وحيدة بين يدين أسد

البارت 9

عندما نراجع حياتنا نجد أن أجمل ما حدث لنا كان مصادفة وأن الخيبات الكبرى تأتي دوما علي سجاد فاخر فرشناه لاستقبال السعادة
مرحبا اني فيروزة اكبر من سارةسنتين بس دائما تثبتلي هي اكبر مني احسها اختي الجبيرة اذكر مرة من جنت احب ابن عمي و غصبوه يتزوج بت خاله واني وياه انموت على بعض وبلحظه تركني وسمع كلام ابوه وعافني كأنه ماكان الي مكان ابحياته ورة فترة من زواجة اتقدملي شخص محترم وحباب واخلاق بس اني جنت منتظر يرجعلي وايكلي اني اريد اتزوجج واريد اطلكها ما احبها احبج انتي .... جنت ادمر كل يوم بلياه وهو غارك بالعسل وياها.. كالت سارة .... فيروزة حبيبتي انتي اني اختج واشوف اشياء انتي ماشيفتها عماد مايحبج ولا يتمناج ولا ينتظرج مثل ما انتي تنتظريه هو آتونس وياج وبس جان ايكضي وكت وانتي صدكتي هو لو ايحبج اكيد ما يقبل يتزوج غيرج ولا ايحب احد غيرج بس هوة جذاب وامبين بس انتي ما منتبه عليه لازم تصحين و اتكملين حياتج وتمحيه من كل حياتج وللابد راح اتكليلي اشلون واني بعدني احبه و متعلقة بيه اسنين احلم بلحظه الي انعيش اني وياة بيت واحد اني انصحج تتعرفين على هاذا الولد بابا يمدح بيه ومايعرف اشلون يمدح اتعرفي عليه اذا ارتاحيتي وياة كان بها واذا كلتي لااا هاذا بعد ابكيفج يعني جاي ادمرين روحج وانتي مامنتبه شنو اتسوين وبابا استخار والخيرة كلش زينة ماعندج حجة بعد انتي اتعرفين شلون اتحسبيها فأتمنى اتحسبيها عدل و الي اسمعته زوجت عماد حامل بالشهر الأول يعني كلامي صحيح اخذيها مني الولد خوش رجال ورايدج اوكي اني اعوفج اتفكرين و مهما كان قرارج اني وياج واسندج بيه ،،،،، جانت هذا نقطت التحول الجذري بحياتي اتعرفت على حيدر ولد ابن ناس وخوش رجال ينشد بي الظهر واله وكفات بلعشيرة ترفع الراس وحنين ويحترمني ويقدر تعبي ولحد اليوم ما مزعلني أو نمت واني مغثوثه منه ابد ماصارت واتمنى ماتصير انشالله سارة قراراتها تأخذها عن دراسة وتأخذ رأي جميع الاطراف وتعرف اشلون تكلب الموضوع لصالحها ذكيه وبسيطه اني احبها كلش واحترم صراحتها و ذكائها بس عصبيه كلش نار وشرار ما اعرف اتفاهم وياها اذا عصبت هي انسانه محبوبه وتستاهل الحب من كل مكان .... سارة انتي شنو تحجين ويا استاذج و اشلون هيج اتنكتين وياه مو عيب ..... هههههه تصدكين خفت..... ليش يعني ما اخوف.... هههههههه اتخوفين حيدر مو سارةشنو نسيتي...... اوووووف عود ردت اسوي مثل المسلسلات الاخت الجبيرة اتكوم وتظرب اختها الصغيرة راجدي انتي اشلون تحجين هيج...... ههههههه دمرت احلامج ابلحظة ههههه اتموتين و ماتجربين هاذا ظلي احلمي مستحيل يتحقق ههههههه اكلج مسلم شبي ليش ظايج مني عده شي ..... هههههه لا بس امعصب لان اخذتي جكايرة و ما بيه حيل يطلع يشتري، ،،، ههههههه سهله اني اجيبله بدل الباكيت اثنين ولا يضل ابخاطرة هههههه بسيطة .... اي كومي راضيه خطيه.... اني اطلع اشتريله واجي .... نزلت باوعت بلصاله ماكو طلعت لبست حذاء و طلعت رحت للسوبر ماركت جان اشوية بعيد ابدايه الشارع مشيت واني افكر باستاذي شنو ايريد مني وشلون اني هيج قبلت يتسلا بيه بما انو يريد ايكضي وكت اني بعد اريد اكضي وكت واعرفه حجمة وهو بيمن اندك خلي يعرفني اوكي اتسلا بيه شويه والي مصلحة ثانيه بيه بلكت يفهم الملعون اخخخ لو ارجع لذاك اليوم الي عرفته بي اوووف ساعت السوده ساعت العرفته بيها محمد علاقة قديمة قبل سنتين اتعرفت عليه بكلاس الكراتيه جان اجتماعي و مضحك و امبين حباب اتعرفنا على بعض واتطورت العلاقة بسرعة ماجنت متوقعتها وره فترة عرفني على امه المره امبينه ماتريدني واني كلت وياها وياها اتحبني بس كامت تظهر لي كره مو طبيعي طلعت اتريد اتزوجه بت اختها كامت اتحير شنو اتسوي علمود ننفصل آخر مرة لزمتني من ايدي وهددتني كالت حسبالي اتحسين بس انتي ماعندج احساس الظاهر اتعوفين ابني بحاله لا احاجي اهلج وافضحج بين خلق الله وانتي بعد ابكيفج انصحج اتركين ابني ابحاله محمد مايستاهلج كلت اوكي اروح بس خلي اشوف ابنج يقبل هذا الكلام.... هههه يصدكج ويكذب امه خوش روحي كليله وخليني آتونس اشويه واني اباوعلج يله . ... جانت واثقة ابنها مايجذبها ابد وصار الي أبالها وصدك رحت لمحمد وكلته هيج وهيج الي صار كام وكف انتي كمتي تتبلين على امي لان مرة اجبيرة أو اشويه ضغطت عليج هيج اتجذبين.... محمد اني عمري ماجذبت ابد وليش اتبله عليها بالله بس هيه اتجذب عليك و ..، اخخخخخ..، ظربني راجدي احس حلكي انشك وعيوني دمعن رفعت راسي باوعت عليه وجه اححححححمر وعيونة دم كل العروق الي ابوجه بينت.. امي ماتجذب افتهمتي بس انتي ممكن .... لا مو هاذا الي عرفته الحباب الي ايخبل واخلاقة ماكو منها الي حبني وحبيته وجنا انخط انكمل مع بعض اخخخ احس طعم دم ابحلكلي وادموعي غسلن وجهي واحس الدنيا انهدمت فوك راسي درت وجهي لكيت امه اتباوع علينا والضحكه على الوجي احس سجينه بكلبي انغرزت.... محمد تضربني انيييي الي بابا عمرة ما مد ايدة أو سمعني كلمه محلوة انت تضربني احنا انتهينا انتهينا تفهم....باوعلي كانو استوعب شنو سوى سارة اننني .... انييي اني اسف ما قصدي عسى ايدي انشلت قبل لاتنمد عليج حبيبتي اني اعتذر حبيبتي سارة ..... سااااااااااارة اوكفي ساارة اوكفي شبكني من ظهري ما اعوفج ابد سارة انتي ما اتعوفيني مو سارة اهون عليج من صدك.... دفعته ومشيت اتمنى ما اشوفك ابد ..... طلعت اركض جسمي كله كام يرجف و الدموع تجري على وجهي وكلبي اختنك احس راح اوكع انت انتهيت من حياتي بشكل نهائي...... اووووووووف الله لايرجعك اخخخ شكد مؤلم الموضوع ما احب أتذكر هيج ذكريات مؤلمه أخ انسي سارة انسي ابد لاتفكرين.... طبيت للسوبر ماركت واني الدمعة محبوسة ابعيني اخذت الجكاير واخذت حلويات لنرمين و فيروز وجبت مكسرات وحليب بالكاكاو اموت عليه اخذت علبتين اكبار خلصت ورحت للكاشير حاسبت وطلعت مشيت فتحت الكاكو والحليب واشربت اموت عليه اوه طبيت للبيت لكيت مسلم كاعد بلمرجوحة وامبين ملان يعني( صايبه الملل) اجيت كعدت يمه طلعة الجكاير وانطيتها اله.... اي همزين جبتي اني ماعندي ولا قمري كاعد على الحديدة ههههه ..... والفلوس اللي انطيتك اياهن امس وين راحن 😒.... هههههه شحنت لحبيبتي ابو٢٥الف خطيه خلص رصيدها.... الله ينطيك العقل انته كظيها هيج لا تتغير.... لاتوصين حريص.... كمت طبيت اباوع الساعة قاربت على ٨ بليل صعدت ذبيت اغرضي على الكومدي طفيت الاضوية ونمت بملابسي وقتت المنبه على ال١١ ..... فيروزة، ،، الو هلاو حبيبي اشلونك... الحمد لله يروحي ها اجي عليج..... يا ماصارلي يومين من اجيت بعد وكت .،، حبيبتي والله ظوجه وكاعد لوحدي و..... اشتاقتلج انتي مامشتاقه لحبيبج.... اوووف كلش مشتاقتله بس خلينا اليوم و باجر تعال اتفقنا.... حاظر اشلونها نرمين والله لها وحشه البيت هادي كلش.... لاتخاف بس تجي اله اتخبلك سارة اهنا مدللتها كلش و متنام اله ابحظنها.... بعد روحي ابنيتي.... اتنهد حيدر .... خير حبيبي خوما اكو شي شبيك...، لا بس هيج سالفه ما اريد ادوخج بيها باجر لمن اجي احجيلج يله يعيني باجر اخابرج باي يروحي.... الله وياك.... طلعت من الحمام بلمنشفه طلعت ترواكه نيلي عليها رسومات ميكي و جينز اسود و ساعة حمرة جابها بابا بعيد ميلادي الفات وحذاء حمرة رياضيه والشال اسود وبية خيط احمر كلت مالي خلك احط ميكب ميحتاج بس حمرة سحريه و مسكرة .... دك .... دك،،،،،، دك... الو.... الو مهند اني جاهزة... اوكي اطلعيلي براس الفرع انتظرج.... اوكي يلة.... حطيت الفون ابجيب الجينز اخذت جنطة ظهر سودة حطيت كرواسون وحليب بالكاكاو والكتب
حطيت عطررر ونزلت اباوع الاظويه كلها مطفيه والغرف مغلقه يعني يمكن نايمين جان
بابا و ماما طالعين راحو لكربلا ايزورون ويمرون على كرايبنا خابرتني واني بل كليه طلعت اباوع بلكراج ماكو احد طلعت مشيت الشارع فارغ صارت الساعة فوك ١٢ مشيت واني افكر لمحت سيارة مهند فتحت الباب وركبت... السلام عليكم.... هلا وعليكم السلام...، اشلونك يروحي.... الحمد لله اخاف بابا شافج من طلعتي.... لا بابا و ماما طالعين راحو لكربلا ايزورون ويمرون على كرايبنا... هاااا بيها الخير انشالله.... طلعنا أخذنا لمكان جديد وكلش بعيد وصلنا المكان فارغ بس جم بيت امطشرات وكف يم باب كلش اجبيرة نزل فتحها ورجع طبب السيارة جان الكراج كلش اجبيررررر يمكن ٢٠٠ متر وجان كله ابلاجكتورات يعمي من الضوه نزلت .. هاذا بيتك..... لا هاذا بيت واحد مخبر همات وياج بلكليه راح تتعرفين عليه قريبا كالنا متروك وهو يكول انو يرتاح اهنا ومحد من أهله يجي لان ابعيد عن طريق العام وصار مركز التدريب مالتنا.... اوكي ... طبيت اباوع صدك ابعيد منو يجي اهنا بس الطريق ياخذ ٣ ساعات ياله توصل ... اني اسويلج كهوة علمود انبلش هس يجي فراس همات مخبر وياج ... اوكف اذا انته عندك هلكد مخبرين شنو اتريد بيه.... كلمن ابمجموعه ملتهي خوما ايصير للكليه كلها مايلحك لازم تتفرقون.... خلي يجون واني اشرح الكم شنو الخطة..... اوكي ... طب ايسوي كهوة... اني كعدت على كرسي وطلعت الفون كعدت اكلب بيه ... اجة مهند وانفتحت الباب وطبت سيارة جيب عاليه سودة اتخبلللللل