وحيدة بين يدين أسد

البارت 23

بعد وقت طويل وصلت للبيت دخلت كانت الساعه التي بيدي تشير الى3و 20دقيقة اكيد كلهم نايمين الظهر ياخذون قيلوله دخلت اجه جاك يركض المسكين امبلل من المطر مثل حالي اخذته ودخنا البيت هادء اتجهت للغرفة فتحت الباب وطب جاك خلعت حذائي و رحت للحمام اخذت حمام دافي وطلعت بس بلبرنص فتحت الشسوار نشفت شعري ونشفت جاك وياي خطيه وحطيت أكله بصحنه الخاص بي اكل واني اتمددت بالفراش خلص أكله جاك طفي الظوة طبعا لا تستغربون اني معلمته ويفتهم الحجي طفا واجه يمي حظنته ونمت.........
نور ....... اليوم ممل ماعندي اصدقاء وسارة يمكن ماتريدني لان حتى إتصال مااتصلت ولا سألت عليه يمكن عدها شي الغايب عذره وياه طلعت اليوم للكليه واخذت المحاظرات كلها ماكو شي غريب خلصت وطلعت لكيت مسلم اخو سارة يتنظر بس سارة مو اهنا شنو ما يعرف مشيت اله ابتسم بعفويه ياربي ايخبل شكد حلو استحيت، ،،،،، مرحبا نور، ،،،،،، اهلين مسلم شلونك ،،،،،،، الحمدلله فدوة ماشفتي سارة اتأخرت اليوم ،،،،،،،، كان امبين قلق ..لا والله ما شفتها اليوم ابد ،،،، يمكن ماخذه اجازة ،،،،،، لا لا ماتحب الاجازة ،،،،،، هااا ،،،،،، يله نور اوصلج ،،،،، لا ما يحتاج اني اروح ،،،،، لا عادي امشي ،،،،، اوكي صعدت وياه والطريق كله بس ساكت مو من طبعه لو لان وحدنا بس شكد عيب صعدت وياه وحدي اشلون بيه ما اكدر ارفض طلب هيج واحد حلو كأنو سمع الي ابداخلي دار راسه عليه وابتسم يبو بس لا سمعني ،،،،، ها اشبيج ادردمين، ،،،،، ها لا ما شي بس اااااراجع المحاضرة على اساس هيج ميته على الدراسه ،،،،،، اوكي، ،،، معقوله ابهاي السرعه وصلنا ،،،،،، همات ابتسم يمعود كافي لا تبتسم وكال باي ،،،،، باي شكرا تعبتك وياي ،،،، لا عادي ما كو شي يسوى وراح اني لا وكعت ومحد سمى عليه ،،،،،، دخلت للبيت وماما كانت بالمطبخ شميت ريحه دولمه لا لا ماما اني امسويه رجيم ليش هيج ،،،،، ها يعني ماتاكلين ،،،،، لا اشلون بعد انتي سويتي حرام ما أكله يله حظري الاكل بين ما اغير ملابسي ابسرعه، ،،،،، هههههههه اوكي.....
ملاك ،،،،،، اليوم تعب وارهاق وصلت عمر وسجى للروضة ورحت للمدرسه وبلشت شغل وأسئلة و صوت عالي حتى المعلمات والمعلمين صوتهم عالي راسي بدة يوجعني اخذت بندول و بديت اصحح الاوراق والدفاتر طلبني المدير عفت الي بيدي ورحت شفته كان اكو طفله صغيره وعيونها منفوخه من البجي ظحكت اتذكرت سارة من تبجي كلشي ابوجها يورم صدك امس ما اتصلت واليوم همات معقوله نست او نايمه المهم كعدت استاذ طلبتني، ،،،، اي ست ملاك هاي الطفله اريد منج تعتنين بيها عنايه خاصه ،،،،، ليش ،،،،،، لان عدها مشكله بالنطق (بكماء)،،،، باوعتلها يروحي انتي اتقربت منها ومسحت ادموعها ليش هاي الحلوة تبجي ،،،،، احد ضايقها ،،،،،،، اي الطلاب ياذونها بسبب عدم قدرتها على الكلام واذكى مهنم كلهم ،،،،،، بس استاذ اعتقد الهم مدرسه خاصه بحالتها، ،،،، اي بس ابوها مايقبل وايكول بنتي مابيها شي وبيني وبينج الرجال واصل ما اكدر اردة اعتني بيها اترجاج، ،،،، حاظر استاذ ،،،،،، دائما وياج ومحد ياذيها ،،،،،،، اتذكرت اطفالي من احد ياذيهم شكد اخاف عليهم واتمنى اكون وياهم و احميهم من كل شي بعد روحي اولادي، ،،،،، اخذت ايدها بين ايديه ومشيت رحت اكمل التصحيح وكعدت يمي بس اتباوع بعيونها ما صدر اي حركه منها شكد هادئه مو مثل الي عندي عمر مايخاف بس من سارة واذا موجودة مايطلع من غرفته ابد ههههه خلصت وكمت ورحت للصف ابلش حصتي بس احس اكو شي نقص شنو يااااااا البنيه صدك نسيت شنو اسمها رحت لغرفه المعلمين لكيتها كاعدة اتقربت منها وكعدت مقابله لها ،،،، ها حبي شنو رايج انروح انبلش الحصه الثالثه من اليوم هزت راسها بملل واضح هههه مريت على الاستاذ ،،،،،،استاذ شنو اسم هذا الحلو واشرت على البنيه، ،،،،،، ازل، ،،،، ازل حلو اسمج ،،،،، واني ملاك اوكي ممكن اطلب، ،،،،، هزت راسها مرة ثانية، ،،،، احنا اصدقاء بس بيناتنا لا تكولين لاحد سر اوكي ،،،،، ابتسمت واخيرا وهزت راسها بحماس مشينا اني وياها للصف وبدة الدرس وبين فترة والآخرة اروح اشوفها كانت ذكيه بدرجه غير معقوله ،،،، ازل بنيه حلوة شعرها اشقر والعيون عسليه اتخبل والشفايف ورديه والخدود حمرة يعني مثل الحوريه صراحه عمرها ٨ سنوات وامها متوفية وبس ابوها وياها ،،،، خلص الدرس لليوم ،،،،،، طلع كل الطلاب لان اخر درس بس ضلت ازل بمكانها كاعدة اجيت يمها وطلعت من جنطتي ويفر بالكاكاو وحليب وكعدت اكل بس هي ما اتريد بس ضمتها الجنطه واخذتها واخذت اغرضي واريد اروح بس ابوها اتأخر ومرت نص ساعه وساعه وماكو رجعت للمدير واخذت رقم ابوها واخذت البنيه وياي ورحت جبت اولادي من الروضة وطلبت غدة عمر فرحان بيها وسجى متعجبه بشعرها كل اشويه واتجرة تعتقد مثل شعر اللعبه هههههه فشلوني والله وهي همات فرحت بيهم اتصلت بابوها وكان الرقم مشغول دخلنا للبيت وغيرت ملابسي والبست بجامة سود وتيشيرت ابيض ورفعت شعري بشكل مهمل اتصلت مرة ثانيه واخيرا رد ،،،،، الووووو ،،،،، الو السلام عليكم، ،،، وعليكم السلام منو وياي ،،،،، اني ست ملاك الي ادرس بنتك ازل ،،،،، ازل بيها شي ،،،،، لا اخي هي ابخير وعندي بالبيت حاليا ،،،،،، منو سمح الج تاخذيها وياج للبيت انطيني العنوان ابسرعه يله ،،،،،، يا شوف قلت الادب اشلونها يعني بدل ما يكول تعبتج ومشكورة سوي زين وذب بالشط كلت ابكلبي  هسه اوديلك اللوكيشن، ،،،، ابسرعه ،،،، هييييييي احجي بأدب اني ما اشتغل عندك افتهمت لو لا يله ولي ،،،،، سديت الفون ابوجه ودزيت اللوكيشن اله ،،،،،،، والله شنو من بشر هاي يله حبايبي تعالو نتغدا، ،،،،،، اجو يركضون و كعدنا على طاولت الطعام اباوع لاطفالي ياكلون ويضحكون ويسولفون وياي وهي بس اتابوع بالوجه خطيه ،،،،،،،، انتي ازو شلون كان يومك حلو لو لا ،،،،،، ابتسمت وهزت راسها قربت الاكل منها اشلون تاكل بنزاكه واني اشكبري واكل بايدي يبو والله استحيت ولا دولمه بعد بيمن اكلها غير بيدي (يعني اتواسين روحج لو سارة يمج اسبوع تضحك عليه والله ) صدك هاي وينها يله بعدين تجي وافتهم منها اندك جرس الباب طفر عمر يركض يفتح الباب كمت اشوف منو ......كان رجل متوسط العمر واضح وطويل واظع النظارات الشمسيه على عينه والانف كان مثل سله سيف والخدود حمرة مثل ازل يمكن ابوها هذا اني عيطت عليه كان لابس جاكيت اسود وازرق وجينز ازرق وقميص ابيض وشعرة روعه اسود لاكن يتخلله بعض الشعر الأبيض فكان مثل لوحه غريبه وغير واقعيه من وحي الخيال ،،،،،، نزل النظارات ومد راسه بابا ازل يله ،،،،،،اجت ازل جرتني من البيجامه باوعتلها ها حبيبتي ،،،،، اشرتلي اتقرب اوكي اتقربت منها باست خدي وسوتلي باي وراحت هي وهذا الي حتى ما اعرف شنو اسمه او منو هوة ههههه يمكن كان امبين عليه يبووو  بس خلي ايولي اكو احد يحجي هيج ويا العالم شنو من أخلاق ........... يتبع .....
#ام #فرقد 💔🍂🥀🕊