꧁ختم ماس꧂

♕الجزء الأول ♕

♡جمالك قدره التضحية ♡

        في فترة زمنية غير محددة وفي وقت مكانتش التكنولوجيا موجودة أصغر الأساسيات معدومة عالم يعيش في الجهل والظلم عالم يعيش فيه القوي بهواه  والضعيف معندو مكانة القوي ياكل الضعيف مش بالمعنى المجازي بالمعنى الحقيقي..

(حبيت نوضح هاذ الفترة كانت عندها لغة خاصة بيهم واذا كتبت كلمات غريبة فهي بلغتهم وعندها معنى عندهم وكل شي نكتبو نشرحو بلغتنا واش معناه------ اللغة من نسج خيالي البحت )

قصتنا فيها زوج أعداء الي هوما

عشيرة الأماماش...وهي عشيرة أقرب ماتقرب للحيوان المفترس من الإنسان وكاين عشيرة الأميسان وهي عيشرة ناس مستضعفين يحكمهم الخوف من الأماماش الي عبر الأعوام دارو فيهم الباطل بكل أنواعو والشر بكل ألوانو كانت الأماماش الإسم الثاني للشر المتجسد في عالمنا اليوم والحليف للشيطان والعالم السفلي كانو يستمدو قوتهم منهم ويعبدوهم ومخلاو حتى بشر يعرف الوجود الإلاهي الوحيد ولا يعبدوه ...

أما قبيلة الأميسان كانت محقورة ولي كمل عليها الجهل الي راه فيها شي الي خلى الأماماش يغتاصبو يقتلو يعذبو أطفال ونسا ...

عبر الأجيال مقدرو يلقاو حل ولا هدنة في ظل هاذ العذاب الشديد واللي قرب يكمل ويبيد هاذ الجنس من الناس...ِ

فاتو جيال وجيال تبدل زعيم الأميسان وخمم في حل يحميهم من هاذ الطغيان قرر يستشير الكهنة والكبار والعارفين (الي هوما الي عاشو أكبر وقت وشافو كلش وعايشو أجيال وأجيال

‎.

..
وصلو لحل الي على الأقل يخلي جنسهم مينقرضش على الأقل كل عام يضحيو بمزيودة تكون هاذ المزيودة مختومة بختم دامي هذا الختم يكون على شكل قطرة دم في جهة قلبها تميزها قالو أنو دعاو الآلهة تاعهم وهي رحمة بيهم تخير هاذ الطفلة بنت من وشكون وهي بمميزات خاصة تخلي الي يديها ولازم يكون ولد زعيم في الأماماش يجيب ذرية منها تكون نادرة باش يخلقو عالم جديد ونوع جديد لأنو معروف على الأماماش أنهم قباح الوجوه يخوفو وصفة الجمال منعدمة على العكس في قبيلة الأميسان فيهم سلالة معروفة بالجمال النقي والصافي والي هي تيمنت بهاذ الشي ولات سلالة الصافي معروفة بهاذ اللقب وأول وحدة ضحاو بيها كانت منهم لكن الأماماش مكتافاوش بهاذ الشي وخانو العهد والعهد مصون وقررو أنو الطفلة كي يدوها ويولدو منها على الأقل 3 يذبحوها ويشربو دمها الي هو سر الجمال هذا بدعوى انو الساحرة الكبيرة تاعهم جورينا هي الي نصحتهم بهاذ الشي شافتو في الرؤيا المقدسة تاعها ..هذا الي خلى الأميسان يحبو يحبسو الهدنة لكن من غير هاذ الشي محال يصرا سلم بيناتهم قبلو بهاذ الشي لكن رغم هذا ثاني كان لأماماش طماع أكثر وحسو انو هذا ميكفيش طلبو منهم مقابل حياتهم وهذا الهدنة أنهم يعملو في نهار تسليم الطفلة الي لازم توصل لسن 18 يكون يوم زنا جماعي كل طفلة وصلت 18 لازم يمدوها لخيرة شباب الأماماش يغتاصبوها وهوما يخلوها تولي مرا واذا معملوش هكذا مش رايح يقبلو ويديرو هاذ اليوم يوم إحتفال جماعي!!‎

    كثرت الطلبات وكثرت الإعتراضات لكن في الأخير قبلت الأميسان بهاذ الشي كلو حفاضا على رواحهم الأرواح أولا صار الي صار ولمدة من الزمن كانت عيلة الصافي هي العيلة الأكثر تضررا كلما تنزاد عندهم طفلة يمدوها تضحية وهكذا حتى تقريب نقارضت عندهم البنات وصلت عوام ولاو ينزادو عندهم غير ذكور قالو انو هذا عقاب من الآلهة تاعهم على هاذ التضحيات لكن ميأسوش يجي يوم تنزاد طفلة وهذا تحت تهديد الأماماش وتعديهم عليهم مقابل كل طفلة من الصافي ياخذو 50 من الأميسان باش ميخلوهمش يرجعو في قرارهم ..بقاو يدعيو يتمناو تجي طفلة تسلكهم والعرافة تاعهم# تورينا (الي هي أخت الساحرة جورينا ساحرة الأماماش وأصلهم الزوج من الأماماش لكن تورينا كانت أرحم منها وقررت تكون يد للأميسان وتوقف معاهم الشي الي خلق عداوة بينها وبين جورينا تواعدو عليها بالموت الي قدرت على ثانية تقتلها ِ...بقى الوعد لكن الفرصة مسمحتش للزوج ينفذوها وكانت جورينا أقوى منها بزاف لأنها تستعمل السحر الأسود وتعمل بيه أما تورينا لااا سحرها مختالف (نتعرفو عليه فيما بعد))
فتورينا بشرتهم أنو هاذ العام جاية طفلة تنقذهم من طغيان الأماماش لكن القبيلة فرحت وفهمت الشطر الأول برك وهي قالت أنو تنقذهم من الطغيان وتغير التاريخ وتكون المختومة الوحيدة الي أسمها مش مختومة ..لكن حد مفهم كلامها ولا خذا عبرة  منو ...
حتى جا اليوم الي نزادت فيه ماس من أمها (سورين) وباباها (جاهان)
الأب من عيلة الصافي الأم ثاني زوج من عيلة نقية
لكن سورين كانت تدعي يكون طفل وترتاح ..بصح القدر كان عندو كلمة ثانية وغير الأحداث والي مقدر يتشاف وهذا الي صار ...