꧁ختم ماس꧂

♕الجزء الثامن عشر♕

                          ꧁ماالسر؟ ꧂

             يوسف كأنو كورون ضرب في راسو وتفكر دار ليه  وعنيه يشعلو بفضول...
يوسف : عفواا أنت شكون؟!
قصي : خنزر فيه وعاود وهو يجبد البطاقة تاعو الظابط قصي من قسم التحقيقات الجنائية معاك.
يوسف : وجهو راح ألوان وجا ألوان توتر ومعرف واش يقول ولا يدير...دور وجهو وسكت...
ماس رجعت لحالتها البشرية بعدما غاب عليها الذيب بعدما حس أنها في أمان .
بقات تشوف في قصي الي بعدما جاوب يوسف شداتو حاجة من جهتها ودار ليها ... أول مرة تتلاقا عينيهم .
بقاو مدة يشوفو في بعض قصي ملامحو تغيرت وقلبو رجف معرفش واش صرالو ... لكن للحضة حس أنو روحو فارقاتو ورجعت حس إحساس كبير بالبرودة ... وهو يشوف لون غامض في عينيها لون مختالف على طبيعة البشرية حس كأنو كاين رابط يجذبو ليها لهاذ الطفلة ... محس بروحو غير وهو يقول ... مخطوفة!!!
ماس: هاه؟
يوسف كان يشرب في الما قريب دا عمرو وبدا يكح وهو يشوف فيهم.
قصي: هذا الراجل خطفك ياطفلة؟
ماس: خطف واش معناتو خطف؟!
يوسف : هااااي واش بيك مهبول !! علاش نخطفها ؟
قصي: متعرفيش معناتو خطفك؟
ماس: لاااا.

قصي : يعني سرقك داك بلا موافقتك وموافقة أهلك ...
ماس: اااه لاا مش مخطوفة يعني هو مدانيش بلا إرادتي ... حنا نعيشو مع بعض.
يوسف :  تنهد براحة وهمس بين سنانو اخيرا قالت شي ينفع... دار ليه وهدر بصوت عالي شفت أنا مخطفتهاش.
قصي: كيفاه تعيشو مع بعض هو يعني نتا تعيش مع قاصر في دار وحدة؟ تبان صغيرة شجال عمرها؟
يوسف : تنهد وهو حاسس راسو قريب يطرطق ... يااا عبد ربي راه الموضوع مش كيف متخيلو  وثاني شي شكون قالك قاصر هي كبيرة راهي ١٨ عام وفوقها هي في حمايتي يعني هي كي بنتي فهمتني...!
قصي: كي بنتك؟ كيفاه كي بنتك وعلاش نتا شحال في عمرك؟
يوسف : واش شحال في عمري تشوفني نرضع صبعي؟
قصي : بالنسبة ليا راكم في نفس السن...😏
يوسف: وقف وهو يكزز سنيه يهدر في نص وجهو راه الي بيني وبينها ميخصكش وهي مجاتش شكات ليك باش تجي هنا تحقق معانا مش معنتها أنك ظابط ولا منعرف واش تجي تتبلى في ناس ... قاعدين في رحمة ربي خنزر في وسط عينيه
قصي: (قرب ليه أكثر وجهو مقابل وجه يوسف عينيهم في عينين بعض يتخنزرو نضراتهم كلها شر) نطق قصي بنفس اللهجة... مش معنتها مشكاتش راهي في أمان معاك ممكن هي راهي في خطر والشي هذا متقدرش تقولو لأنها خايفة منك وأنا واجبي نتحرى على هاذ الشي يااااسيد .
يوسف : راك زودتها بزاف نصيحة تبعد من طريقي وتتهلى في شؤونك أحسنلك لا تدي تقريع من الي أعلى رتبة منك راك متعرفنيش مليح كي ندير واحد في راسي.
قصي : ههمم جرب نشوفو واش دير ياسيد  ظاهر فيك واصل بزاف شوقتني....تفضل...
يوسف : واش دخلك فينا الي يشوفك هكذا يقول تعرفها صافي عوام .....!!!
قصي : بهت وبعد عليه وهو يسترجع عقلو في لحضة حس أنو إنسان آخر وفقد توازنو كليا ؟
مش هو الي يتصرف بهاذ التهور في أي موقف كان
دار شاف في ماس الي بانت خايفة من طريقة هدرتهم حست بالرعب يدب فيها أول مرة تشوف زوج يتناقرو هكذا وقدامها وعليها!
قصي : بقى مبهوت نضرات الخوف في عينيها ضراتو.
يوسف : عوج فمو بإنتصار وعيط لها ... ماس رواحي هنا خلينا نمشو الظاهر  بزاف متطفلين يدورو هنا..
ناضت جات تمشي جهتو (جهة يوسف ) لكن في لحضة لقات روحها قدام قصي ومتخبية وراه وكأنو قوة كبيرة هزتها وحطتها وراه ؟!
بقاو مذهولين الثلاثة في الجاست الي صرات!!!
يوسف : مااااااس هبلتي تروحي ليه قلتلك هايا نمشيو....
ماس: بقات تشوف في قصي الي بادلها النظرات نفس الشي وهي تقول : منعرفش واش صرا جاية جاية...
وراحت تجري ليه ...ِ
شدها من يدها وجبدها بقوة وراحو ... قصي بقى قاعد في بلاصتو يشوف فيها وهي تبعد مش فاهم شي ..
يوسف♡
ماس: حبس نحب نجرب هذيك الدويرة العالية منحبش نروح هكذا بلا منجرب.
يوسف : بلعيه منسمعش صوتك.
ماس: علااااش؟
يوسف : طلقها ودار ليها زعفان ... كيفاه علاش ونتي درتي روحك صرا فيك الي صار قدام هذاك المتباهي تقول هو يملك دنيا...
ماس: مفهمتش واش درت؟
يوسف : أنتي درتي روحك مسكينة مخطوفة حتى وقت عيطتلك نروحو أنتي تخبيتي وراه ؟ تخبيتي مني عندو ودرتيني انا الغريب عليك...
ماس :  بقات تشوف فيه وتتفكر كيفاه غريزتها تحركت وداتها ليه متعرف علاش هي مصدومة صدمة أنو شافها وزيد من فوق هي حست بشي غريب كي شافتو حست أنو ...أنو... أنو هو الِِِِِِ......
يوسف: هاي نحكي معاااك !
ماس: هاه؟
يوسف أمشي والله متحوسيها اليوم أمشي للدار.
ماس: بصح ...
يوسف : حلفت وحلفي مندورش فيه.
ماس : حلف ؟! واش هو الحلف !!!
يوسف : ثاني اااااعععع...
ماس: قولي
يوسف: الحلف هو القسم يعني شي مقدس كي تقول إسم الله إسم الخالق متقدرش ترجع فيه يعني إذا قلت شي بعد إسم الله يكون حقيقي صدق متقدرش تكذب وثاني ... (كمل يشرح كل كلمة يقولها هي تسقسي عليها حتى وصلو للدار)
دخلت قعدت وهو بقى واقف يشوف في ملاحضة لقاها في باب الدار ...