مهرة والأمبراطور 🖤_مكتملة_

الفصل الثامن

موضوع التأخير في الرواية بسبب دراستي الملخبطة ، انا نفسي مش عارفة المواعيد لكن أول ما هثبت على مواعيد هقولها ، وبالنسبة لفصول الرواية انا بكبرها على قد ما اقدر لجل ما أعوض شوية من التأخير
(الفصل الثامن)

"أنتم أزاي تسيبوها لحد ما تتعب بالطريقة دي"
قالها الطبيب والحنق بادي على وجهه ، لينظر له مازن بعدم فهم :
"ليه هي عندها أيه !!"

"عندها نقص حديد بنسبة عالية جداً أثرت على جسمها وشعرها وده سبب تساقط الشعر إلى عندها  والأجهاد وكتر النوم ، وده سبب لها فقر دم وهي حالياً محتاجة لرعاية لازم تنتظم على الفيتامينات إلى هكتبها ومتتحركش من مكانها لحد ما تستعيد صحتها ، وياريت تعمل تحاليل شهرية وتتابع مع دكتور تغذية ، ولو مهمتش بالموضوع ممكن يحصل لها نكسة وقلبها يوقف"

أكتفى مازن بهز رأسه وأخذ الورقة المدون بها الأدوية وشكر الطبيب ، ويامن أخذ الطبيب ليوصله ، دلف مازن لغرفته التي تجلس بها مهرة ، كانت تغوص في ثبات عميق ، نظرت له ملك وهي تقول بحزن :
"بابي هو مهرة ماتت زي ماما"

هبط لمستوى ملك وهو يقول بحزن :
"لالا طبعا ، مهرة كويسة بس هي تعبانة شوية"

"طب ليه مش بترد عليا"

"أصلها تعبانة شوية ، عشان كدة مش قادرة تفتح عنيها ، بكرة هتصحى وتقعد معاكي ، بس أنا عايز أطلب من لوكة طلب ، لما مهرة تصحي متتعبيهاش متقعديش تقوليلها على الواجب أو تتفرج معاكي على الكرتون سبيها ترتاح ، وأنا هعمل معاكي الواجب وألعب معاكي ، ونعمل مع بعض كل حاجة ، تمام"

"تمام يا بابي"

فتح ذراعيه وهو يقول :
"يلا حضن بابي بقى عشان لوكة تخرج وتسيب مهرة ترتاح"

حضنته الصغيرة بطفولية ثم خرجت ، ليتحرك هو ويجلس بجانب مهرة على الفراش ويملس على شعرها بحنو بالغ ، دلفت ليان وعلى وجهها علامات الأسف ثم قالت :
"مازن أنا ....أنا أسفة أنا مقصدش أعمل كدة أنا كنت .....

قاطعها مازن وهو ينهض غاضباً :
"أنتي السبب في كل ده ، أنتي إلى دايماً حطه راسك براسها وكأنك عيلة صغيرة ، ونسيتي أنها مراتي ، وأهي دلوقتي زي ما أنتي شايفة"

قالت ليان بحنق :
"هو أنا إلى عملت كدة ، ما هي عندها فقر دم لوحدها"

"بس الدكتور قال أن حالتها النفسية سيئة ، مين إلى دايماً يتخانق معاها على الفاضي والمليان أنتي ، أنتي إلى مخليه حالتها النفسية وحشة حتى لو مش بتبين"

"طب ما هي ممكن نفسيتها تعبانة منك بس مش بتبين برضو"

"أنا لا بتخانق معاها ولا بضايقها"

"ملاك ، أخويا ملاك ، أنت ممكن تقتلها ببرودك ده ، يمكن لما تتتعامل معاها أحسن من كدة تتحسن"