتبهت لضحكاته ارتفعت استحيت وعدلت ملابسي مسحت وجهي اتشكرت من المدير واتجهت لشغلي الجديد كمسؤله ..............................................

شلون آوصـفـك
وأنتـهِ دفــتـر ..وانـه چـلمـهِ
سارة ...كعدت الصبح بكل حيويه ونشاط وحب بس علي ماكو ضحكت على نفسي لا اني وكعت ومحد سمه عليه اوووف دخلت للحمام اخذت دوش وطلعت غيرت ملابسي وحطيت مكياج خفيف ركزت على اعيوني حطيت كحله وحمرة خفيفه بس طلعت اوووي اخبل لبست جينز اسود وقميص ابيض وجاكيت بني فاتح لبست شال كريمي حطيت عطر واخذت كتبي وطلعت اعتقدت علي طلع وعافني دخلت للمطبخ جان كاعد ومركز بالابتوب وفنجان الكهوة بيدة القميص الاسود يخبل عليه يما اروح فدوة لهل الجمال والرجولة جريت الكرسي وكعدت مقابله .......صباح الورد حبيبي.........رفع راسه وابتسم ابتسامه واسعه تذوب كلبي ........صباح العسل والكيمر حبيبتي ........هههههه .......شنو هل الجمال من الصبح ،........بعض منك حبي ..........اني وين وانتي وين فرق حبيبتي كوليلي........شنو ......وين تردين اتروحين من الصبح ورجع ركز بالابتوب . ........اممممم انت شنو رايك ...........لملاك تروحين .......لا حبيبي للكليه وتأخرت حسبالي اتكول اني اوصلج حبيبتي بس يله اعديها .......لا بشرفج واني شنو اهنا رجل كرسي .......لا حبيبي عليمن هيج اتكول ........لعد شنو رايحه وحدج.......انت اتروح يعني ........ها غير عندي محاظرات وشغل شنو جديده هاي عليج ........علي اشبيك كول انروح سوى وخلص عليمن هل الكلام من الصبح وازعاج .........انوب ازعاج اني ........اهووووو شلون سالفه هاي بابا يله انروح اتأخرت على المحاظرة ....... اليوم ماكو دوام اكعدي واسكتي.............باوعت اله واني اتنرفزت كلش منه ومن طريقه كلامه ............ظليت واكفة انتظرة يكول اتشاقه وياج حبيبتي بس كانت معالم الجد ظاهرة على وجه والانزعاج واظح كمل شغله ولا كانوا اني موجودة تركته وطلعت طززززززز امشي بسرعه واعصابي اتوترت دماغي اتشتت وما اجمع شنو اتصرف او شنو اسوي وصلت للشارع اخذت تكسي واتجهت للكليه بس الطريق مو نفسه وطويل ركزت على السايق متوتر ويباوع الي اني طلعت الفون من جيبي وديت مسج لعلي برقم السيارة (لازم كل ابنيه تعرف هذا الشي من تاخذين تكسي اخذي رقم السيارة بحال صار شي لا سامح الله علمود اتبلغين بسرعه )و اتصلت عليه مغلق الفون زعلان مني واكيد عصب مني اتصلت بمهند مشغول الرقم ياربي انقذني شنو جاي ايصير ياربي مالي غيرك انت تعرف اتصلت بمسلم دك......دك.......دك.....دك .....الووووو....اخذ الفون مني ونتر عليه اكعدي ساكته لااحط طلقه براسج افتهمتي ...........اي اي ........جسمي يرجف يما راح يغتصبني لو يتجار بأعضائي لو شنو ياربي راح اموت ياربي انقذني وانطيني القوة اللهم بعلي اللهم بعلي اللهم بعلي
انقذني يارب يا سامع الدعاء ظليت اردد الادعيه واقرا قران
بداخلي طفرت دمعه من اعيوني غصب لا لا مايصير اضعف وابجي اني لازم اكون قويه اي يله سارة انتي اتكدرين وصلنا لمكان مابي ولا طير فارغ ما اعرف حدود بغداد او شنو مكان كلشي مابي بس احنا نزلت بسرعه وركضت باسرع ما عندي سمعت طلقات بس غمضت عيوني وركضت مكان فارغ مابي كلش حتى سيارات ما اتمر منا تعبت وهو بعيد عني بس راح يلزمني اذا وكفت نزعت الحذاء والفون بجيبي مستحيل استسلم ركضت باقصى قوتي الشمس حارة وتعبت رجليه اتجرحت ورمت طلعت الفون اتصلت بعلي مغلق دست شي جوة رجلي بس احس اهنا خارت قوتي كزازة طبت برجلي
والدم ينزف بسرعه لا لا هنا راح اترك اثر شأسوي اخخخ اخخخخ امشي وادعي ربي يخلصني تعبت ورجلي بعد ما اتشيلني من التعب والخوف اسمع صوت طلق خفت اكثر ركضت بسرعه حتى ماكو شي اظم روحي عنهم اجت سيارة سريعه انفتح الباب ونزل منها ياسر لا لا اني اليوم مكتوب عليه الموت اريد امشي رجلي ماتسعفني ولا اكدر ....
اجى الي بسرعه الوجه احمرررر ومبين معصب اخذني من ايدي ......شبيها رجلج......عيونه ماليها القلق والتوتر شنو الشخص الغلط بالمكان الصح شالني بين ايديه واني على نفس الوضع وصلني لباب السيارة واني فزيت من صفنتي دفعته وركضت اعرج ورجعت بالاتجاه المعاكس اجتي سيارة ثانيه واني لا بيه ارجع لياسر ولا بيه استسلم وكعت بعد مابيه نزلو شباب جسمهم بس عضلات ولبسهم اسود وشكلهم مرعب جدا حطيت ايدي على حلكي واني احاول اشرد بس ماكو اي مكان للشردة احنا بصحراء فارغه درت وجهي لياسر واني دموعي نزلن ......انت شتريد مني لخاطر الله شنو امسويه الك ........تعالي بسرعه .......لا لو اموت ما اجي......لا تصيرين غبيه تعالي يمي بسرعه .........لا لااااااا ما اجي.......طلع المسدس وظرب على الشباب الي وراي اني دمي نشف اندرت اباوع واكع بالكاع والدم يجري منه والطلقه براسه شكلها يموت من الخوف زاد خوفي والبجي اتحول لهستيريا كعدت ادك والطم والدم يجري الباقين صارو وراى السيارة والطلقات منتشرة بينهم رمي والكلام ما أفهمه ولا اريد افهم اتحركت سيارة ياسر وصار كدامي فتح الباب الي وصرخ عليه ......بسرعه ........صعدت بسرعه واني بس اريد هذا الشي ينتهي باي طريقه ..........نزلي جوة ........مسحت ادموعي وين انزل ......جوة دفعني نزلت جوة بالسيارة .......والسيارة مستمرة تلاحقنا والرمي علينا انظربت الجامات كلها وهو يفشر عليهم ويفتر بالسيارة بكل الاتجاهات لحد ما هدء الجو كال اطلعي يله ..........رفعت راسي اباوع منا منا ماكو ولا احد يتابعنا او صوت رمي ........الحمدلله انتهى ........تعرفيهم منو .......غير اصدقائك ..........منين اجو أصدقائي........لعد منو ورجعت ابجي ..........واني شعرفني المهم خلصنا منهم لا تبجين كافي ما خلصن دموعج...........رجعني للبيت .........لا اول للمستشفى .........اريد اروح للبيت ........شبيج شوفي رجلج شلون تنزف نروح للمستشفى وبعدين ارجعج ما اكل بشر اني ......،.......طلعت الفون اريد اتصل بس مابي شحن طفى زدت بجي واشهك ...........جرني اله وحظني بقوى ما اعرف اشلون بس حظنته وجلبت بقميصه واني اشهك يمسح على راسي وبس صوت السيارات وصوت تنفسه هديت انتبهت اني شسويت ابتعدت عنه بسرعه هو ضل يباوع عليه بنظرات حب او اختلط عليه .............يتبع
#ام #فرقد
اعتذر عن التأخير بس عندي ظروف وان شاءالله من الاسبوع الجاي يصير النشر كل ثلاثاء باليل وراح اختصر لان طالت تعليق حلو مثلكم يشجعني بليز ❤🥀