أساني لازم نولو لشجرة لأم في هاذ الغابة فيها تتم المراسم..
بعد مدة كانو قدام الشجرة وأساني كانت ترسم في أشكال حول الشجرة وتعلق فيها في حوايج مختالفة. ماس حارت منين جابتهم.
وبقات تدور عليها وتربط في خيوط ... وهزت غبار أرجواني نثراتو على طول الأشكال الي دارتهم وبدات توجد في الحجاب الي دار على طول الشجرة.
أساني : كلكم ورايا على ركبكم وعاودو واش نقول وعينكم مغمضة متحلوهمش حتى نقول .
دارو واش قالت وهي نحات قرعة صغيرة معمرة دم كانت عينيها موجهين على الشجرة شادة القرعة في يدها بقوة وفي لحضة هبطت دمعة من عينها مسحتها في ثانية وبقات تزير عليها ، وقوات روحها كأنها جليد
أساني(بينها وبين نفسها سامحيني ماما)
هزت القرعة حلتها ورشت الدم على الشجرة وبقات واقفة رمات القرعة وبدات تقرا في تعاويذ وهوما يعاودو وراها حتى كملت.
أساني (بصوت عالي) يااااساكيني الأرض السفلى ... أيها المعذبين الذين لم يجدو مأوى أنا أناديكم ... للمصير المحتوم نقودكم ... تعالو إلينا تعالو لبو ندائنا خلصو أرواحكم من الفتنة ساعدو قومكم لنعيد الطاغية الى الجحيم نعيد الطبيعة الى أصلها ننقذ الأرض من شره ... لبو النداااء ساعدونااا خادمة الأرض الضعيفة تناديكم تستدعيكم إظهرو)
كملت هدرتها وقفت ساكتة.
أساني بعد لحضات : حلو عينيكم.
ماس وسونيرا وقصي حلو عينيهم قريب تغاشاو من المنظر الي شافوه كان قدامهم عدد هائل من الأرواح واقفة ورى الحجاب كلها تحاول تدخل منو ليهم.
ماس برعب : يحوسو يدخلو.
سونيرا : كيفاش تستدعاي هاذ العدد كلو !
أساني : الي نسحقوه مش هاذ العدد لكن كل روح هايمة سمعت النداء جاات منقدرش نحدد ذرك نتلفهم.
غمضت عينيها وطبست وبدات تقرا في شي غير مفهوم وتشور بيديها تحدد أشكال كي كملت هزت ورقات شجر قرات عليهم شعلو وجهتهم لخارج الحجاب وعيطت ... كل روح شريرة هايمة بلا فايدة نطالبها تبعد منا قبل منقتلها ونحرقهااا مجيتش نأذيكم متأذوناش.
****
بقاو يخبشو في الجدار يسمعو صوتها لكن ميشوفهاش يجيو يفوتوه مقدروش .. لقات بلي مسمعوش هدرتها غمضت عينيها بغش وعيطت حرقوهم كلهم كل روح متطفلة ... شوية كل ورقة تشعل في طيف بدا صوتهم يعلى في كل الغابة صوت عياطهم يرعب نص هربو ونص تحرقو وبقات جماعة أطياف كانت أطياف منيرة بقات بعيد تراقب في الي يصرا.
أنت تقرأ
꧁ختم ماس꧂
خيال (فانتازيا)القصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
