꧁ختم ماس꧂

♕الجزء الثلاثون♕

ماس : ولاشي مالا الحرب بيناتنا..
جونداريس : شاف فيها من فوق لتحت وخرج لسانو كان متوحش لأخر ذرة منو نضراتو عراتها ويقوم بحركات مش لايقة ......رايح نعذبك ورايح نتعدا عليك كي لحيوانة رايح نوريلك واش معنتها تكوني ضد رغبة جونداريس ...وتخلي متعتو متمش ...ساقطة حقيرة ...
قصي حس نار تقدي في قلبو وهو يشوف هاذ الشي ...وكيفاه يقذف في كل حرف رخيس وخامج من فمو واش يدير فيها واش يعمل ....مقدرش يتحكم في روحو...
جات ماس ترد عليه وعلى الي يقولو لقات قصي هجم بكل قوتو مخليه جثة بلا راس....
حلت فمها مبهوتة وهي تشوف في قصي الي هاز راسو بين سنيه وهو يخنزر في زوج ثانيين الي تصدمو....
عيطو الأميسان بنصر وهوما يشوفو أكبر طاغية تعدا عليهم بكل طرق ميت ميتة شنيعة...
رمى قصي راسو ودار لماس ...إاذا كانت حرب حرب علاش نتحمل خماجو....
ماس: تبسمت بفرحة وهي تهجم بكل قوتها على راجل منهم يتقاتلو بالسيف والي وراها من جيشها هجمو كلهم يعيطو ونفس الشي لجيش الأماماش للي هبلو وهوما يشوفو ولد الزعيم راسو مطايش في الارض ..
عيط زعيم الأماماش بكل شراسة وهو يشوف ولدو كيفاه مات ...
أقتلوووووهم نحب دم يعبي الأرض نحب تقطعوووووهم...
هجمو وبدات المعركة كان قصي في ثانية يختارق 10 منهم يخليهم غير قطع دمهم يترشق....ماس تقاتل بقوة كأنها راجل هي زعيمة ولازم تقاتل في المقدمة ووراها 40 راجل الي يدافعو عليها ...
كانت حرب ضروس فاتت سوايع وهوما على نفس المنوال الجثث بالمئات مترامية ...لكن مقدروش يتغلبو على جيش الأماماش كان عددهم هايل وكلما يموتو 100 يظهرو 200 بلاصتهم...
دارت ماس لقات قصي السهام معبية ظهرو مختارقاتو في كل جهة وهكذاك يقاتل بكل شراسة حتى شافتو طاح يحاول يوقف مقدرش ...لسانو خرج وهو يلهث ...عيط واحد من الأماماش ...الذيب تاعهم طااااح قتلوه وجيبو الزعيمة تاعهم قتلوووهم كل وروهم حنا شكون فصلو هاذ المعركة...
ماس : عيطت بكل قوتها والدمعة طايحة من عينها والارهاق قتلها وخلى صوتها مبحوح قريب راح كليااا.....قصيييي لااااااا نوض قصييي....
مجاوبهاش وهو غير يجر في راسو باش يقدر يشوف جهتها ...
قصي : بحروف متقطعة....سامحيني ماااس مقدرتش ندير أكثر من هكذا غلبونا بالعدد لكان جا في جسمي حتى ذرة قوة كنت رايح نزيد نوهبهالك لكن مقدرتش أهربي أهربي معادش كاين أمل في الفوز....
حست بكل كلمة قالها رعش قلبها وهي تشوفو في هذيك الحالة عيطت بطول صوتها ....تووووووورييييييييناااااا....
كانت سونيرا وتورينا مع يوسف الي كان مربوط عند شجرة وتورينا تحاول توقف سحر جورينا الي كانت تحاول بكل قوة تتحكم فيه لكنها قدرت تبطل السحر الأسود تاعها عليه وتحكمها ....وفي إنشغالها بيه نسات مهمتها الي طلبتها منها ماااس...
حتى سمعت عياطها....
سونيرا : تورينا رانا نخسرو الحرب مبقاش سبيل قدامنا غير أنو نستخدمو المحظور....