مهرة والأمبراطور 🖤_مكتملة_

الفصل الثامن عشر 🤓

(الفصل الثامن عشر)

مرت فترة هادئة لا تخلو من حنان مازن ومشاكسات مهرة اللطيفة ، لكن مهرة كانت تبتعد تماماً عن أي شئ يربطها بمازن برغم من الأمان التي تشعر به معه ....لكنها لا تتمكن من الأقتراب ....وكأن بينهم عازل كبير يفصلهم عن بعض ....يدعى ...الماضي

فتحت له باب السيارة وأمسكت بيده ليخرج من السيارة ، أستند عليها وهو يشعر بالفرحه ، أخيراً سوف يتحرر من ذلك الجبس الذي يمنعه عن التحرك ، أمسكته مهرة بعنايه ودلفت به إلى المشفى
تحركت به في الأرجاء حتى وصلت إلى الطبيب المختص به وسلمته له وتحركت للخارج تطلب قهوة من كافيه المشفى وتعود له مرة أخرى ، لكنها في طريقها قابلت خالد زميلها السابق في العمل
أنشرح وجهه ما أن وجدها ثم قال لها :
"أستقاله يا مهرة ، وفجأه كدة من غير مقدمات"

أبتسمت له بأحراج وهي تقول :
"هو الموضوع جه فجأه ، بس أنا حسيت أني بتعب أكتر ما بروح الشغل فقولت أقعد في البيت أحسن"

"على فكرة مفتقدينك في الشغل ، وعدم وجودك أثر في قسم البرمجه أوي ، خصوصاً أن المهندسين كانوا معتمدين عليكي ، ولما قررنا نرقي ناس من إلى بيشتغلوا معانا ، ربنا ما يوريكي الموضوع قلب مجزره وكأنهم في حرب على مين إلى ياخد الترقيه ، حاجات كتير باظت بسبب الموضوع ده ، الفريق بتاعك الحاجه فيه كانت بتطلع مطابقه للمعاير بالظبط ، حتى والدي كان بيدور على حد مصري شغال في فروعنا بره مصر ، بس للأسف CV مكنش محط أهتمام زي بتاعك"

تنهدت وعلى وجهها أبتسامه لم تختفي ، ليقول خالد :
"أنتي لاقيتي شغل تاني !"

هزت رأسها بنفي ، ليتوقع قائلاً :
"أيه حامل !!"

ضحكت ضحكه صغيرة ثم قالت :
"برضو لا"

"أومال أيه خلاكي تستقيلي"

"تعبت ، أنا حققت CV بتاعي وأنا سنجل مفيش حاجه ورايا ، أنما حاليا أنا متجوزه والبيت بيحتاج متطلبات ، وأنا مش عارفه أوفق بين الأتنين"

"يا مهرة ده مجرد أشراف"

"متنساش أني كنت بعمل عينات عشان الفريق يفهم أنا عايزة أيه ، والعينات بتاخد وقت ومجهود ، وأنا مش بقدر أروح أشوف متطلبات مازن وملك"

قال متذكراً :
"اااااه ملك ، أنا نسيت بنت جوزك ولله ، طب وأيه أنتي مرات بابا الحربايه"

ضحكت وهي تقول :
"لا أنا مهرة بس حربايه برضو"

ضحك ثم قال :
"طيب لو قدرتي ترجعي الشغل تاني أحنا أولى ببنتنا دا انتي بنت الشركه"

"ليه هو المشرفين الأجانب لسه مش عارفين يتعاملوا"

"ده بيتخانقوا معاهم أكتر ما بيشتغلوا ، لسه رافدين مهندس ضرب المشرف بسبب أنه خد تليفونه ومرضيش يخليه يتكلم في التليفون ، والدي كان هيتشل من إلى بيحصل"