وحيدة بين يدين أسد

البارت 32

قال : كان يكفيّ أن تبتسمين إبتسامة ، إبتسامةً واحدةً فقط ليأتي الربيعُ قبلَّ موسمه ، وترجعُ أوراق الخريف إلى أغصانها مرةً أُخرى ، يعودُّ النبعُ نهرًا كاملًا ويُصفقُّ السياب مُرتجلًا من جديد🤎.......قراءة ممتعه
أبدو هادئة، ولكني لست كذلك بالحقيقة اليوم من البدايه ازعاج وماكو اي شي يبعث بالامان او الراحه النفسيه محتاجه اجلس مع نفسي اهرب من الوقع ما اتحمل الكلام ولا اتحمل نظراتهم المغرورة ولا تكبرهم عليه رغم اني دائما القب بالمغرورة بس احسن منهم والله اني بسيطه مقارنه بهم وبعد كل هذا علي ما اعرف شنو ايحس كلامه غريب ويلمح الي بكلام مبهم .........كعدت الصبح على صوتهم العالي وحركتهم وضحكهم العالي جدا نظرت الى علي كان نايم مثل الملاك شعرة مبعثر كان اكيوت جدا تركته واتجهت للحمام اخذت دوش وطلعت احط مكياجي كعد و ينظر الي مثل العاشق المتيم هه يمكن حرام حلم حلو بس اني لا و مزاجي سيء جدا وعندي بدايه صداع اريد كهوة حتى اصحى عدل جلسته وكال ....صباح الخير زوجتي .......صباح النور استاذيييي.....عقد اجواجبه .....بس اهنا اني زوجك خليها بس بالكليه ممكن ......حاظر بس ممكن سؤال.......اممم جواب ......عندك كهوة ....... اي ليش ........الصداع ازعجني واريد كهوة بس وين مكانها فدوة .......من اعيوني اني احظرها الج .......نظرت اله واحس بشعور غريب عليه بس حلو .....دخل الى الحمام وطلع بعد فترة قصيرة والمنشفه على كتفه وطلع من الغرفه جلست اتصفح المواقع الإلكترونية اشوف الاخبار وشنو صاير دخل بعد عشر دقايق والكهوة ريحتها طالعه اتخبل اتقرب مني و خلاها على السرير وجلس مقابل الي كان محظر الي واله كعدنا نشرب بهدوء مريح خلص وكال .....يله كومي نطلع يم اهلي من الصبح يسألون عنك ......اوكي .....راح ايغير ملابسه تركت الفون واخذت شالي وطلعت يمهم انظر الهم يا اخي لا يطاقون جلست معهم بس نظراتهم تأكلني من رأسي الى قدمي حللت بعض تصرفاتهم الي اتغار والي ما طايقتني والي اتريد تزعجني وحرت وتعبت والله دخل علي كان عند الرجال بالمضيف وناس رايحه وناس جايه واني مثل التحفيه ينظرون الي بتعجب واغلبهم احلى مني واكبر بس احسن من اهله متواضعين ويدخلون الكلب جلس بقربي نظراتهم ههه تعبر عن التعجب والصدمه لان علي كاعد يمي ويبتسم ويتغزل بصوت واضح اتوقع لان اهله كاعدين بعد فترة دخلو اهلي واشتغلت الهلاهل والكلام الحلو ركضت مثل الطفله لحظن بابا كانو مفارقته سنين واني 24 ساعه مو يمه بس شعور اني بالاخير ارجع واشوفه شعور مطمئن وبعدها حظنت ماما وبوستها واجه مسلم حظني وكال ....والله راح ابجي البيت ما اله اي طعم من دونج بوسته وانطيته دعم اشويه وطلع هو وبابا للمضيف وتبعهم علي و ماما كانت محظرة ريوك يكفي عشيرة بكميه غير معقوله ورة دقايق دخلت فيروزة وهي تبجي ركضت عليها كل ظني بيها شي حظنتني وتبجي ......حبيبتي شنو صاير ليش تبجين حيدر بي شي غير تحجي والله راح اموت .......رفعت راسها ونظرت الي اسفه ماكنت اكدر احظر العرس ......بس هيج متأكدة......ليش اكو اعز منج انتي اختي وحبيبتي وسندي بعد حيدر والله ......ههه حبيبتي اعرف تعالي اخذت ايدها و د خلنا لغرفتي بهذا البيت العجيب......اصلا هذا العرس ماحبيته كلش ان شآء الله على المرات القادمه .......هههههههه قويه هاي بس ما زعلتي مني او اخذتي بخاطرك الله عليج .......حبيبتي الدنيا مشاغل و اكيد زوجك وبيتك اهم والوضع عندكم مو تمام المفروض اعذرك لان اني اعرفج واعرف شلون راح اتفرحين ويمكن اكثر مني اوكي يله احجي شنو اخر الاخبار يمكم شلون راح اتحلون السالفه ..... بقينا نحجي وما حسينا بالوقت كان اكو مشاكل بين عشيرتة حيدر وعشيرة ثانيه وصار اطلاق نار على البيت غيرو البيت و حاليا وضعهم خطر وخايفه على اختي و زوجها ......دخلت اخت علي الصغيرة مريم لطيفه وهادية تختلف عنهم واتحبني اتقربت و كعدت ويانا بس ملامحها مو تمام اني افهم المقابل من النظرة بس انتظرت الوقت المناسب للكلام .....صار وقت الغدا وطلعنا و العائله علي كبيرة و اهلي والكرايب وزعت نظراتي على الموجودين كلهم شكلهم امرتب وهادئ بس ما احس براحه اتجاهم ابد ما اعرف السبب اكلنا وخلصنا واني دخلت الغرفه وتبعني علي غيرت ملابسي ونمت وهو كذالك نام بس كان مزاجه مو تمام ما اهتميت ونمت كعدت على قبضه ايدة الي اتهزني بقوة فتحت اعيوني كان امعصب وعاقد احواجبه والعيون حمر دفعت ايدة وعدلت نفسي كعدت نظرت اله ......انت بيك شي ......لا .......صاير شي ......لا .....استغفر الله ليش اتكعدني من النوم وبهذه الطريقه ......امي اتناديك.........علييي مرة ثانيه كرر نفس الحركه راح ايصير شي بعمرك ما تتوقعه مني ........هههه يعني اتهددين ......افهمها بالي ايعجبك الي عليه حذرتك ............كمت حظرت ملابسي وغيرت وطلعت لعمتي......هلا عمه امريني ........نظرت الي من فوق لتحت باستهزاء وهزت ايدها......يعني من اول يوم بدينا هاي السوالف.......خير عمه اني بدر مني شي واني ما منتبه.........لا عيني عليمن اكو عروس اتنام للمغرب والناس رايحه جايه تسال عليج وبعدين علي لا تدخلي بينا .......اعتذر حسيت بتعب ونمت وبعدين علي شنو علاقته بالموضوع............ما يقبل واحد يوصل يمك او يناديج الي هاي من اول يوم الله يستر منج .....وبقت تحجي بكلام ما افتهمه بينها وبين نفسها .......عمه اني حاليا شنو المطلوب مني وين الناس الي اكعد وياهم........اي بعد وبعد يطلع منج بعد اظربيني احسن وتبجي عزااا هاي اشلون ورطه اجه علي يركض ويخزر بيه و اتقربت العائله الكريمه كلها يتفرجون على الشو واني مثل الاطرش بالزفه بعد تفكير استغرق دقيقتان اكتشفت من نظراتها وارتباكها اتمثل عليهم وتأكدت ما متقبلين وجودي بينهم حسيت بخيبه امل صراحه واحساس بالغربه فجأه مثل الطفل من امه اتركه لوحدة اتقربت وسط ذهول الجميع اتقربت من عمتي وبست راسها واعتذرت منها انصدمت جدا من رد فعلي وكانو تعرف اني كشفتها ورجعت اعتذرت مرة ثانيه وعلي ينظر الي بعيون تلمع بعد ما حسيت باحساس مزعج ان اعتذر عن خطأ اني ما ارتكبته اتجهت لغرفتي وكعدت افكر اشلون اكسب كلبها بس اني دائما الناس اتحبني بدون اي جهد شنو سبب كرها الي وهذا الي اتسوي وبعد مدة من التفكير دخل علي كانت نصف ابتسامه تعتلو وجه ونظرات تعبر عن مدى فخرة بي وكان كلامه واظح وابلغ من الكلام اتقرب مني وطبع بوسه دافيه على جبيني ....نطلع نتعشى برى .......اسفه بس ما الي مزاج غير مرة .......لا لا ماكو اي عذر يله كدامي اشوف .....اوووف اوكي ......يتبع ......
#ام #فرقد 🤗🕊🥀.....‏يوماً ما سيقتلني إنعزالي ، سأقع وأنا أتأرجح بين الألم و الحزن ، بين عدم الإكتراث و اللامبالاة ، بين الشعور واللاشعور ، سأتلاشى في هذا المنتصف البائس🖤.