وحيدة بين يدين أسد

البارت 30

أعز من روحي أحـِسـٌكْ
وانته اعز منـٌي
ياحسبة عمر ..خاويتها إمن إصبــاي
بـِطلـَتْ صـَفنتي .. وما بَطـٌلـٌتْ مني
أحــِس كًًُــَلبي الفـِضـِي..متعوب حد الويل
وأدعيـله الصَبُر.. عن لا يفشلني
جَسٌيت الليالي ابمرود الحلوات
وسنين العمر بالشيب جسنـٌــيٌ
اضحك للبجوا.. حد شرهة المنكـَود
وابجي ابكل مزنتي.. الطور المغني
لاغرني المدح... بشفاف المحبين
ولاهـمني الشماته اشما حجوا عني
يلتمٌن علــٌيه... امشتتات البال
وانفضهن نفض
وانهض ولا جنــٌي
وليت.. وعف ضميري .. وماكسرت العود
ولـِسـِن.. شبه الزلم .. بالعلن سبــٌني
كـفاني امرح.. ورع.. والتذ بحب الناس
وعملات الكـَبح .. ما يوم خاوني
لا ِزحتْ الحيا... ولاضيٌعت معروف
ولاخنت الوفه.. وربعي اجفلوا مني
أضحك بالوجوه.. ابغير راحة بال
واصبر لو .. ليالي العسر ضكني
واكابر عالشدايد ... حد مصب العين
واسكت.. لو دثو من الناس لاسـٌــني
واسامح .. ما أبحــٌـر.. وين حد الغيض
وأزلف ..لو حوافي الزعل وازني
.................للشاعر المبدع عريان السيد خلف
*****************************************************
كان اليوم متعب جدا وصعب ابتدأ من الصبح بدت محاضرة امي الي ما تخلص كانت دائما تسال اشوكت تتزوج و اشوف اطفالك اخاف اموت قبل هذا اليوم من حققت رغبتها بس ضايجه ومعصبه مني واخذت بخاطرها مني واني شنو سويت اجرمت اطب واطلع اسمع ذاك الكلام وهي تعرف اكرة الإلحاح اني اجي وهي تبدأ والله تعبان ماكو قافله عوفها ما تفيدك هاي صعبه وقويه و مو من ثوبنا ولا من طبعنا هي ما تناسبك عوفها واني من باجر ادور الك ابنيه من اقاربنا و نعرفها والله اجيب الك اغاتها بس فدوة الك عوفها ها يمه شنو رأيك طلعتني من طوري والله بزعت كافي هاي الي اريدها وبس ليش ما تقتنعين ولو الدنيا كلها اتكول مو مناسبه الي آخذها ليش ما اتخليني ارتاح رحمه الاهلج عوفيني كافي بس هاي الي أريدها...طلعت واتجهت للكليه ودخلت المحاظرات وبعدين صار وكت محاضرة قسم سارة ورحت واني كلش تعبان بدينا المحاظرة اباوع بالطلاب بس سارة ماكو معقوله لايكون زعلت مني همات حقها ما اتريد اتشوف وجهي ..مال فمه للجانب الايسر وابتسم تذكر كم كانت جميله وهي غاضبه والاجمل ضعفها افاق على احتجاج الطلاب على ابتسامته.........استاذ راح ايزيد عدد المعجبات اكثر كافي يمعود ومحد ينظر بوجهنا اتقي الله بينا .....كافي يله نبتدي المحاظرة وكملت بجديه زاد تعبي اكثر واتفاقم خلصت وطلعت اخذت الجنطه واتجهت مباشرا للبيت اريد ارتاح
..............................................
‏"أهرب دائمًا لطريق لا أعلم على ماذا سيطل ، ولكن فكرة الهروب فقط كانت تُخفف العبء الذي يلبثُ في قلبي"🖤. ،،كنت حايرة وين اروح وشنو اسوي دماغي مشوش وصار عندي غثيان من كثر الكهوة ودوخه قويه من امس ما اكلت شي كمت طلعت اريد اروح يمه اي محتاجته كلش بعد ما أكدر يمكن هاي اخر مرة اشوفه واكدر احجي وياة بدون حواجز اكيد ما يرفض الي طلب طلعت بالسيارة واني متجهة للمكان ارتاح بي نفسيا طلعت الفون من جيب الجينز واتصلت عليه رغم ارقامه الكثيرة بس اكو رقم ما يغيرة مهما يصير اتصلت .....دك ...الووووووو سارة ......الو اشلونك محمد ......اني زين انتي بيج شي ......ليش شنو نايم......لا كاعد بس استغربت اتصالج بيه لان ماكمل باقي الجمله واتنهد بضيق .......ممكن اشوفك ....... صدك تحجين ......اذا مشغول عادي .......لا لا ما مشغول اني امر عليج انتي وين ........لا اني خمس دقايق واكون بالمكان الي نلتقي بي قبل ......اوكي بس مسافه الطريق ...باي وسديت الفون ما اريد اكمل لان اشويه واكول شنو بيه بس لان اريد اشوفه اعرف تعبير وجه ملامحه والعيونه الي كلامها ماينتهي ابد اريد اشم عطرة و ارجع اكعد وياة لاخر مرة مشتاقتله جدا ......بعد مرور الوقت وصلت كان واقف في باب المنتزة وبيدة باقه ورد كبيرة حمرة وكلش حلوة اسرعت بخطواتي اله اتقربت منه همس احبج ..دنكت راسي واني نفسي اعبر عن مشاعري بس فات الأوان وبعد مستحيل يسمع مني هاي الكلمه رفعت راسي وابتسمت واخذت ايدة بين ايدة ومشيت لنفس المكان ونفس الكرسي كعدت وكعد بقربي جدا ابتعدت واني اطلب منه يراعي وجودي .....اي اني شنو سويت غير كلبي راح ينفجر مشتاقلج و اريد احجي الج اهواي أمور صارت بغيابج واوعدج بعد ما امد ايدي عليج ......ممكن تترك هاي المواضيع لبعدين اني محتاجه اسمع صوتك وانت اتغني الي مثل قبل ممكن اتغني الي ......دنك راسه وابتسم بخجل وكأنها اول مرة اطلب منه الغناء لي .....غنا الي الاغنيه الي اعشقها وبديت اذكر اهنا اتخاربنا واهنا راضاني واعتذر واهنا عصبت عليه واهنا نركضنا ولعبنا واسمع صدى صوت ظحكاتنا اتقربت منه ارخيت راسي على كتفه واني رحت بغير عالم وبس صوته اسمعه شعوري صعب اوصفه احس براحه نفسيه وطاقه ايجابيه والدنيا انضاف الها لون و الجو اتغير وكلشي مريح للاعصاب وحلو ....خلص ومد ايدة يمسح على خدي بحب وحنان رفعت راسي وكال بهمس احبج وبجنون...دمعت اعيوني اشلون اكوله اني الي ماقبلت بيك من اتقدمت الي وهسه راح اتزوج بغيرك صعبه والله صعبه ارخى راسه فوق راسي واخذ ايدي و وزع بوساته ويهمس احبج بعد ما اخليج اتعوفيني رفع راسه وغمز الي ......اريد اكول شي ......كولي كلي الج حبيبتي.......عرسي بعد يومين بعد لا تتصل بيه و لا اريد اشوفك
.......رجع كعد عدل وضحك بشكل غريب جدا اني بس انظر له ......حلو كنت اعتقد عبرنا هاي الفترة.......يافترة اشبيك محمد ........من تختبرين حبي الج وتردين اتشوفين غيرتي عليج ورجع يضحك .....كمت وكفت واني اتندمت اجيت اله ........حلو صايرة اتنكتين......اوكي انسى كلشي اني راح اروح ........كام وكف واخذ ايدي بين ايديه ورفعها وباسها .....كافي محمد اريد اروح بلا ازعاج والله تعبت منك .......اوكي براحتج وصفن عليه واني رحت للسيارة و اتجهت مباشرتا للبيت كانت سيارة علي اباب البيت شنو ايسوي اهنا طلعت مفتاح البيت ودخلت كانت اصواتهم عاليه يضحكون ويسولفون دخلت للصاله اباوع الشله كلها اهنا علي ومسلم مندمجين بالكلام جدا سحر وملاك يضحكن وبابا وماما يسولفون سلمت وكنت اريد اصعد لغرفتي بس بابا استوقفني ........تعالي اكعدي ويا خطيبج عيب منتظرج من زمان واتعوفيه .....بابا تعبانه ومالي خلك خليها بعدين اني اعوضه ونظرت اله بطرف عيني بس بابا اصر وماما اتيد كلامه كعدت واني مالي خلك ابد تعبانه اريد ارتاح كعدت يمه اتقرب الي وهمس باذني بلهجه حاده وين جنتي .....كامت الغمزات والهمسات علينا يتوقعون اني احبه وهو يحبني ابتعدت عنه قربني اله غصب نظرت لو كانت النظرات تقتل لكان الشهداء ألاف ولااهتم لنظرتي المتمردة كمل بنظرات مافهمتها اكلني بنظراته اكل ....كالت ملاك .....شوف الحب يماااااا علي ماعندك اخو اخطبه منك .....ضحكو على كلامها واني نفسي بس ابتعد عنه ياربي اشلون راح اعيش وياه عمر ياربي انطيني الصبر و اسوالف عقلي مو منتبه عليها بس اكو شي ا يد اكوله لعلي اتقربت منه وحجيت بهمس ...بعد يومين زواجنا اوكي ....باوع الي بنظرات اموت وافسرها بس ابتسم بهدوء وهز راسه وكال ياريت والله تركتهم وصعدت ولغرفتي اخذت جاك ونمت بملابسي........يتبع
#ام #فرقد ❤🥰🕊اسفه على التأخير بس والله مشغوله جدا وان شاءالله التزم بالنشر كل يومين (‏أنا كل يوم أجاهِد عشان اتمسّك بالباقي منّي، هل تتوقَّع إنّي مُمكن أشدّ على إيدك وانتَ تعطيني طرَفها؟🖤)