21.

32K 693 39

от SpicyChip_

от SpicyChip_

Unicode

"အရေးတကြီးဖုန်းဆက်ခေါ်ရလောက်အောင် ဘာကိစ္စလည်း..?"

ကော်ဖီဆိုင်လေးတစ်ခုရဲ့တောင့်တစ်တောင့်မှာထိုင်နေရင်း အကိုဖြစ်သူရောက်လာတာမြင်တော့ နဒီ သူ့လက်ထဲကဖုန်းကိုချထားလိုက်တယ်။

"ဟန်လေးက ဟိုကောင်လေးနဲ့သွားတွေ့ချင်တယ်တဲ့..အဲ့ဒါကြောင့် ကိုကို့ကိုပထုတ်ပေးပါလားဆိုလို့..ဒါပေါ့ အလကားတော့ဘယ်ဟုတ်ပါ့မလည်း..လိုချင်နေတဲ့ limited lipstick တစ်ချောင်းအလကားရတယ်လေ.."

သူပြောတာကြားကြားချင်း ဘာမှမပြောဘဲချက်ချင်းထပြန်ဖို့လုပ်တဲ့အကိုဖြစ်သူကြောင့် လက်ကိုမနည်းလှမ်းဆွဲထားလိုက်ရတယ်။

"လောလိုက်တာ..နေပါဦး..သူတို့နှစ်ယောက်တွေ့ရင်ဘယ်လိုတွေဖြစ်မလည်း ကိုကိုရောမသိချင်ဘူးလား?"

ခဏလောက်တုံ့ဆိုင်းသွားတဲ့ရှိုင်းခကြောင့် နဒီပြုံးလိုက်မိပေမယ့် ခပ်ကြမ်းကြမ်းခါထုတ်ခံလိုက်ရတဲ့လက်က သူ့ကိုလန့်စေတယ်။

"သိချင်တာတစ်ခုအတွက်နဲ့တော့..ငါ့ကောင်လေးကိုအထိခိုက်မခံနိုင်ဘူး..နဒီ နင်နဲ့မဆိုင်ရင် ဝင်မပါနဲ့"

"အာ..စိတ်ကြီးပဲ.."

သူမစကားကိုမကြားနိုင်တော့တဲ့ရှိုင်းခကတော့ ကော်ဖီဆိုင်လေးထဲကနေခပ်သုတ်သုတ်ပြေးထွက်သွားတယ်။ လက်ထဲမှာရောက်နေတဲ့ဖုန်းကိုကြည့်ပြီး ဟန်လေးဆီဆက်ရင်ကောင်းမလားစဥ်းစားမိပေမယ့် ကိုကိုကဝင်မပါဖို့သတိပေးသွားပြီပဲ..သူမဘေးထွက်နေတာပိုကောင်းလိမ့်မယ်..။

ဟန်လေး ဟန်လေး..ဒီတစ်ခါတော့ နင်တကယ်ကြေကွဲရတော့မယ်ထင်တယ်..မြေခွေးကောင်ရဲ့ကျရှုံးခန်းပေါ့..။

ဘေးမှာလူတွေရှိနေတာမို့ ပါးစပ်ကိုလက်နဲ့အုပ်ပြီး အော်မရယ်မိအောင် မနည်းထိန်းထားရတယ်။

ကိုကို့ကြောင့် ကြည့်ရမယ့်ပွဲတစ်ပွဲလွတ်သွားတာတော့ နှမြောစရာပဲ..။

🖤🖤🖤

ကောင်လေးဆီဖုန်းဆက်တော့ ဖုန်းပိတ်ထားတယ်ဆိုလို့စိတ်ပူသွားရတယ်။ အခုထိအလုပ်မပြီးလောက်သေးတာမို့ သူတို့နှစ်ယောက်မတွေ့ရသေးဖို့ပဲဆုတောင်းမိတယ်။ ကားကိုအရှိန်တင်ပြီးတောင်မောင်းချင်ပေမယ့် လမ်းကပိတ်နေသေးတယ်။ ကောင်လေးကိုအကုန်လုံးဖွင့်ပြောပြထားပြီးပြီးမို့ သူ့ဘက်ကလိပ်ပြာမလုံစရာတော့မရှိပေမယ့်..ဘာလို့မှန်းမသိပဲ စိတ်ထဲလေးနေတယ်။ ဟန်လေးအကြောင်းကိုကောင်းကောင်းကြီးသိနေတော့ ကောင်လေးတစ်ခုခုစိတ်ထိခိုက်သွားမှာကို သူအကြောက်ဆုံးပဲ..။

ကြုံခဲ့ဆုံခဲ့သမျှ [ ႀကဳံခဲ့ဆုံခဲ့သမွ် ]

21.

Продвигаемые истории

Вам также понравится