وحيدة بين يدين أسد

البارت 27

////////////////////////////////////
وماذا عن فتاة لا تنام جيدا ليلا ولا ترتاح بما يكفي في النهار
ولا تهتم بصحتها وتكتم كل شيء وتبتسم
\\\\\\\\\\\\\\\\\\\\\\\\\\\\\\\\\\\\\
كعدت كنت على وشك الاختناق اااااااااه الحمد الله كان حلم كمت من السرير وملابسي مبلله لان اعركت دخلت للحمام واخذت دوش دافي طلعت انتبهت على صوت المسج كمت اخذته ورجعت للفراش كان جاك نايم فدوة شكد حلو كان رقم غريب ( اريد ألتقي بيج باجر بعد الكليه )هه لاوالله خاف زحمه عليك هذا منو بعد يالله حظرته كان الفجر كمت صليت وكعدت اقرى قرأن خلصت وكعدت ادرس .......................................
اتمددت بالفراش كانت الساعه تشير الى 4:49 الفجر بس عقلي يفكر بشخص غامض بس جذاب بشكله بتصرفاته حتى بحبه لبنته و بحجيه الغريب و هدوءه وعصبيته بيوم حاجيته ضحكت واني اتذكر اشلون اتنرفزت عليه هههه بس حلو كان مثل الي ابخيالي قبل لا اتزوج هههه ما ممكن حتى ايباوع عليه مستحيل ونمت واني افكر بي
...........................
اليوم المشاكل كلها يمي الحمد الله ابو الخط اتأخر وبعدين صار عندة بنجر واخذت تكسي وصلت للكليه طبيت انكسر كعب الحذاء استغفر الله شنو من يوم نحس بس احلى شي صار كان شفت سارة كاعدة بالحديقة وامبين امعصبه بس والله اشتاقيت الها ما اعرف بس دخلت كلبي من اول مرة شفتها اتذكرت ذاك اليوم الي ضربت الولد شكد قويه كلت ابكلبي واني بس ابجي كانت حنينه مثل امي يمكن بعد صعب الكه شخص هيج مرة ثانية واتعلقت بيها ابفترة بسيطه بس شكلها يوحي للبرائه بس هيه عصبيه وقويه وهادءه واتحب الكتب بهوس هههه واني اموت منهن ما اعول اشوكت اخلص من الاعداديه واخلص من الواجبات طلعت اهنا اظرب هههه رحت الها واني نسيت كلشي صار الصبح وابتسمت الها بمجرد ما شافتني فتحت ايديها واني حظنتها حيل وبست خدها ....بعد ماخلصت دراسه الصبح كمت بدلت ونزلت ماما كالت اليوم راح نعقد الكم محكمه وباجر الشيخ يعقد الكم بس هزيت راسي وطلعت بطلعتي شفت رجال كبير بالعمر بالكوة ايريد يوكف ما يكد ويحاول اكثر من مرة بس سمعت كال حيدر حيدرررر يابو الحسنين غطه وجه باديه خطيه والله كسر كلبي اتقربت منه ....السلام عليكم حجي رفع ايدة وكانت ادموعه نزلت مسحها وكال ......هلا بويه وعليكم السلام......... .حجي اساعدك دنك راسه وكال اي والله رحمه على اهلج ابتسمت وساعدته ايكوم كان رجال امعكل ولابس عباه ودشداشه بس صارن كلهن تراب .........شنو حجي وكعت،،،،،،مسح على لحيته وكال اي يبويه ايريد يمسح ملابسه بس ظهرة يوجعه نزلت على ركبتي ومسحت ملابسه بكل هدوء وهو بس يدعي الي الله يوفقج ويسعدج يابويه والله يرزقج .......لا عادي يابه هذا بيتنا ادخل اشرب جاي ماي ........الله يحفظج الاهلج ونعم التربيه الله يسترج بستر زينب الحوراء...........ابتسمت من كلبي على دعواته الحلوة ودعته ورحت للكليه وكعدت بالحديقة اشوف علي بس يباوع عليه بس ما افهم نظراته بس عصبني ما افتهم اي كلمه من الي اقراة بسبب نظراته انزعجت والله اجتي نور من ابعيد تركض فتحت ايديه وحظنتها هاي العوبه حبيتها والله دخلنا المحاظرة وكنت اسجل ملاحظات وتوالت المحاظرات ورى بعض واخيرا اخر محاظرة كانت لعلي دخلت وكعدت بالاخير ونور ابجنبي بلش المحاظرة وكان بين فترة والآخرة يبحث عن شي ما اعرف شنو ايباوع بالوجوة استغربت بعدين كام ايباوعلي ويوزع ابتسامات للحظور كان اكو بنات كاعدات كدامي وحدة اتكول للثانية فدوة اشكد ايخبل واشلون الرصعات اتسودن ابوجه........اني ولا اهمتميت ابد كملنا وطلعنا واني كنت اريد اخذ تكسي بس علي اتقرب مني وكال اني اوصلج........لا ماكو داعي لا تعب روحك اني اروح .........لا ماكو تعب لان اني همات لازم امر على البيت اجيب امي واجي اخذكم .. ....... اوكي مالي مزاج حتى اجادل صعدت وياه وهو بس كل اشويه ايباوع الي .......طبعا اني مالي خلك طلعت عصبيتي بي ...شنو الطريق ابوجهي ركز رحمه لدينك لانموت .........هو استحه واتنحنح وصلنا ونزلت حتى بدون ما اقول شكرا لان كل ما اذكر سالفه الزواج احس راح اموت من القهر واتعصب واظوج دخلت للبيت وماما استقبلتني يله ابسرعه الولد لا يجي البسي شي حلو حطي مكياج مو هيج جنج زومبي والبسي كعب .......بعد شنو تامرين عليه ملكه بلقيس......دمشي لا اهفج بالقوري والله اني من الصبح اركض منا ومنا وانتي تستهزئين.......هههه قابل شنو اسوي راح اصعد ابدل ملابسي اريد غدة .......شنو انتي كاعدة بفندق تتأمرين حظرتج لزمتني من اذاني وجرتها احجي عدل مرت الخ.........اووووووه كبرت والله كبرت ليش ماتقعنين اي اسفه اخر مرة والله كافي عوفي اذاني .........عافت اذاني واني ركضت للغرفه يبوووو مو ايد الله وكيلكم اكرين مشاءالله.......بدلت ملابسي مثل ما كالت ولبست كعب وحطيت مكياج خفيف ونزلت اتغدة ردت اكل كانت مسويه سمج اجتي تركض وشالت الماعون من كدامي واني مصدومه شنو بيها ........انتي اشبيج ترحين ويا الناس كلج زفر ........اوووووف يعني اشلون الواحد مايزقنب مثل الاوادم.........اي منا لحد ما تتزوجين ياله ........والله مو عيشه هاي خلي انروح حتى مابقه الي نفس........يله هو واكف بالباب امشي بس عدلي الحمرة ......ولا سمعتها طلعت كان بابا واكف وياه وامه وابو همات جاين طلعت ماما ودغتني باوعتلها اشرت عود ابتسمي ابتسمت اهله ركبو ويا اهلي واني وياه بسيارة ليش يعني اوووووف شوكت ارتاح والله تعبت وصلنا ونزلنا سوينا تحاليل ورحنا للقاضي وعقد النا و طلعنا ورحنا للسيد يعقدنا عقد سيد وخلصنا وكانو اقرو قرار اعدامي والدنيا صارت سودة ابعيني اللهم لا اعتراض على امرك ياربي انقذني من هذا الوضع الي اني بي ياربي اخخخخ طلعنا ونزلو يمنا هو واهله واني ما اتحمل احس راح اموت غيرت ملابسي ولبست سبورت ونزلت وماهتميت الهم اخذت جاك وطلعت اسمع واحد يصيح سارة التفت كان علي اتجاهلته وطلعت امشي اني وجاك واني بغير عالم امشي والدمعه بطرف عيني هسه اشلون اواسي روحي واشلون اصبر اه من هاي الدنيا الي مو راضيه تتركني اعيش مثل اي انسان عادي بعد ما استحمل اكثر نزلت ادموعي وجرت على خدي مثل الشلال بعد فقدت السيطرة على نفسي وشهكاتي عاليه كان اكو كراج بالشارع العام كعدت اباب الكراج وانزويت واخذتني الاحزان لغير لمكان مابي غير شهكاتي والدموع النازله اني احتاجها ما اكدر اتحمل بعد مشتاقتلها واريدها طلعت الفون وطلعت اسمها واتصلت ......دك .......دك ......الووو.......الو.....محتاجتج......انتي وين ...يم الكراج بالشارع العام ......لا تتحركين دقايق واجي ......سدت الفون وكملت بجي واني منتظرتها اشوف احد يركض من بعيد اتقرب اشويه الي كانت سحر جايه ركض كعدت كدامي وهي تتنفس سريع لان تركض و حظنتني حيل واني بادلتها الحظن بشوق كبير وتعب بعدت عني ومسحت وجهي بيديها وباست خدي منو وياج ......سكتت واني ازيد بجي .....سارة احجي لاتخليني ابجي وياج والله ما اكدر اتحمل اشوفج هيج .......حظنتها واني ماوكفت بجي ههههه كامت تبجي وياي وصار وجها مثل الطماطه ابتعدت وكامت وجرت ايدي علمود اوكف وياها مسحت ادموعي وانطتني كلينكس وهي تمسح وجها مسحت ادموعي باوعت الي وانفجرت ضحك .....ههههههههههههه . ........اني دمعت عيوني مرة ثانيه ......ههههههه اوكي اني اسفه راح اسكت بس والله وجهج ايضحك اشلون احمر وامورم مثل الأطفال.....ضحكت وياها ......طاح حظج هههههههههه ونسيت كلشي ومشينا اني وياها وجاك بالشوارع نغير جو ............................................... .................
كان الدرس الاخير لهذا اليوم دخلت وبديت الدرس و ازل كاعدة يمي واشرح الهم وارجع اركز بالشرح الها علمود تفهم اكثر مرت ساعه وخلص الدرس وطلعنا كان يمشي بثقه وغرور و عاقد احجوابه لابس جاكيت اسود طويل وقميص ابيض وجينز اسود طالع ايموت ياربي بشنو ابتليت اتقرب وابتسم وكل عقلي اعتقدت يبتسم الي وصل الي ونزل على ركبته واجت ازل وحظنها ويبوس بخديداتها الحمر اني احس متت من الخجل رغم مابدر مني اي شي بس خجلت من تفكيري كام واكف وايريد ايروح بس ازل لازمه ايدي وماتقبل تترك ايدي.....ازل بابا يله انروح للبيت .....هزت راسها بعلامه لا .....رجع كعد وقابلها شنو اتريد بنتي الحلوة .....جرت ايدي وخلتها بأيدة يااااااا عزا وخرت ايدي ابسرعه مستحيه منه وهو يعدل بملابسه واخدوده حمر معقوله اكو رجال يخجل هههههه .....بابا شنو تردين خلي افهم .....جرت ايدي ولزمت ايد ابوها من الجهه الثانية واخذتنا لخارج المدرسه وصعدت وفتحت الباب الي اتريد اروح وياهم اخذها ابوها وكعدها بالمقعد الخلفي وربط إحزام الامان ورجع الي .....اني اعتذر انسه..... وراح صعد بالسيارة وراح واني مصدومه هههه شنو من بشر هذا
...............................................................................
بعد تعب كعدنا اني وسحر بكوفي قريب من بيتهم طبعا انتم اتسألون منو سحر (سحر ابنيه متوسطه الجمال عيونها بنيه ورموشها كثيفه وخشمها اصغير حلو والشفايف ورديه وصغار تقريبا نسخه منى بس حسب ما ماما اتكول اني احلى ونفس طولي بس اكبر مني بسنه وشعرها بني غامق وطويل...ابوها متوفي اتوفى 2014 بمصفى بيجي وعايشه هي ومها بس تركتها من يوم الي شفتها بحظن محمد لان هي كانت متراهنه وياي ان محمد يخوني وكالت يجي يوم واثبت الج بس ما صدكت بيها وطبعا تركت كرامتي وراي ورحت لمحمد وشفت ذاك المنظر البشع يعني صديقتي الي تعتبر تؤامي بالشكل والطبع والشخصية نفس الشي لان اتربينا سوى كنا جوارين بس اني كنت متأكدة مستحيل اتخوني سحر ماتحب هيج اسوالف وتكرة الرجال مثلي وتكرة الخيانه كنت متأكدة الي سوته علمود مصلحتي بس كان صعب اتقبل الموضوع لان صعب جدا بس صار الوكت ولازم اعبر هاي المرحله )......كنت اشرب عصير برتقال بارد وصافنه بيه وتبتسم باوعت الها ......ها خير امضيعه شي ابوجهي......خصت بالعصير وطلع من خشمها .....هههههههه حيل .......هههه ما بطلتي هاي العاده قصف المقابل .......صارت من طبعي بعد ......اشلونج .......باوعت الها واني احير شنو اكول الها وشنو اضم عنها ابتسمت بحزن واضح.....لا ماكو شي .........ههه بعدج ماتعرفين اتكذبين احجي بدون لا تضمين عليه مفهوم......راح اتزوج وباوعت الها وعيون دمعن من جديد ........ههههههههه لا تجذبين ..،......اي والله اشبيج .......اقتربت من الطاوله هي تتحقق من تعبير وجهي........هو الي يتزوج يبجي لو يفرح .........انجبرت بي .........ههههههه سارة تنجبر والله ما اصدك .......اي اتشمتي بيه .........لا والله اسفه مقصدي هيج بس ليش انجبرتي شنو الي جبرج......بديت اسولف الها كلشي صار و شرحت الها كلشي........لاوالله هذا كله صاير واني اخر من يعلم سارة لا من صدك بعد لاتحجين وياي والله زعلت .......ضحكت ام زعله مو كافي سنتين زعلانين من بعض ...،.....اي والله هم صدك بس شلون حلها هاي بالله.........والله ما ادري ........صفنت بالشباك ......ماكو غير حل لازم اتقبلين لان هذا المجنون ممكن ايسوي اي شي حسب ماكلتي علي مهما يكن احسن من ياسر .........وهي جنها هيج والله......اي لازم ........كمت وطلعت وهي بعدها كاعدة ......ها يله كومي الدنيا صارت ليل شنو ناويه اتباتين اهنا ...... ههههه اي والله امي هسه قافله الباب وين اروح اجي يمكم بليززززز .......لا ما اريد اروح للبيت لان ماما بس تتحكم بي وبأكلي وشربي وطريقه لبسي كومي انروح يم ملاك .......منو ملاك يامكصوفت الركبه منو هاي .....هههههههههه اشتاقيت الج والله......واني همات بس ما اريد اروح يم هاي ملاك .....امشي وبلا ازعاج رجاء......اوكي بس علمودج ......ههههههه والله انتي اليوم مطرودة بس اني لفيتج .......ديله امشي بالا ما تمنين عليه ........ طلعنا واخذنا تكسي وهي متعجبه اشلون عبرت هذا الخوف وصلنا ونزلنا وكفت يم العمارة وهي كل اشويه لا بطلت حتى لو امي اترزل وتطرني فشله اروح ابات يم وحدة غريبه.....امشي ولج والله تعبانه خلي انطمر واخلص ......امشي امري لله.....دخلنا وصعدنا بالمصعد اشويه وصلنا طلعت المفتاح من كفر الفون وهي متعجبه هاي اشلون تنطيج مفتاح البيت .....انجبي كافي راسي كام يوجعني ......فتحت الباب ودخلت كان صوتها عالي وهي تحجي ويا عمر ابنها اني دخلت وخلعت حذائي ورحت الها سلمت عليها وبوستها كان عمر معاند مايريد اينام من وكت ايكول اني صرت اجبير ......لك عمر نام لا اجي الك والله.....ابسرعه غطه راسه ونام طفيت الاظويه وجريت ايدها وطلعنا للصاله كانت سحر كاعدة ملاك اخترعت من وجود سحر لان فاجئها طفرت لي ورى خطيه والله اخترعت وهاي همات استحيت سحر ......شنو عيني شايفه بعبع لو شنو..... واني ميته ضحك ......لا يابه حشاج البعبع يخترع منج .......هاي الي جبتيني الها ماتعرف تحجي .......ههههههههه كافي يمعودات اكعدي واني افهمج اليوم احنا هجينا من البيت هاي امها تطردها لان اتأخرت برى واني مالي خلك كلام امي و الهوسى......اوكي ....حجن سويه بعدين باوعن على بعض ......كافي يله هسه بما انو احنا ابيت واحد لازم انصير اصدقاء تمام .......اوكي .....كامت ملاك سلمت على سحر وهاي همات اعتذرت منها على اسلوب حجيها وبعد دقيقتين رحت اغير ملابسي رجعت وهن اسوالف وضحك اتكول عشرة عمر مو استوهن مثل الاعداء كعدت وياهن وطلعنا فلم رومانسي رعب كلش حلو نعست ونمت بدون ما احس وكل اشويه اسمع صوتهن يحجن وبعدها غطيت بالنوم كعدت الصبح على المنبه كان الفون يم راسي طفيته انتبهت نايمات عكس يعني رجليه يم راسهن وهكذا كانت سحر رجلها بوجهي وملاك حاظنه المخدة ونايمه حتى سجى اهنا نايمه يم راس امها كنت اريد اتحرك ماكو مكان اني اعرف نومهن اثكيل الحمد الله كمت دفرت سحر ودفعت ملاك وكمت سويت ريوك واتريكت وبقيت للبنات وانطيت اكل لجاك طلعت ملابس من ملاك وطلعت لبست حذائي وطبكت الباب حيل لان ملاك عدها دوام بس بعد وكت بس هيج ازعجهم هههه
طلعت اخذت تكسي ورحت للبيت واني افكر يعني اني حاليا زوجته شرعا وقانونا يمااااا شكد صعبه ياربي ما اكدر اتقبلها طبعا اني معجبه بي وما اريد احبه ولا اريد اوكع بنفس الخطأ اخخ بس شنو اسوي ماكو شي بايدي غير اسأل ربي ايسهل طريقي ويبعد عني كل شر وصلت وطبيت وسيدا للغرفه اخذت كم قميص وكم جينز وشالات وبعض من مكياجي والكتب وطلعت دخلت على مسلم كان نايم بست خدة وكتله راح اخذ سيارتك كم يوم وبعدين ارجعها هز راسه وكمل نوم واني طلعت خليت الاغراض بالسيارة واتوجهت للكليه......دخلت للكليه وكانت المحاظرة على وشك ان تبدي كانت محاضرة علي اول وحدة دخلت اركض لان اكيد راح ايعصب او الشباب يحجون عليه اذا دخلني وصلت للممر كان هو يمشي بهدوء واني اركض ههههه يبو شكد فشله دخلت قبله وكعدت بالاخير ولبست نظاراتي وطلعت دفتر وبلشت المحاظرة بس كانت نظراته مو مريحه.........يتبع
#ام #فرقد 🤗❤🥀 اليوم 13 رجب ولادة احب خلق الله الى قلبي امامي
ماتم انس المحفل إلا بذكرك يا علي
ما ذاق ثغري طعم لفظ كان احلى منك ياعلي
انا ان شكوت الهم زال الهم بسمك يا علي
واذا غزتني النوائب هزمتها بك ياعلي
انا لست اعرف وسيله للاله الإ علي
انا ما عرفت الله الإ مذ عرفتك يا علي