وحيدة بين يدين أسد

البارت 39

‏"المثير للدهشة، أن تكون فلسفتك حزينة ووجهك بشوش، وتحب الصباح ولا يفوتك سهر الليل، قلبك يغلي وأفعالك باردة."

- دوستويفسكي ♪ 📚
.
.
.
.
.
.
.
.
.
.
.
قراءة ممتعه 🤗
دخلنا للصاله وام علي كاعدة تشوف المسلسل ولا تدري بشي دخلت لغرفتي اخذت ملابس نوم مريحه وقصيرة لان علي ما يجي اهنا فا اخذ راحتي .......مريم اريد فيلم اكشن ...........لا فيلم رومانسي احلى والله يخبل .......هههههههه يمعودة وينا وين هاي السوالف حدي فلم اكشن لو رعب ..............اوكي اجرب هيج افلام وياج ............اي دادة احلى وتنطيج طاقه صدكي ..............هههههه خلي انشوف ..............ديله امشي طلعنا شاميه وببسي ومعجنات وطبعا حليب بالكاكاو مهم جدا عندي ومكسرات وكعدنا انشوف الفيلم طبعا اختاريت فيلم توم كروز بطلي بدون منازع 😊ومريم كل اشويه واتريد تبجي على الي يصير بالبطل بعدين تعبت ونعست واني من البدايه تعبانه نمت بنص الفيلم ................،.................................
علي ،،، اخذت سارة وصارت حلالي بس احس بيها ما مرتاحه ولا طايقتني وهذا الشي يعصبني ويخلي كلبي يتقطع بس راح اتحبني وامي بس مشاكل وياها واني ما اتحمل اي احد يجيب سيرتها بشي عاطل بس امي طيبه وحبوبه وحنونه ليش هيج اتسوي بس مرايم وياها ودائما مع بعض كاعدات لان نفس العمر ومشى هذا الاسبوع بالياويل بس امي مستلمتها مشاكل بس الي زاد حبي بسارة عقلها الكبير وتتفهم الوضع وتحاول تنفذ كل طلباتها بحيث اني ينكسر خاطري عليها واحاول اساعدها كد ما اكدر اخاف على حبيبتي تتعب بس امي كلشي ما يعجبها مادام من سارة ما اتريدة اليوم الصبح كعدت كانت نايمه على صدري بعفويه منقطعه النظير الشعر مبعثر والخدود حمر والشفايف ورديات تستفزني اذوق شلون طعمها بس احاول اسيطر على روحي واصبرها بعض البوسات الخفيفه بخدودها والعب بشعرها واشبع من عطرها الي ياخذ العقل كمت بهدوء علمود ما تكعد واخذت دوش ولبست ملابسي وطلعت اتريك ويا امي كعدنا اسوالف عاديه انتبهت الوقت راح استأذنت منها اروح اكعدها دخلت للغرفه وهي اتحط حمرة اتخبل واتريد تطلع بيها والله اموتها عاندت وظلت تحجي ما اتحملت وظربتها وطلعت وقفلت الباب بس احس اني مظروب مو هي صارت سارة روحي وكل دنياي اخاف عليها من الهواء واغار عليها بجنون طلعت واتجهت مباشرة للمكافحه علمود انحظر الخطه وانراجعها وبالفعل اجه مهند وشرح الخطه واتفقنا عليها نزلنا اتغدينا بمطعم قريب ورجعنا رحت للكليه عندي محاظرة وحدة اخلصها واروح للحفله دخلت للكليه بس احس اكو شي ناقصني اشتاقيت لسارة اوووووف اخذت الشباب وبدينا المحاضرة طلعت وحظرة نفسي وطلعنا اني وفراس سوى دخلنا الحفله مثل العام الفات نفس الانحلال ونفس السوالف متعود عليها بس مالي لا بحبوب ولا شرب اتفقنا اني وفراس كل واحد بجهة علمود ما يحسون على شي بعدين اجاني مسج واني احجي ويا وحدة غريبه والظاهر تعرف شي عرفت اسمها بس بعدني اريد استدرجها بس المسج خرب كلشي جان من فراس (علي سارة اهنا وكاعدة يم نجم الحك عليها خاف ياسر يشوفها وتعرف شنو ايصير بسرعه اتحرك )بس قريت المسج واني نار كبت بيه اريد امشي ما اكدر كل السناريوهات السيئة اجت ابالي بهاي اللحظه كل خوفي من ياسر ياذيها والله وقتها دمه ما يكفيني امشي واتعثر بالاوادم واعتذر اريد اشوف وين كاعدة بس ماكو اعيوني اتشوشت وما اشوف من العصبيه ماكو اختفت اعصابي بالقوة لازمها انظربت بجتف شخص واعتذرت وفجأة سارة كدامي اتريد توكع احس كلبي الي شلته وسندته مو سارة... روحي رجعت بجسمي ودمي بدة يرجع لعروقي اووووف ماشافها ياسر يعني الحمدلله اخذتها لمكان مابي ناس اهواي وتعرفون الصار بعدين ....................................
سارة ... كعدت على صوت علي يضحك بصوت عالي انتبهت اني شنو لابسه كمت ابسرعه اغير ملابس قبل لا يجي اخذت ملابس من مريم وغيرت مديت راسي من باب الغرفه يطل على الصاله مباشرة ياااااا كاعد ويا ابنيه اتخبل ويضحك ويسولف وياها يما ولا يستحي هذا لبست شالي وطلعت سلمت عليهم وكتله ......الله يساعدك عيني ......هلا ويساعدج وكمل وياها ولا كانوا اني اهنا استفزني شنو ومنو هاي الابنيه وهيج بينهم ميانه قويه كمت ورحت للمطبخ بديت اساعد البنات بالغدا ويسولفن بس اني بالي كله يمهم واريد اسال بس استحي ومريم مختفيه ما ادري وين كملنا الغدا وبدينا ننقل الاكل للسفرة ياكلون على الارض مو طاوله طعام مثل اهلي بس الصراحه ارتاح لهاي الكعدة كملنا وكعدنا التمت كل العائله اخوته واطفالهم والبنات طبعا اخونه اربعه وبس واحد ما متزوج خريج هندسه وحباب كلش وهادئ عكس اخوته كعدت و علي اتقرب كعد بقربي اتوترت والمشكله بعدة يسولف وياها وامه مثل الي اتريد اتكيدني بيها هسه عليمن على اساس علي براد بيت وهيج متخيله عليه ولو القر،،، بعين امه غزال اووووف اشوكت اتروح هاي انوب كملت غدا واني ما اعرف شنو اكلت من التوتر وضحكهم نرفزني من جد تركتهم و رحت للغرفه اكعد وحدي احسن يبرد راسي كعدت اكلب بالفون بالاخبار مليت طلعت روايه جديده وبديت اقرا مرت ساعتين وهو على نفس الضحكه والسوالف صوتهم واصل الي اوووووف وتالي اشوكت اتروح بالله ماعدها بيت وبعدين منو هاي ..............................................................................
ملاك ...العلاقه بينا اني ومحمود اتطورت قصدي ابو ازل نتراسل بين فترة وفترة وصراحه اني معجبه بي بس استحي وهو احسه عندة نفس احساسي بس ما اعرف شنو منتظر بس هو شخصيه اتخبل هادئ ورومانسي وجنتل مان ومثقف ورجل ملتزم يعني هيج كلش عاجبني وما اعرف اشلون اتصرف منتظرتنه هو ايبادر بالاول عيب اكون متسرعه واذا رفضني اتفشل فشلت العمر واكرهة قررت اكول لسارة وهي اتشوف الي حل اليوم اليوم معزومين عند بيت اهلها لان هاي اول زيارة الها بعد ما اتزوجت بس مستحيه حتى منها واكيد سحر وبنات واهل زوجها ما اعرف الكه مجال او لا اكدر احجي وياها...........يتبع
#ام #فرقد 😘🕊❤ اتركولي تعليق حلو ولطيف مثلكم 😘