꧁أخذ وعطاء꧂
شافت فيه وتوترت بعدها نطقت ...
انا عندي مهمة ونضن تعرفها ومنعرفش واش هي وكيفاه نفذها ولهاذ الشي نحب نتعلم اللغة تاع هذا العالم باش نفهم ونقدر نوصل للي مطلوب مني؟
شاف فيها وبقى مدة يخمم ...
نضراتو خوفتها وهي متعرفش حتى في واش يخمم هكذا...
سيد الختم: هممم ساهل هذا متطلبي؟
ماس : بحماس ... يعني تقدر تنفذو؟
سيد الأختام : أنتي تستهيني بقوتي تعاودي هذا الكلام أعتابر روحك ميتة....
ماس : لاااا مش قصدي ِ...
سيد الختم : نحكيو في المقابل أحسن ... الي
خبرك على قدراتي خبرك على طريقة تعاملي .... أخذ وعطاء شد مد ... يعني مقابل لااازم...
ماس: (بقلق)ايه نعرف ...
سيد الختم : واش رايحة تمدي ؟ في المقابل...!
ماس : نمدلك الحماية ...
سيد الختم : الحماية !!!! هههههههههههههههه أنتي تمديلي الحماية ليا أنا ... هههههههه ياجاهلة إما انتي غبية وإما أنتي تستفزي فيا باش نقتلك وهذي مش مهمتي خليتها لغيري...
ماس: أستنى ... أنا عندي حماية من حيوانات مختالفة يعني شغل تميمة ...
في أي لحضة يكونو في خدمتي نحب نستغنى عليها ونتا الوحيد الي تقدر تملكها ...
سيد الختم : خدمة مجموعة من الحيوانات تكون وفية وحامية ليا ؟ مش قيمة لدرجة أني نخلي لسانك يحكي لغتهم وتفهميها بسهولة هذا معندك؟
ماااس: هذا معندي ونضن مش رخيص أنا حياتي تعرضت للخطر أكثر من مرة وهذ التميمة هي سلكتني ...
سيد الختم : نقبل بشرط ...
ماس : الي هو ؟
سيد الختم : أنا الحيوانات نستغلهم بطريقة الي نحب لكن البشر صعيبة شوية نحب تكوني أنتي خديمة ليا رغم أنك ليا بصفتك مختومة لكن في هاذ العالم راكي بعيدة عليا وعلى تحكمي بيك نحب كي تكملي مهمتك هنا تولي لعالمك وتعلني الخضوع ليا كليا والخضوع يعني مملوكة كليا ليا بما أنو عندي مشاكل مع جنس البشر من فصيلة الأماماش الي مهمش تحت تصرفي كليا نحبك أنتي كي تسلكي عشيرتك ونعاونك في هذا نبيدو الأماماش من الوجود يبقى الختم فيك وبرضايتك وتبقاي ليا هكذا تولي نتي ملكة عليهم...يعني على البشر وأنا ملك عليك وهكذا نولي أنا السيد الكلي لكل شي....
ماس : مصدومة وفي نفس الوقت حايرة« علاش تحوس السلطة ونتا تقدر تدير كلش علاش تحوس تملكني ؟ وانا إنسانة ضعيفة معندها حتى قوة ...
سيد الختم : مش لازم تسقسي الي أنتي متحبيش تسمعي جوابو عندك كلمتين تفصليهم .. ايييه ولا لااا؟
بقات تخمم مدة بعدها تنهدت...
ماس: قابلة المهم عيلتي وعشيرتي تتهنى من جور الأماماش ونتا خوذ الي تحب...
سيد الختم : أتفقنا ... هزي سكينة الي قدامك وديري جرح في وسط يدك خلي دمك يسيح فوق هاذ الرمز الي توالك خليه يتعمر باش نعقدو عقد بالدم أبدي والي يخون يسلكها ويحق عليه العذاب ... خافت بزاااف لكن هي خلاص مش لازم تتراجع ...
هزت السكينة الي معرفت منين جات وقطعت يدها والدم ساح حتى ملى الدويرة وهي حست روحها رايحة تتغاشا ... شدت في روحها وبقات تشوف فيه...
سيد الختم : خلاص هكذا الإتفاق بينا تم ورضيتي ورضينا... وذرك خرجي لسانك ...
خرجت لسانها حست نار لفحتها فيه ... رجعاتو بالوجع....
سيد الختم : قولي ورايا ....
بقات تردد وراه في تعويدة علمهالها ... حتى كملو ... وذرك صبري لغدوة وشوفي نتيجة ...
ماس : يعني خلاص وليت نفهم لغتهم ونحكيها؟
سيد الختم : نعم الي عليا مديتو والمقابل مزال مديتو ...
غمضي عينيك نجردك من قوة الحماية الحيوانية الي فيك الي جاني طايع أحسن والي ستعصى أمرو علينا نحلوه...
مفهمتش واش قال غمضت عينيها وأرواح الحيوانات تخرج من فمها وحدة وحدة كلها وتدخل في النار ...
سيد الختم : حلي عينيك حلت عينيها وشافت فيه حست كأنو خذا النص منها...
ماس: خلاص ؟
سيد الختم : عندك حامي مش راضي يخرج ويخليك وواهب حياتو وراضي يموت على أنو يخضع ليا... ماس : كيفاه مش حاب واش هو هاذ الحيوان؟
سيد الختم : عينيه متجسدين في عينيك ونضرتو تقطع في عينيا«الذيب» هذا راه وفي أكثر من لازم ليك...لكن مش غريبة عليه الذيب طول عمرو روحز حرة وعمرو يرضى يتشد ولا يستعبد...
ماس: الذيب!!! صحيح هو اول واحد كان يدافع عليا ... كيفاه نديرو ذرك؟
سيد الختم : خليه ليك من صالحي يبقالك حامي في هاد العالم مدام منقدرش نفرض سيطرتي باش نتأكد أنك تولي لعالمك وتوفي بوعدك ليا ...
ماس: يعني حماية الذيب تبقا معايا ؟
سيد الختم : نعم.
آخر شي سيطري على نفسك وتفكري أنتي شكون ووين..
راهي كل غلطة منك تخلي قوة الختم تخبو شوية شوية ... لحد الآن شافك إنسان واحد ...
ماس : مش واحد شافوني زوج ...
سيد الختم : شافك واحد وهو الي في هاذ الدار ننصحك تبعدي عليه وتحاذري منو ... والي وصلكم في الطريق كان خادم ليا وأنا بعثتو باش نتأكد أنك متغلطيش ومتنحارفيش على طريق المرسوم ليك ...
ماس: واش تقصد ؟
سيد الختم : مش كلش مفهوم والفهامة ليك مش ملزومة بيناتنا عهد والي يخون حق عليه العقاب نتلاقاو في أقرب فرصة...
لقات وجهو ختفى ولنار طفات والظلمة طاحت وكلش ولى كيف كان ولا كأنو كان كأنها كانت تنوم وناضت من نوم؟!
***
ليلة طول وهي سهرانة مش دايها نوم كيفاه ضحات بروحها للمرة الثانية على جال عشيرتها يعني هوما يستاهلو صح واش دير؟
هي متعرف حد من غير باباها الي حساب واش شافت ميستاهلش وخالتها الحبيبة هي صح تستاهل والساحرة تورينا برك من غيرهم متعرف حد لكن معليش كاين اطفال كاين نسا كاين سلالة كاملة لازم يعيشو وتمنع الظلم الي صرا فيها يصرا في غيرها...
تنهدت دارت من ومن لقات ضو تاع الشمس بدا يبان ... بقات تشوف في شعاع تاعو داخل من الطاقة يتسلل شوي شوي وهكذاك تسلل ليها النعاس وداها راحت لعالم تاني.
بعد مدة تسمع في صوت يحكي معاها كأنو بعيد وقريب في نفس الوقت ...
الصوت: أنتي يااااصغرونة فيييقي واش بيك ؟
راهي 13:00 تاع النهار لوقتاه تبقاي راقدة!؟
تمددت في سريرها وهي تحس روحها مش شابعة نوم...
ماس : امممممم تمتم بين شفافها مش شابعة نوم نحب نزيد شوية نحب نرقد ...
يوسف : وااااش ؟! وااااااش قلتي !
فاقت ماس وحلت عينيها على وسعهم وهي تشوف فيه واقف قدامها وعينيه محلولين صفاحي يخمم اذا سمعها صح ولا هبل وهو يحاول يتفاهم معاها حتى تخيلها هدرت.
ماس : بقات تتململ وتوترت .
يوسف : صباح الخير حمد الله كي نضتي ذرك أنا كنت نوم ولا نتي صح هدرتي معايا !!
ماس : (تبسمت وهي تفهم واش يقول حرف حرف حست روحها طايرة في عالم ثاني غير لي هي فيه حست واحد السعادة متتوصفش وهي تفهم كل كلمة يقولها ... تنهدت براحة وبقات تتبسم وساكتة.
يوسف : نحكي معاك ياصغرونة ... علاش تتبسم انتي؟
ماس: (في قلبها) نتبسم لأني نقدر نفهمك ونقدر نجاوبك ثاني) ساكتة...
يوسف : حك شعرو ... اااععع يعني بديت نهبل ملي دخلتي حياتي وأنتي زوبعة خربتي كلش ... مهم راهي لوحدة نوضي اليوم نخرجك لازم تتعرفي على شوية حوايج في عالمنا؟
ماس : جات تنوض تعيط تنقز لكن سكتت وخلات فرحتها في قلبها...
يوسف شورلها باش تنوض وهي هزت راسها إيه وساكتة وباقية تتبسم.
يتبع آرااائكم... 😊🌹
أنت تقرأ
꧁ختم ماس꧂
Fantasiaالقصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
