سونيرا : مفهمتش وكيفاش صرا هذا الشي ؟
ماس : حتى أنا معلباليش كيفاه صرا لكن الوجع تاعو راح راني حرت...
سونيرا : هاذ الشي غريب لازم نلقاو تفسير لهاذ الأحلام..ِ
ماس : كوابيس خالتو الرعب الي نشوفو فيهم يخليني نرجف ونحس قلبي طاح بين رجليا...
سونيرا : لكن اذا كان هذا الشي صح صحيح...راه رؤيا تحب توصلك حاجة قادر يكون الحل للي رانا فيه...
ماس : ممكن .. وكيفاه نلقاو تفسير ليهم...
سونيرا : كاين غير عبد واحد يقدر يعاونا كيفاه حتى راحت من بالي هاذ الوقت كلو...
ماس: شكون ؟
سونيرا : الحكيمة هارسي ..
ماس : نفس العجوزة الي خلينالها قصي تعالجو في المعركة؟
سونيرا : هي بذات... من ذاك نهار مبانت...
ماس : وين ختفات؟
سونيرا: منعرفش .
ماس : لازم نلقاوها وين ماكانت ... سيد الختم راه مقرر شي خطير ويحب يبيد شعبنا كلو ولا يغيرهم لعبيد معندهم لا رغبة لا عقل يميشو كيف الدمى بين يديه وأنا ياما عارضتو وقدرت نغير في رايو شوي لكن معادش فيا....
سونيرا : كاين شكون يقدر يقولي وين هي الحكيمة هارسي...
ماس : شكون ...
سونيرا : حتى أنا تعلمت شي من الساحرة تورينا طول المدة الي كنت فيها معاها ونقدر نجرب حضي...
ماس : ديري واش تحبي مهم لقايها..
سونيرا : هذا هو المطلوب..
سونيرا ستخدمت نوع من السحر لتقفي الأثر كانت في ميدان المعركة مع ماس وين كان قصي مع الحكيمة..
بدات تقرا في تعاويذ وترش في غبار على البلاصة كلما قرات أكثر كلما خرج دخان خفيف من البلاصة ...دارت سونيرا للكلب الي وراها صفرت لو جا يجري وبقى يشم في ذاك الدخان وهو يروح يجري...
سونيرا : أجري ياماس لازم نلحقوه هو رايح يلقاها...
ماس : حاضر ....
بقاو موراه حتى لحق لبلاصة بعيدة وين كاين الحكيمة هارسي ..
لحق لكوخ صغير يبان منو ضو خفيف في وسط ذيك الغابة حبس الكلب وبدا ينبح...
لحقاتو سونيرا وماس يلهثو من الجري ....
ماس : لحقنا نضن شوفي واقيلا في ذاك لكوخ...
سونيرا : بكل تأكيد هاي عند الباب تشوف فينا...
ماس : علاش حست بينا؟
سونيرا : لا الكلب بهدلنا..
ماس : أمشي لا تخاف وتهرب...
وصلو ليها لقاوها واقفة في الباب مركزة على عكاز وتشوف فيهم ...
سونيرا : علاش هربتي هكذا...؟
الحكيمة: مهربتش لكن هربت شخص...
ماس : حلت عينيها على وسعهم شكون قصي؟
الحكيمة : أدخلو وصلتو في الوقت المناسب كنت فاقدة سيطرة عليه مقدرتش نتحكم فيه....
راحت تجري ماس لداخل لقاتو مربوط بالحبل وهو يسب ويحاول يفك رغم أنو مجروح ومش قادر....
ماس : قصي...
هز عينيه شافها ثبت في مكانو ورجفو شفايفو بأسمها....
ماااااس جيتي ...!
ماس : كنت هنا !! طول الوقت وانا الي حسبتك ميت ...
خانوها دموعها وترمات عليه في حضنو تبكي وتتنخصص حمل شهور رماتو في حضنو حابة تنسى عذابها كأنها شافت طريق مضوية للنفق الطويل المظلم المسكر الي كانت فيه ....
أنت تقرأ
꧁ختم ماس꧂
Fantasyالقصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
