وحيدة بين يدين أسد

البارت 37

مو هسّه حَتحس بنقص
باچر يُفر بيك الزمن
واخذ الثار براحتيّ
يل علمتني على السهر
باچر ترد متعوب الي
(ماتِلگه مِثل ولايتي)..........قراءة ممتعة 🤗❤
.
.
.
.
.
دخلت وكانت الأجواء غريبه جدا صوت الديجي عالي جدا والبنات يرقصن مع الشباب الموقف غريب والاضوء متحركه ومزعجه كانوا الناس مغيبه بغير عالم مشيت انظر اني وين الطاولات مزدحمه بالحبوب والمخدرات وسائل اصفر باكواب والشباب يا اما يرقصون ياما واقفين يترنحون اني وين ...ابعد مايكون عن الطبيعي الي يصير مااعرف احد اهنا غير شخص يعتبر زوجي ومفقود بالزحمه والثاني صديق وما اعرف وين اشوفه الاجواء تبث بكلبي الرعب والخوف من المجهول وعقلي ينبهني لازم اطلع قبل لا يحدث ما لم يكن في الحسبان واشوف ياسر إرجعت خطواتي للوراء وانا احاول الهروب اسرعت بالمشي وصلت للباب وكنت على وشك ان اخلص واطلع من هذا المكان المقرف مسكت الباب وبقوة سحبته أجاني صوتها الناعم المستفز يذكرني بفحيح الثعبان رغم شكلهاالجميل بس كلبي ابدا ما مرتاح للوضع .........اهلاااااا سارة ........اهلين .......شخبارج سارة ........الحمد الله الله يسلمج..(الجواب غير متناسق مع الجو والمكان الي اني بي ) ..كلت ابكلبي .........تعالي اعرفج على الحظور ...........اممممم يله .......اخذت ايدي وبدت اتعرفني على الناس واحد واحد كأنو اني وياها نعرف بعض من زمان ... وصلت لاخوها وبابتسامه عريضه عرفتني عليه .........سارة اعرفج نجم اخويه الكبير مدير شركه الاستيراد وتصدير وهو قائم باعمال العائلة.........اهلا انسه سارة اتشرفنا .......اهلا استاذ نجم ،،،،،،اعيونه غريبة واحس بضيق كل ما اتقرب منه وشكله يوحي بالمشاكل كلبي يدك بخوف من هذا الشخص ،،،،،،،اتفضلي سارة وسحب الكرسي الي هو اني ما طايقه الجو كله على بعض اكعد ويا بعد اخذت نفس وكعدت أبتسم واني اريد بس اطلع اني شورطني اهنا بس بما اني دخلت بعد مابيها تراجع لازم اكمل الي بديته احاديثهم باردة و الاغلب تنمر على الجالسين بشكل عام ناس مريضه يحجون واني مو مهتمه ابد ادور بالوجوة على علي او فراس اهنا او اهناك بس ماكو فجأة لمحت شخص كان الاقرب على قلبي والي اشوفه اهنا مختلف عن الواقع الي اعرفه منو هذا معقوله الي يصير لا لا اني اتخيل اكيد غمضت اعيوني ورجعت فتحت اتاكد من الي اشوفه الخلل مو بعيني طلع بالشخص ....نهضت بسرعه واتجهت اله اريد اتأكد ما اعرف اتحمل الشك يفتك بدماغي المسافه كانت اتطول واخاف اتقرب وانصدم وللحظة اريد اتراجع بس دافع الفضول كان اقوى اسرعت خطواتي واتناسيت اني لابسه حذاء كعب وبلحظه تعثرت وكعت حاولت امسك اي شي حتى ما اجلس بالارض مثل الغبيه بس الشخص المقابل كان اسرع مني واخذني بين ايديه وخلاني استقيم بخفه رفعت نظري اشوف منو( اكيد مثل ما متوقعين كان بطلي) علي كانت اعيونه توحي الي الغضب والدهشة بنفس النظرة صراحه فرحت بوجوده لاول مرة اريد الامان الي احسه وياه اخذ ايدي حيل ومشينا لمكان ما بالقاعه اتذكرت الشخص الي يشبه لا اني متوهمه اكيد... اخذني وقفنا بمكان هادء وفارغ كان ايهز برجله بعصبيه واضحه وايدة على لحيته يحركها بتوتر اريد اسأله اشبيك اتقرب ابسرعه وحصرني بين الحايط وضرب الحايط كان على وشك يضربني دفعته بقوة بس كان اقوى مني .......انتي شنو اني مو كتلج ماكو طلعه اشلون طلعتي والله راح اتخبليني وشنو هل مكياج وهل البس والله راح اطلعيني من ديني ورجع ظرب الحايط .......ترى ما تخوفني هيج مكياجي شفته ولبسي همات شفته بس خاف انت تحتاج نظارات باباتي .......لزمني من اكتافي وضربني بالحايط مرتين احس اعظامي راح تتفلش بس اكابر واتصنع .....رفعت رجلي وضربته بين رجليه انحنى وجلس على الارض يأن واحتقن وجه وظهرت كل شراين رقبته ......ترى زادت عن حدها وياك اياك وبالك اتمد ايدك عليه دماغ سز مصدك نفسك زوجي وتتحكم وتتأمر عليه اصحى ترى اني سارة تحترم نفسك لو اشلون ....نهض على حيله وجرني من ايدي كان على وشك ان يكسر ايدي بقبضته القويه ......علي عوفني .......لج اني دماغ سز والله انتي ينراد ينعاد تربيتج من اول وجديد تعالي .......اخذني ويمشي بسرعه واني اتعثر بالحذاء ....امشيييييي اليوم اعلمج منو دماغ سز .......اترك ايدي انت مو صاحي .......فتح باب السيارة ودخلني بالقوة وقفلها واتجه لمكانه حرك السيارة بقوة اختلس النظر اله خاف يسوي بينا حادث ياربي بعدني ابدايه حياتي بليتني باثنين واحد اسواء من الثاني كتفت ايديه وانتظر الحادث بسبب السرعه الجنونيه ......لج انت ليش ما تسمعين كلام كلت ماكو طلعه ليش ماتسمعين كلام .......لان اني ما احب لغه الامر تحترم احترم......اي مو اني طفل موووو وتعلميني اشلون احجي .......لا حشاك .....لج انتي بقيتي بيها بعد اني زوجتي تجي لهذا المكان المشبوة انتي وين عقلج مافكرتي شنو ممكن ايصير الج ......اي فكرت ليش شايفني ماعندي عقل وبعدين هذا ما يخصك اشلون اتصرف او شنو اسوي ......اشلون حتى لو بس على الورق زواجنا انتي مني وتنحسبين عليه لازم تتقبلين الموضوع شأتي ام ابيتي خليها بدماغج.......استغفرالله خفف السرعه ما اريد اموت هسه .......انتي ماعندج اي احساس او مسؤوليه اني احاول احميج بكل الطرق وانتي بس تأذيني .......اني اهنا ما ادور احاسيس والافضل اتفكر انت همات هيج احنا زوجنا معروف لاي غرض انت الي وافقت لا جبرتك ولا شي انت وافقت بكامل قواك العقليه .... اي واقفت لان اريد استر عليج .......لا والله خلي سترك الك ما محتاجته يمكن يفيدك ......لج اسكتي لا ابتلي بيج والله ....انتبهت ايدة ترجف و اعيونه حمرررر اسكت احسن الي واله طلع الفون واتصل ما اعرف بمنو....الو انت وين .....اي ......لا ارجع......اي جايك بس دقايق .....اي اي يله دقايق واكون يمك ......اخذنا على طريق السريع والسكوت مخيم على الاجواء ........يتبع
#ام #فرقد 🤗🥀🕊
تخاصما لساعات
اخر الليل ذهبت ألى فراشها قلقه جافه يكاد ضوء عينيها يزول من شدة الشوق حاولت جاهدة أن تنام وعندما أيقنت أن الشوق والنوم لا يجتمعان تحسست هاتفها بنيه الاطمئنان عليه لكنها كانت كأي انثى مدلله بالحب عنيدة مترددة همست لنفسها قائله :لو كنت أهمه حقا لما تأخر بالاتصال' وفي عز ذاك التردد والدلال أضاء هاتفها بنور حبه لتجد رساله يقول فيها : لعلك قد نسيتي أن تنزعي عن شعرك الدبوس الذي لطالما آلمك وخزة إن نسيتي فأنزعيه وإن نزعتيه مسبقا فأعلمي أن الشوق إليك يؤلمني وخزة تماما كما دبوس الشعر ولست بنازعه وان قتلني احبك في الخصام أكثر وإن الذي بيننا لا يزيده الخصام إلا تماسكا فلا تقلقي " ثم انها نزعت الدبوس ونامت