وحيدة بين يدين أسد

البارت 17

اباوع هذا ليش متعصب شنو لان كتله ايمر عليه لو شنو اووووف ما ناقصه ونفسيتي مرتاحه عادي طنشي سارة مشيت بخطوات سريعه واتقربت منه ،،،،، هلاو علي ،،،،،، هلا يله ،،،،، اوكي صعدت بالسيارة اليوم هادء بس اجه سؤال ابالي اشلون ايفكرون الزلم اموت واعرف لان احتار دائما واتجاهل الاجابه لان مستحيل اعرف المهم مشينا والطريق اغواني واني تعبانه ونعسانه قررت انام عدلت كعدتي وارتاحيت بمكاني وغمضت اعيوني شغل المسجل باوعتله اووف هذا شنو بي اليوم يعني معصب ايريد سبب علمود ايعصبني رجعت احاول انام مع هذا الصوت بس كان عالي كلش بحيث السيارة تهتز من الصوت اووووووف لا بعد ما اكدر كعدت وطفيت الجهاز باوعلي وكانو قتلت احد وبكل غضب ليشششششش ،،،،، يعني ماتشوف اريد انام ،،،،،، نامي منو يمج ،،،،،،،، اشلون انام وهذا الصوت عالي بالله، ،،،،، هاي مشكتلج مو مشكلتي ،،،،،،،،، علييييي اشلون يعني اليوم ،،،،،، بعدين شغل اغاني وطبعا الصوت وترني كلش ونرفزني بس قررت اكون عاقله واجرب اشوف شنو الي امعصبه و من باب اخلص من هذا الزعاج ،،،،،، طفيت الجهاز مرة ثانيه وهم صرخ ،،،، ليششششششش ،،،،،، اريد احجي وياك يعني الطريق اطويل واني مليت ونعست خلي اندردش اشويه ،،، عدل كعدته واحس بلع الطعم ،،،، بس اني مالي خلك ،،،،،،، لا حباب ملانه كلش ،!،،،،،،،، اوكي بس علمود ما افشلج، ،،،،،، لاوالله من صدكك على اساس اني ميته عليك حجيت بيني وبين نفسي ،،،،،،،، اوكي ،،،،، اي احجي ،،،،،، اممممم شكو ماكو عندك ،،،،، والله ماكو بس اشويه مشاكل عجيبه ،،،،،،، الي هي ،،،،،،، اليوم واحد اثول ظرب السيارة وخسرني مليون عدا ونقدا ،،،،،، يعني هذا الي امعصبك ،،،،،، لا اني ما معصب ،،،،،،، اذا هذاكله و ما معصب ،،،،،،لاوالله ما معصب بس منقهر هاي حبيبتي اخاف عليها كلش ،،، هههههه والله عقلك بكبر الزيتونه (هسه اينط واحد وايكول النسوان ناقصات عقل 🤫جا هذا شنو عادي كلش لان كل واحد معرض لاي شي لان هذا الحيات وهذا القدر اشلون نكعد نبجي لو انعصب على كل شي طبعا برأيي المتواضع واسفه اذا اجرحت مشاعر احد 😌)شنو كلتي ،،،،،، لا ماكو شي ،،،،،، اوكي كملي انتي شكو ماكو عندج ،،،!،،، والله ماكو الوضع مستقر حاليا ،،،،،،،، حلو 😆،،، اكول ،،، ها ،،،،،، انته صارلك كم سنه متزوج بالله ،،،،،، دار وجه واتجاهلني،،،،،،يوووووووه اشلون اني احجي هيج هسه شنو ايكول عني ماكو مكان اشرد منه خرب حظي اشلون غير امسك لساني اويلي مو من عادتي اسأل هيج بس اشبيه ما ادري اليوم يمكن النعاس اثر عليه ممكن ،،،،،،،،،علي * حسيتها اتضايقت مني لان ما جاوبت بس من صدك ما اعرف شنو اجاوب بس حبيت الطف الجو ،،، شنو رايج نشرب كهوة بلكافيه ،،،،،، اوكي ،،،،، اجه بوكته تمام والله لو اكدر اشرد شردت وكف عند الكافيه ردت انزل بس كال اني اجيب واجي اهوووو ،،،،، راح فترة اشويه اطويله واني ملانه وعصبت صراحه من نفسي نزلت اريد ادخن ما اعرف ليش من اعصب أدخن مشيت كان بجنب الكافيه كراج فارغ وكفت بعيدا عن النظر وطلعت الدخان واريد اشرب بس استوقفني صوت بجي عالي بس غريب يعني صوت طفله او مراهقه ما اعرف مشيت ابحث عن الصوت وين وبعد اشويه وجدت المصدر كان طفل جالس خلف البناية يمكن بعمر 6سنوات حاظن صورة ويبجي بحرقه اتعجبت صراحه طفل وبهذا العمر وحدة وبنص الليل معقوله لايكون جني يارب كون وياي اتقربت منه وكعدت يمه، ،،،،،، مرحبا ،،،،، مسح اعيونه وباوعلي بغرابه شنو تردين ،،،،،،، حبيبي ما اريد منك شي بس ليش كاعد اهنا وحدك ،،،،،،،، لان المكان الي انام بي كله مي من المطر ،،،،،،،، وبابا ليش مايصلحه، ،،،،،،، دمعن اعيونه ورجعت موجه البكاء من جديد رجعت سألت ،،،،ماما وبابا وين ليش مو وياك ،،،،،،باوعلي والدموع مثل الشلال على خدة صراحه دمعن اعيوني وياه وعلى وشك ان ابكي معه ،،،،، بابا وماما ماتو واني وحدي عافوني 😭،،،،،،،،شهكت بخوف ياربي سترك طفل بهذا العمر اتيتم والله خطيه الله يساعده واشلون كلبه اتحمل هيج خبر واكيد وحدة المسكين وحطيت ايدي على حلكي !!! حبيبي وهسه ويامن كاعد، ،،،،، وحدي 😞،،،،، اوكف عمامك خوالك بيبي او جدو وين عنك ،،،،، اشردت منهم بس ايصرخون عليه وايشتمون ماما ومااحبهم ،،،،،، شنو رايك لو اشوفك مرة ثانيه، ،،،،،، انتي تردين اتوديني الهم مو ،،،،،،،، لا ياعمري بس هيج انصير اصدقاء تقبل اتصير صديقي اني ماعندي اصدقاء ،،،،،،، حتى اني ماعندي اصدقاء بس ايضكون على شكلي وملابسي، ،،،،،، باوعت لملابسه خطيه كلها اتراب ومشككه وملابسه مهتريه، ،،،،، انته ما بردان اني متت حر ،،،،،، انتي امبينه مو منا وملابسج حلوة مو مثلي انتي همات راح اتضحكين عليه مو ،،،،،لا حبيبي ميصير لأصدقاء ايضحكون على بعض ويحبون بعض ويحترمون يعني احترمك وتحترمني وماتعيب عليه اوكي ولا اعيب عليك ،،،،، (والله يا سارة اتنفعين اتكونين بجمعيه حقوق الإنسان بهاي الحكمه و العقل 😜)اي بس اني ماعيبت عليج، ،!،،، اعرف يروحي بس ممكن تاخذ الجاكيت وتلبسها لان اني ما احتاجها واالجو زين ،،،،،،، لا ما اريد ،،،،،، علمودي احنا مو اصدقاء وبعدين لمن اجي المرة الثانيه اعرفك اتفقنا ،،،،،، خوش ،،،،،، نزعت الجاكيت واعطيتها اله وكان اكو حلويات مثل معجنات وحليب وجيبس فرح بالحلويات ورحت على امل اللقاء بي مرة ثانية ،،،،، كان القميص اشويه قصير يعني كل اشويه يصعد واني انزله وصراحه متتتت برد ورجعت اعطس مشيت ابسرعه بس كانت اكو مفاجئه جدا حلوة السيارة ماكو 😳يااااا هذا وين راح ياربي معقوله عافني وراح والله حظي كلشي ايسوي امشيت اتأكد اباوع منا منا ماكو ابد لا راح وين اتدورين كعدت على الرصيف واني كلي خوف وقلق وحكمت انو راح وتركني اخابرة لاااااا هو عافني شيصير لو اشويه انتظرني بس اخابر مهند وبالفعل طلعت الفون بس كان مخلص شحن ماكو اي امل يوم واحد ايمر بالساهل اوكي لازم اتحرك لان الناس يمكن تنتبه وتحاول تتقرب ومشيت اني اعرف الطريق بس اطويل اخخخخ والجو موت برد واعطس لا لا الجو كلش حلو 😑 مشيت واني افكاري غير منظمه وخايفه وكلشي يدور ابعقلي يمكن انخطف ويمكن تضربني سيارة حاولت اشغل الفون ماكو كان اكو بيت قريب على الشارع اي خلي اشحن الفون يمهم واخابر واحد يجيني وبالفعل دكيت الجرص وطلعت إمرأة بالاربعين تقريبا ،!،،، السلام عليكم، ،،،، هلا يوم ،،،،،، بس كانت خايفه مني ،،،،، خاله اني ضيعت اهلي اهنا والفون مابي شحن ممكن بس استخدم الشاحن اذا مابيها ازعاج، ،،،،، اي يوم اتفضلي حياج، ،،،،، مشكورة يوم ،،،،،، دخلت كان البيت اكبير واسع ،،،،، منا يمه ادخلي ،،،،،، اوكي طبيت للمجلس الخارجي او الصاله ،،،،،،، وراحت واجت ابسرعه وياها و شاب هذا الشاحن ،،،،،، اي عاشت ايدج اخذته وشحنت ابسرعه فتحت الفون كان اكو 40 مكالمه فأئته من علي اتصلت عليه دك ،،،دك ،،،،، الووووووو،،،،، الو علي وينك بس صوتي بي اثر بجي ،،،،،،، انتي الي وين،،،،،، اني حاليا ابيت مرة اجبيرة واخذت منها شاحن وخابرتك ليش عفتني، ،،،،،، اوكي اني جاي بالطريق وديلي اللوكيشن ابسرعه ولاتخافين اوكي، ،،،،، اوكي مسحت وجهي الحمد الله جاي كانت المرة تأكد اني احجي الصدك لو اجذب طبعا الدنيا بعد ماتتأمن والله حقها اتخاف مني ورة دقايق دك علي اكيد وصل اتشكرت من المرة واطلعت لعلي فتحت الباب وكان الشاب وراي من طلعت شفته نزل ابسرعه من السيارة واجه اخذني من ايدي ويجر بيه وركبني السيارة بعصبيه اني خفت اكثر يا هذا اشبيه بدل مايعتذر مني عافني بنص الطريق ،،،،،، وصعد وشحط السيارة بقوة اني اباوع لايدة ترجف و عركان شنو اتمرض مرة ثانيه ،،،،،، علي ليش عفتني ورحت !،،،،،،،،، اني عفتج لو انتي ما اعرف وين رحتي اي صدك وين رحتي بالله ،،،،،،، يحجي بعصبيه وقوة كانو ماخذني طابو ملك !،،،،،، اطلعت اتنفس اشويه ولمن رجعت انته ماكو المفروض تنتظر ماتروح ابكيفك ،،،،،،، اي مو اني سواق عند حظرتج سارة خانم ،،،،،،،، رجاء احترم نفسك افتهمت ،،،،،،،، اي حاضر امرج خانم انتي بس اأمري واني انفذا راح انجب واسكت اخاف مشاعرج تنجرح مني، ،،،،،، علي ممكن افهم ليش امعصب اني الي لازم اعصب انته شنو الي غاثك هسه هااا،،،،، لا شنو الي يغثني ماكو شي سلامتج اني حيوان ما احس وبس انتي الي عندج الاحاسيس اني شنو بالنسبه الج حيوان عادي لازم لااخاف ولا افكر ،،،،،، عليييي نزلني اهنا كافي مو مظطره اسمع تفاهتك هاي افتهم شنو جاي تحجي وياي نزلني ،،،،،،، ظرب الاستيرن بقوة وغضب والله من جد خفت وظرب الجام الي بلباب وايصرخ انزلي ،،،،،،،، نزلت مثل الي يركض وراة شبح ركضت ابسرعه و مشه وعافني اني وصدمتي #ام #فرقد  فدوة اريد تفاعلكم وياي علمود اتحمس اكتب