وحيدة بين يدين أسد

البارت 15

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مدري شمات بيه وكمت ما اشتاك
عمر تانيتك ومليتك ابسرعه
من شفت ع عينك لون غير عيون
غسلت جفوني منك ب12دمعه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كعدت بلكاع واني متعبه من كل شيء اجه مسلم حظني وبقوة ويكلي لاا لا لاتكونين ضعيفة مايلوك الج انتي لازم تتخطين هاي المرحله لازم مو بس اتركيه وخلص لازم تنسين كلشي ايخصه لان ما يسوى اضفرج
،،،،مسلم رجاء اريد اكعد وحدي ،،،،، ابتعد عني ومسح ادموعي وباس راسي اني اسف بس اريد اتعبرين كلشي مؤذي واريد سارة الي دائما تبتسم و الي ماتهتم لاي شي ارجعي مثل قبل اترجاج ،،طلع وعافني و نزلن ادمعي بغزارة و حريه وعادت الذكريات الي ما اعرف شنو اسميها جميله او سيئه وموجعه ؟!!!!!
فلاش باك :::؛
قبل ٣ سنوات انضميت لكلاس كراتيه حسب طلب بابا لان ايخاف عليه من كلشي و عادي وافقت لان مابيها شي ماردت ازعله وكملت بالموضوع اتعرفت على الزملاء الي بلكلاس وحبيت الزملاء بس كان اكو شي غريب عليه بعد انتهاء الكلاس يكعدون حول شخص وسيم وشخصيته عاديه اوكي عادي شنو المشكله ولان اني عندي ادروس مكثفه ماعندي الوقت لشي مابي فايدة واطلع فور انتهاء الكلاس واروح لان بابا يمر عليه المهم كملنا شهر وبعد كم يوم ويخلص الكورس وارتاح من عناء المشوار البعيد و كا العادة خلصت الصف لهذا اليوم واريد اروح بس بابا بعدة ما اجه اوووف كعدت انتظرة خرج هذا الشخص الي اسمه محمد كان عادي العيون اصغار والخشم عادي شعرة على طول منكوش (ملعوب بي طوبه ) وطويل يعني ١٨٠ كعد ابصفي ومد ايدة ،،، اني محمد ممكن نتعرف ،،،،، رديت واني نفسي انطيه دفرة، ،،،، كل الي يجي ممكن نتعرف اي اعرف شنو الموضوع كلت ابكلبي، ،، هلا ،،،، شنو اسمج ،،،،،، درت وجهي سارة ،،،اهلان،،،، اهلين بيج شكو ماكو ،،،، ماكو شي، ،،، ههه بس اني عندي اهواي اخبار اسمعج ،،،، باوعت بطرف عيني شكد حشري ،،،،،،، خليها الك ،،،،،،،، ممكن بليز ،،،،،، اوف كمت مشيت وعفته اجه وراي شنو الصار هيج الأصدقاء، ،،،، منو كال اني وافقت ،،،، اني كلت ،،،، اوكي روح بلط البحر بيها ،،،،، هههه اكو نكته اتكول ،،،،، مااريد اسمع نكت وخاصه منك ولي منا ،،،،، هاي ذوله بيتهم قريب عالشارع العام الابو كال لابنه روح جيبلنا زوار نكسب بيهم ثواب راح ابنه ايدور زوار ف لكه٣ جابهم واجه ١ مكسورة ايدة ٢ اعمى ٣يمشي على عكاز ابو كله شنو بعد ابوك هذول صايدهم بكسريه وجايبهم ،،،،باوعتله واني اكرة روحي من جدك ترى قديمه ،،،،، لامن ابوي ههههههه ،،،،،، درت وجهي واني امنع الابتسامه ،،،،، ضحكت والله ضحكت ،،،،،، اشششش فضحتنا منا العالم ،،،،،، اشلون ضحكه ،،،،،،، ها بلشنا ،،،،، لا بس هيج اكول ،،،،،واتطورت العلاقه اكثر يوم عن يوم وعلمني على سياقت السياره وبعدين عرفني على امه و اجي لليوم الي ضربني بي وطلعت ابجي كانت سيارة على وشك ان تظربني لاكن بسبب ملاك من ملاك مو بس اسمها انكتب الي عمر ثاني ومر شهر واني ما ارد على مكالماته ابد ولا على الرسائل بس اشتاقيت اله كلش وما اعرف شنو اسوي ... سارة انتي لازم تتنازلين اشوي الحب عبارة عن تنازلات وهاي اتعلم الدرس وبعدين اخذ حقي منه بس ابهداوة هسه خطيه خبص الفون اليوم عيد الحب (طبعا اني ما اعترف بي ابد بس علمود محمد )اي خطيه نرجع سوى لان ما اكدر بدونه وصدك اخذت هديه ساعه ماركه جورج ارماني الفضيه ورحت للبيتهم واني فرحانه بس احس بيه شي انكسر يمكن لان دست على كبريائي علمود بس مايضيع ابوجه طبيت للفرع واشوف امحمد و وحدة حاظنته وهوة يبجي وحاظنها بقوة احس بشعور صعب اوصفه اني من النوع الي غيرتي خانقه وتقتل بس هذا المشهد ماا تحمله ابد صعب اني اتخوني اني اووووف احس نفسي انقطع وانتجيت على الحايط كان بيت ملاك الي نقذتني من الحادث بعد خطوتين مشيت واني احس المسافه كلش اطويله دكيت الباب وايدي ترجف والدمعه بطرف عيني فتحت الباب ملاك ماكدرت اتحمل بعد حظنتها وبجيت على حبي الي مات وابجي على روحي وكلبي المنكسر وروحي المحطمه بجيت بحظنها لحد ما تعبت واغفيت من كثر البجي كعدت ثاني يوم واني مثل فاقد الذاكرة اني وين ،،شنو صار كالتلي ملاك هيج صار امس ونمتي يمنا و بابا وماما ايكولون ابقي على الغداة لا خليها مرة ثانيه بليز طلعت ورحت للبيت ومن هذاك اليوم واني وملاك صدقاتنا اكبر من اي شي اتركها مرات شهر واكثر ارجع نفس الشي ولا تظوج ولا تعصب تتركني على راحتي و ما تحاسبني على شي يعني هي من صدك ملاك واني ما استاهلها ابد بس الله ياخذ احد من حياتنا ويعوضنا بغيرة
،،،،،،،،،،،،،،،،،،،،،،،،،،،،،،،،،،،
كمت مسحت ادموعي طلعت ملابس اشلون ما جان قميص احمر وجينز ابيض وجاكيت اسود بدلت ملابسي ابسرعه راح اموت نفسي انكتم اخذت شال اسود وحذاء سودة طلعت بدون مكياج والفون طبعا اخذته نزلت فتحت غرفه ملسم ،،،،ها ساره شبيج ،،،،اخذت مفتاح السيارة وطلعت طبعا يعرفني من اعصب اسكت لان اذا حجيت راح اسب كلشي واولهم مسلم طلعت بالسيارة وكعدت طلعت نظاراتي الطبيه لان اعيوني غوشن كمت افتر بالسيارة بس اريد ارتاح واحس نفسي تمام وكفت منتظرة الاشارة تتغير باوعت
الناس مرتاحه و طالعه من الصبح اليوم عطله اليوم جمعه واكيد الكل طالع هوة وعائلته اتذكرت ملاك اكيد تنتظرني لان كل جمعه اكون يمها خطيه ماريدها تتنظر اخذت ريوك وياي كيمر و كاهي وجبن ومربي الفراوله لان اتحبها وصمون حار واتجهت الى بيت ملاك نبذة عن ملاك
يتيمه اتوفى اهلها سنه ٢٠١٨،،، وعاشت ابيت اهلها وجانت وحيدة ماكو غيرها وتسكن وحدها ملاك بنيه هادئه جدا بس من اتكون وياي الاخبال😂 فول العيون عسليه والحلك كانو مسويه فلر هههه بس حلو وبيضه والشعر بني فاتح يعني مثل الباربي 🤗و طولها ١٥٩ ههه يعني قصيرة اتزوجت بعمر العشرين واترملت بل ٢٢ وعدها اثنين اطفال ولد عمر عمرة اربع سنوات والبنيه سجى عمرها سنتين طبعا نفس عمري وطبعا متخرجه معلمه انكليزي وصدقتنا عمرها اربع سنوات وكانو كانت منذ بدايه العمر وياي واحبها كلش وارتاح وياها وانسى كلشي يغثني وياها
يتبع ،،،،،،،،🤗
#ام #فرقد 🥀🕊❤