تعجبو منها وهزت ماسها راسها باستسلام لحالتها وخلاتهم يسكتو وميعاندوهاش...
أساني: سماوها هكذا بسبة 8 رجال أشداء ماتو هنا على هاذ الأرض دفاعا عليها وحتى بعد موتهم أرواحهم قعدت هنا تدافع على هاذ الملكية الي تبانلهم خاصة ليهم وحدهم وميرضاو بحتى حد يعفس عليها يعيطولها غابة الأرواح الثمانية المعلقة بسبة هاذ الشي.. مين ماكان الي يجي محال يفلتوه تقدر تقول ارواحهم تعذبت لهذا ولات قاسية ومترحمش، فهمتي هاذ الشي ذرك !
ماس: هممم فهمت خلينا نفوتو .
قصي : أنا نسبق نشوف كشما كاين خطر
أساني : الخطر وجودو محتم لأنو عايش هنا وحنا برجلينا جينا ليه.
فاتو يمشيو ويتلفتو يمين شمال يحسو أنو في عينين تبع فيهم من كل جهة .. وهمسات تجي وتروح من ومن لهيه...
سونيرا : وييين رايحين ! كيفاه نعرفو وجهتنا ؟
أساني : أمشو برك رايح يبان وحدو .
بقاو مدة يمشيو وقصي يحاول قد الي يقدر يتنبه لكل شي قادر يهاجمهم ويشم في كلش
ماس : مشفت حتى غراب هنا!
أساني : الضلمة متشوفي شي أصلاا.
ماس : كيفاه عرفتي ضلمة؟
أساني : قلتلك نشوف ببصريتي مش بعيني ... نشوف أحسن منك الي لازم يتشاف صح.
ماس : هاذ الطفلة رايحة (مكملتش هدرتها حتى حست بصووت جاي من بعيييييد وبرودة تقول راهي في القطب الشمالي المتجمد جات مع الصوت الي همس في وذنها .. راااااهم جايييييين في ثمانية.... أهربووو مااااااس ... )
تفجعت وهي تعيط شكون شكووون هدر معايا ذرك !
سونيرا : ماس واش بيك !
ماس : منعرف صوت قاالي راهم جاييين أهربو ...
أساني : عقدت حواجبها وعيطت بحزم شوفو أقرب شجرة وطلعوها كلكم بسرعة مكانش وقت.
دارو واش قالت وطلعو شجرة كبيرة فيها أوراق طويلة وأغصان كبيرة غطاتهم كلهم.. بعدما أساني هزها قصي..
أساني : لازم نلقي تعويذة وإلا هاذي نهايتنا راهم قربو خلاص.
خرجت واحد القنينة فيها ماء أزرق بدات تقول شي كلمات عليه وهي تحاول تركز بعدها قاساتو لتحت لجذع الشجرة ، وهي تعاود جملة وحدة بين شفايفها طول عمرك صامدة وفية أحمينا وخبينا..
أنت تقرأ
꧁ختم ماس꧂
Fantasyالقصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
