♕الحامي♕
وصل يوسف لطريق وبقا واقف تم يشوف من ومن مقلق ومتضايق ميعرفش علاش ؟
يوسف : حط يديه في جيابو وقعد يخمم زعما واش شاف حقيقي ولا خيال ؟
لكن قشو مش موجودين هو عطاهم لها لبستهم متأكد ؟
هي تبعاتو حتى وصل للطريق كانت في غابة كلش عادي لحد الآن ...
لكن كي شافت طريق بهتت قربت من النص ومدت يدها تلمس الأرض ...
ماس (بلغتها) واش هذا ولا نهار شفت كيفو زعما واش يديرو بيه ؟
مجات تكمل حتى فاتت شاحنة كبيييرة صوتها يزهر من بعيد بسرعة كبيرة كانت مشوكية وهي تشوف العجب هذاك جاي ليها ملقات متدير غير تعيط طول صوتها وتغمض عينيها متعرف واش رايح يصرا وصل عندها قلبها ولى يخبط مليار من الخوف وتبكي
فاتت عليها مصرالها شي ...
شافت من ومن لقاتو خلاتها وراها وهي مش فاهمة شي؟
قلبها قريب يحبس كلات خلعة صحيحة...مدت يدها شدت جهة قلبها وحكت عليها وهي تلهث «قريب قتلني هاذ الوحش سلكت على شعرة» ...نسات يدها تم وهي رايحة جاية بيها جهة قلبها حتى تشوف الضو يشعل ويضرب فيها...حلت عينيها على وسعهم وهي تعيط لاااالالااااا مش مرة أخرىِ....
حتى حلت عينيها شافت في روحها في بلاصتها يديها يبانو تقرص روحها مش مصدقة فرحت وبدات تنقز ...
حتى لاحظت واحد يراقبها لقاتو واقف وين مكان ويشوف فيها مصدوم !!!
تنحنحت وبقات واقفة متوترة حاشمة ظاهر أنو عندهم مكانش سحر !
ماس: in kadarori==هذا الجميل يبان مصدوم؟
تبسمت ملامحو خلاتها تضحك ...
يوسف كان واقف في رحمة ربي يخمم ويقول ويحاول يقنع روحو أنو كان كابوس وناض منو حتى شاف شاحنة فاتت وسمع كأنو واحد يعيط لكن صوت بعيد قبل ميتأكد لقااها هي واقفة وسط طريق !!😶
ﺑﻘﻰ ﻣﺒﻬﻮﺕ ﺭﻣﺶ ﺧﺘﺮﺓ ﺯﻭﺝ ﺛﻼﺛﺔ ﻣﺰﺍﻟﺖ ﺗﻢ
ﻭﺍﻗﻔﺔ ﺗﺸﻮﻑ ﻓﻴﻪ ﻭﺷﺎﻳﻒ ﺧﻂ ﺗﺒﺴﻴﻤﺔ كأنها ﺗﺴﺘﺸﻔﻰ ﻓﻴﻪ؟؟
ﺍﻟﻐﻀﺐ ﺳﻴﻄﺮ ﻋﻠﻴﻪ ﻭﺣﺲ ﻧﺎﺭ ﺗﻜﻮﻳﻪ ﻗﺪﻡ ﻟﻬﺎ
ﺟﺎﻱ ﻳﺮﺑﻴﻬﺎ ﻭﻳﻌﻠﻤﻬﺎ أنو ﺍﻟﻠﻌﺐ ﻣﻌﺎﻩ ﻣﺶ ﺣﺎﺟﺔ مليحة... ﺣﺘﻰ سمع ﺻﻮﺕ ﺗﺰﻣﺎﺭ ﻗﻮﻱ ﺩﺍﺭ ﺑﺴﺮﻋﺔ ﻟﻘﻰ
ﺳﻴﺎﺭﺓ ﺟﺎﻳﺔ ﺑﺴﺮﻋﺔ ﻛﺒﻴﺮﺓ ﺟﻬﺘﻬﺎ ﻭﻫﻲ ﻭﺍﻗﻔﺔ ﺗﺸﻮﻑ ﻓﻴﻬﺎ !!
ﻋﻴﻂ ﻋﻠﻴﻬﺎ ﺑﻌﺪﻱ ﺑﻌﺪﻱ ﻟﻜﻦ ﻣﻔﻬﻤﺎﺗﻮﺵ ﻭﺍلسيارة ﺗﻘﺮﺏ أﻛﺜﺮ ﻭاﻛﺜﺮ كأنو الي يسوقها مش شايفها؟
ﻣﺎﺱ ﻛﺎﻧﺖ ﻭﺍﻗﻔﺔ ﺣﺘﻰ ﺷﺎﻓﺖ ﺳﻴﺎﺭﺓ ﺗﺠﺮﻱ ﻓﻲ
ﺟﻬﺘﻬﺎ ﻭﺗﺰﻣﺮ ﻛﻴﻤﺎ ﻟﻤﺮﺓ ﻻﻭﻟﻰ ﻟﻜﻦ ﻣﺨﺎﻓﺘﺶ لأﻧﻮ
ﺍﻟﺨﺘﺮﺓ لأﻭﻟﻰ ﻫﺎﺫ ﺍﻟﺸﻲ ﻓﺎﺕ ﻋﻠﻴﻬﺎ ﻧﻮﺭﻣﺎﻝ ﻋﺎﺩﻱ
ﺗﻜﺮﺭ ﺗﺠﺮﺑﺔ ﺗﺤﺐ ﺗﻌﺮﻑ ﻫﻮ ﻭﺍﺵ...؟
ﻗﺮﺑﺖ ﻣﻨﻬﺎ ﺑﺰﺍﻑ ﺣﺘﻰ ﺗﺤﺲ ﺑﻴﺪﻳﻦ ﻫﺎﺯﻳﻨﻬﺎ
.... ﻭﺭﻣﺎﻭ ﺑﻴﻬﺎ ﻓﻲ الأﺭﺽ...!
ﺗﺮﻣﺎﺍﺍﺕ ﻓﻲ ﺍلأﺭﺽ ﺣﺴﺖ ﻇﻬﺮﻫﺎ ﻳﻮﺟﻊ ﻟﻜﻦ
ﻳﺪﻳﻦ ﺷﺎﺩﻳﻨﻬﺎ ﺑﻘﻮﺓ ﺗﺤﺖ ﺭﺍﺳﻬﺎ ﻭﻓﻲ ﻇﻬﺮﻫﺎ
ﺑﻘﻮﺓ ...ﺧﻔﻔﺖ ﻣﻦ ﺍﻟﻀﺮﺑﺔ ﻋﻠﻴﻬﺎ ﺣﻠﺖ ﻋﻴﻨﻴﻬﺎ
ﺑﺨﻮﻑ ﻟﻘﺎﺕ ﺭﺍﺳﻬﺎ ﻓﻲ ﺭﻗﺒﺔ ﺭﺍﺟﻞ...ﺣﺴﺖ
ﻗﻠﺒﻬﺎ ﻳﺨﺒﻂ ﺑﻘﻮﺓ أﻭﻝ ﻣﺮﺓ ﺗﺠﺮﺏ إﺣﺴﺎﺱ أﻧﻮ
ﺗﻜﻮﻥ ﻓﻲ ﺣﻀﻦ ﺭﺍﺟﻞ ﺣﺘﻰ ﻣﺘﻌﺮﻓﺶ ﺍﻟﻌﻼﻗﺔ ﺑﻴﻦ
ﺍﻟﺮﺍﺟﻞ ﻭﺍﻟﻤﺮﺍ ﻭﺍﺵ ﻣﻌﻨﺘﻬﺎ ﻣﻦ ﻏﻴﺮ ﻭﺍﺵ ﺣﻜﺎﺗﻠﻬﺎ
ﺧﺎﻟﺘﻬﺎ ﻭﻛﺎﻧﺖ ﻣﻌﻠﻮﻣﺎﺕ ﺧﻔﻴﻔﺔ لكن ﺍلإﺣﺴﺎﺱ
ﻫﺬﺍ ﺍﻟﻲ ﺗﺤﺲ ﺑﻴﻪ ﻭﻫﻲ ﻓﻲ ﺣﻀﻨﻮ ﻣﻌﺮﻓﺘﺶ
ﺗﻔﺴﺮﻭ ﻭﻣﻌﺮﻓﺖ ﺗﻌﺒﺮ ﻏﻴﺮ أنها ﺗﻤﺪ ﻳﺪﻳﻬﺎ ﻭﺗﺤﺎﻭﻝ
ﻗﺪﺭ ﺍﻻﻣﻜﺎﻥ ﺗﺪﺧﻞ ﻓﻲ ﺿﻠﻮﻋﻮ ﺃﻛﺜﺮ ﻷﻧﻮ ﻫﺬﺍ
ﺣﺴﺴﻬﺎ ﺑﺸﻲ ﻋﺠﺒﻬﺎ ﺑﺰﺍﻑ.....((ﻣﺮﺍﺕ ﺍﻷﺣﺴﻦ
(!!ﻧﺴﺘﺴﻠﻤﻮ ﻟﻤﺸﺎﻋﺮﻧﺎ ﻭﻧﺨﻠﻴﻮ ﺗﻜﺴﺎﺭ ﺭﺍﺱ ﺟﺎﻧﺒﺎ))
ﻳﻮﺳﻒ ﺣﺲ ﻳﺪﻳﻪ ﻳﻮﺟﻌﻮ ﺑﺰﺍﻑ ﻛﻲ ﺗﺤﻜﻜﻮ ﻓﻲ
ﺍلأﺭﺽ...
ﺟﺎ ﻳﻘﻮﻡ ﻟﻘﺎﻫﺎ ﻻﺻﻘﺔ ﻓﻴﻪ ﻣﻌﻨﻘﺎﺗﻮ أﻛﺜﺮ ﺣﺲ ﻗﻠﺒﻮ
ﺧﺒﻂ ﺑﻘﻮﺓ ﻣﻔﻬﻤﺶ ﻋﻼﺵ ﻟﻜﻦ ﺣﻀﻨﻬﺎ ﻛﺎﻥ ﺷﻲ
ﺧﻼﻑ ﺣﺲ ﺑﺮﻭﺣﻮ ﻓﻲ ﻋﺎﻟﻢ تاني...ﺑﻘﻰ ﻛﻴﻒ ﻫﻮ
ﻭﺧﻼﻫﺎ ﺣﺴﺐ أنها خايفة..... ﺷﻮﻳﺔ ﺗﻔﻜﺮ ﺍﻟﻲ ﺩﺍﺭﺗﻮ
ﻗﺒﻴﻞ ﻣﻦ ﺍلإﺧﺘﻔﺎء ﺑﻼ ﺳﺒﺔ ﻭﻣﻦ أنها ﻗﻌﺪﺕ ﻓﻲ
ﻃﺮﻳﻖ ﺗﺤﻮﺱ ﺗﻨﺘﺎﺣﺮ ؟
ﺩﻣﺮﻫﺎ ﺑﻌﻴﺪ ﻋﻠﻴﻪ ﻭﻗﺎﻡ ﻳﻨﻔﺾ ﻗﺸﻮ ﻭﺩﻡ ﻓﻲ
ﺫﺭﺍﺍﻋﻴﻪ ﻭﺟﻬﻮ ﻣﻴﺒﺸﺮ ﺑﺨﻴر..
بقات حايرة واش الي صار؟ علاش شدها وعلاش بعدها؟ فجأة؟
وقفت تشوف فيه....
يوسف : أنتي واش تظهري تعاودي تتخفاي تعاودي تظهري تحوسي تنتاحري وغير قدامي واش معندكش وين تروحي تموتي هدا وين فهمت قبيل فالشجرة تاني كنتي تحبي تقتلي روحك ؟ حبيتي تموتي فوق راسي؟ قولي ؟ تفكر بلي هي متفهموش ...؟ يوسف : أوووف ياربي اووووف حتى يمكن هاذي خدعة شدها من ذراعها لواها توجعت ...ِِ
يوسف : شكون بعتك من أعدائي باش تكرهيلي حياتي وتتجسسي عليا من أول نهار هاه !!! أهدري نعرف بلي تفهميني كانت تتوجع بقوة حتى بدات تبكي بصوت.... مزالت مفهم علاش تبكي حتى هجم عليه ذيب كبير خرج من الغابة بعدو عليها وشدو بمخالبو في الأرض وهو يشوف في عينيه ويصدر صوت مرعب يحاول ياكلو ؟ ماس تشوف في الي يصرا تخلعت معرفتش واش صرى وعلاش الذيب هجم عليه هو مش هي ملقات متدير هذا ذيب رايح ياكلو واش ندير ؟
أنت تقرأ
꧁ختم ماس꧂
Fantasyالقصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
