ماس : قتلتو ؟
قصي : لا نلعب معاه برك😒
الي كانو يقتلو ويعذبو حبسو وساد صمت رهيب وهوما يشوفو في زعيمهم طايح في الأرض والدم خارج من جبهتو راحو يجريو زوج ليه يعيطو يفيقوه والو.ِ...
يهدرو بلغتهم...
مات!!!
كيفاه مااات؟
منعرفش الصوت قتلو ..
الصوت ايه سمعنا صوت بعدها هو طاح ميت واش هذا؟
دار ليهم كل يعيط الزعيم مات قتلو الصوت سمعتوه؟
عيطو كل ايه سمعناه واش هو؟
بقاو يهدرو ويعيطو ويشوف يمين شمال هكدا وهكدا ...معرفوش واش يديرو ولا كيفاه يتصرفو...
عيط واحد عليهم : اسمعو تلمو في حلقة قادر يكون عدو متربص بينا...
عيطو كل صوت واحد وهوما دايرين حلقة ويشوفو من كل جهة منين جاتهم ضربة....
يوسف : ياحبيبي شوف شوف أفكارك وين وصلتنا...
هيه آنسة عبقرية والحل درك كيفاه؟
ماس : شافت في قصي ...قوص على الي شكل الحلقة اول شي....
قصي هز حاجبو متأفف بعدها دار وهز سلاح وجهو ليه ثانية نطلقت الرصاصة مخلية صوت يرعب والراجل طاح جات رصاصة في قلبو...
الحلقة تاعهم تفتحت والخوف ركبهم والكل يعيط واش هذا كاين لعنة تقتل فينا حاجة خفية أهربو ....
ماس : رايحين يهربو زيد كمل رصاص اقتل قد الي تقدر...
قصي : من عيوني نطلق رصاص كل ونبقى بلا حماية في هاذ الهبال مع هذا التافه ورايا؟
مستحيل....
يوسف : خواف...
قصي : نوريلك شوي من خوفي وجه سلاح لراسو ...
ماس : شدت يدو ...لاا خلاص فهمت مهم يهربو ويخليوهم ميقتلوهمش هايا خلونا نخرجو نسلكو الباقي ...
بقى قصي يشوف في يدها الي شادة يدو ....محبهاش تنحيها....
يوسف زدم ديراكت في نصهم ...هايا هاااايا طولتو....بعدها عليه وخرجو...
قصي : الله لا تربحك
****
طلقو كل الي كانو مربوطين وحاولو يسلكو قدر الممكن من الجرحى مدلوهم الما وقعدوهم وحاولو يسكتو الاولاد ....
ماس تهدر بلغتها مع هذوك النسوان.....علاش دراو فيكم هذا الشي كل؟!
نطقت وحدة منهم ....
كنا هربانين نلحقو البقية ضيعنا طريق عليهم ومقدرناش نلقاوهم شدونا وكانو يعذبونا باش نهدرو على بلاصة الأخرين ....وحنا نموتو ومنقولوش وين البقية يكملوهم وميبقى من جنسنا حتى حد ...
نطقت وحدة وهي تشد في ذراعها تسيح بالدم ....هذا كلو بسبة بنت الصافي الخاينة الي هربت وخانت العهد ....
ماس حست خنجر يطعن في قلبها.ِِ.سكتت وبقات تشوف فيهم.ِ..
شافو فيها مليح ..
المرا: تباني غريبة شكلك لبسك وهذو الثنين الي معاك انتم شكون...
ماس : حنا جينا نعاونوكم وحنا الي قتلنا هذوك شورت للي طاحو ميتين...
حلو فامهم وهربو بعيد عليهم كل....
نتوما مش عباد نتوما جن كيفاه حتى قدرتو تقتلوهم بالصوت حنا كل سمعناه...
ماس : اصبري اصبري نفهمكم مش جن ولا شي حنا...
متقوليش بعدونا...
قصي (قرب من ماس ونطق )واش راهي تقول علاش خايفين منا؟
ماس : حسبونا جن بسبة سلاح...
قصي : جبد السلاح وراه لهم ...ترجمي واش رايح نقول...
ماس : اوك
قصي : هذا تستعملوه لدفاع على رواحكم كيما اي سلاح ثاني نتوما عندكم خناجر عندكم سهام وهكذا امور حنا عندنا هدا يخلي العبد يموت في ثانية اذا كان السهم يبان ويختارق الجسد يقتلو هذا ثاني كاين رصاصة فيه خرج رصاصة وراها لهم وفهمهم انو مش السهم يقدرو يقولو عليه شي سحري طبعاِ..
بقاو مبهوتين كلهم من كل لي قالوه وشافوه...حتى انو خسر رصاصة على غزالة فاتت وطاحت ميتة تبهرو وهوما يشوفو رصاصة في قلبها ....
هدرو مع بعضاهم مدة بعدها دارو كل لقصي وطاحو على ركايبهم يسجدولو ويهدرو في كلام مش مفهوم...
قصي : واش راهم يديرو؟
ماس : يقدمو احترامهم ليك ومن ليوم قررو يعبدوك نتا ...
يوسف (عوج فمو): ياحبيبي هاذي قالتلهم أرقدو قااااع عجبك الحال هكذا ياسي ...أبو الهول ومدارهاش 😒
أنت تقرأ
꧁ختم ماس꧂
Fantasyالقصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
