تورينا : عسيه صح خليتو يتخلص من سحر جورينا لكن شوفي صدرو راه هذا الخطوط مش من السحر كاين شي آخر أخطر ورايح يظهر إذا فاق نحب عينك عليه ممكن يكون هذا أخطر من الأماماش بحد ذاتهم....
سونيرا : واش قصدك ..؟
تورينا: مكانش وقت عسيه عندي خدمة ولازم نديرها....
راحت تجري وقفت ورى جيشهم وهي تشوف كيفاش يطيحو واحد واحد غمضت عينيها ورمات الشال الي على راسها طار شعرها في السما وهي ترسم في رموز على التراب بيديها وتدور في راسها وتقول في تعاويذ كلما صوتها يعلى ...
والرموز بداو يتشكلو على شكل نار ويطيرو في سما كانو على شكل طيور متشكلة بالنار وتعلى كلما هي زادت في وتيرة التعاويذ وتكثر أكثر أكثر حتى وصلو لعنان السما ولاو سرب كبيييير يشعلو من بعيد كأنها جمرات حلت عينيها وبدات تعيط بأعلى صوتها وهزت يديها لأعلى السما وبعدها هبطتهم وهي تحل عينيها الي ولاو يشعلو كيف نار وهي تخبطهم في الأرض مع خبطت يديها في الأرض حتى يهبطو هذوك الطيور على شكل جمرات على رؤوس الأماماش....
جيش ماس كان يقاتل متعب منهك خلاص حبو يستسلمو حتى كل واحد يشوف في الي كان يقاتل فيه طايح في الأرض ونار شاعلة فيه...ِدارو كل ومنهم ماس لتورينا الي واقفة وراهم وهي تبذل كل قوتها باش تقتل أكبر عدد ممكن ....كلما يجي عدد منهم كانت تقذقهم بالطيور حتى خلات الجيش تاع الأميسان كلو يولي للور يعدل صفوفو وماس جرات لقصي هي وزوج رجال لقاوه ولى لهيئتو البشرية ودم سايح من كل جهة منو ....
ماس: هززوووه بسرعة...
هزوه يجرو بيه لوحدة عجوزة كبيرة تعالج فيهم بالسحر ...
ماس بسرعة داوي جروحو...
العجوزة : راح نحاول قد الي نقدر....
دارت ماس وراحت تجري لتورينا الي كانت تبذل كل جهدها باش تقتل أكبر عدد ممكن منهم لكن تعرف أنو هذا مش رايح ينفع معاهم وقوتها تخونها في للنهاية....
دارت تحوس على خالتها مكانش ...
غمضت عينيها وقررت تعمل الواجب المتبقي ليها وزدمت للقدام فاتت على تورينا شافتها الدم سايح من نيفها وعينيها ومش قادرة تحرك يديها كثر حتى عروق وجهها برزو...
ماس : تورينا حبسي رايح تموتي هكذا...
تورينا: اذا حبست نموتو كل....
ماس : لااا حبسي ...مسمعتهاش دارت ماس لقات جورينا جاية جهتهم وهي تقرا في تعاويذ عرفتها رايحة تحاول تحبسها ....
ماس : حبسي وين راكي والا قتلتك ...ِضحكت جورينا بشر وهي تشوف فيها ...
انتي تقتليني أنتي ياطفلة ياغبية يالي تلاعبت بيك كيف منحب...
ماس : تلاعبتي بيا ؟ وقتاش؟
جورينا : هههههههههههه نتي مدرتي غير الي خططتلو وكنتي وسيلة باش نفذو رحتي للعالم الثاني ورغم اني حذرتك وقلتلك انو عيني عليك وانو نلقاك نلقاك انتي مخذيتيش على كلامي وحسبيتهم كوابيس ....
ماس: لكنك ملقيتينيش...
جورينا: هههههههه انا مش نوعد ونخلف كيف قومك...أنا نفذ والدليل هو هذاك الشاب الي مربوط لهيه هذاك الشيطان الي جبتيه معاك متعرفيش واش دخلتي لعالمنا هههههههههههه (ضحكت بكل شر)
ماس : شيطان ؟.
جورينا : أنا نعرف أنكم ممكن تفوزو في المعركة ضد الأماماش ...ولا حتى هوما يفوزو لكن هذا مش مهم المهم عندي هو الشر الي مخبي ورا هذاك الوجه البريئ لي جا
جورينا: هدف حياتي كلو نلحق لهاذ اللحضة همممم هو سر لكن بما أنك رايح تموتي لا مجال عادي نخبرك ونقولك واش رايح يصرا فيكم ..... كنت مخصوصة روح روح نقية من عالم مختالف باش تجي وتجيب معاها هذاك الشر الي كان محبوس بين عالمين مقدرش يفوت في الثغرة مخصوص جسد كيف الي هو فيه ذرك تماما....
ماس : يعني يوسف مقدرش يفوت معانا؟! هذاك مش يوسف يوسف وينو؟
جورينا: محبوس بقوة هكذاك وقاوم نستعرف بيه خترات يقدر يخرج وتبان شخصيتو وهذا سمحنا بيه لأغراض شخصية لكن معلبالو حتى شي صاري معاه كل الي يعرفو أنو تصرا حوايج غريبة معاه لكن شخصيتو محيتها ذرك والي رايح يظهر ذرك والي طغى عليه هو الشر المطلق ههههههههه سيد الختم الي قدر أخييييرا يتجسد على شكل يشوفوه الناس وهذا الي رايح يخليه يحكم كل شي ...
ماس مبهوتة: كيفاه كيفاه هذا الشي كيفاه وعلاش يوسف بالذات وانا واش علاقتي..؟
جورينا: أنتي نهار دخلتي لذاك العالم حليتي بيبان مكانش لازم يتحلو جربت قبل بزاف مقدرتش ...لكن أنتي قدرتي بمساعدة ختي للغبية تورينا الي راهي تقتل في روحها علجال شي تافه محال يتحقق...وثاني شي عيني كانت عليك وهذا الي معاك هو الي وصلني ليك بطريقة او بأخرى كانت عندو علاقة بهاذ العالم وخدامي شمو ريحتو وجابولي كل تفصيلة عليك وعليه ...
ماس: واش علاقتو بهاد العالم وكيفاه حتى قدرتي تلعبي بينا بهاذ الطريقة.
جورينا: ههههههههههه ضحكت ضحكة كبيرة تعبر على شماتتها فيهم...
أنتي مجرد طفلة غبية عايشة في أوهام ...محال تعرفي الشي الي نعرفو والشي الي نقدر نديرو وحتى مخك صغير مش رايح يستوعب هذا على سؤالك كيفاه تلاعبت بيكم ثاني شي علاقتو هو بهاذ العالم هي علاقة روحية ...روحو تميل للشر وتميل لكل شي سيئ هذا الشي الي خلى سيد الختم يقدر يلقى في جسدو القبول ويستولي على روحو ويقدر أخييييييرا (شافت ناحيتو وهو يحل عينيه الي كانو بلون الجمر يشعلو كان في الوجه هو يوسف لكن ملامحو تغيرت كليااااا....) الفرحة من عينيها نطقت وهي تكمل هدرتها أخيييرا سيدنا وحامينا وملكنا وراعينا أمامنا أخيييييرااااا بدات تركع لو وهي تهز في شعرها كي لمهبولة ...ماس تخلعت وهي تدور ليوسف ...مصدومة وهي تشوف عبد آخر مختالف نهائيا.....حتى أنها نسات الأماماش وكلشي....
تورينا مع سمعت جورينا واش قالت ...كانت مرهقة والدم نازل من كل بلاصة منها عينيها تحلهم بسيف دارت تشوف وين تشوف جورينا لقاتو هو حلت عينيها على وسعهم بالخلعة وهي تعيط لااااااا محااال هذا سيد الشر المطلق كيفاه كييييفاه حتى تجسد هكذا تخدعنا عيطت بأعلى صووووت جوووورييييينا ياااافاجرة..مبقات فيها قوة طلقت ذراعتيها الي طاحو على جنابها بتعب وهي تلهث ودم ينزل من نيفها وعينيها.....مقدرتش تمد خطوة حتى حبسو الطيور على الأماماش للي قتلو منهم بزاف وفي ثانية كانو قدامها ربعة من الأماماش هاجمين عليها قطعوها تقطيع وماس وجورينا وسونيرا يتفرجو في الي صاري...
عيطت ماس بكل قوتها وهي تشوف فيها تموت بأبشع ميتة...حتى جورينا الي كانت تضحك بشر كي شافتها تشوف فيها آخر نضرة بقات واقفة وعينيها مفكسيين فيها حست شي غريب وكأنو وجع على فراقها مهما يكون كانت أختها....
ماس : مقدرتش تصدق همجيتهم وعاد تاني بدات الحرب بلا سحر لأنو هجمو على ماس وحنود ماس راحو يدافعو عليها وهي واقفة مش تتحرك دارت ليوسف الي كان يمشي ليها خطوة خطوة على شكل سيد ال ختم عينيه فيهم شر كبييير وتبسيمة مفارقاتوش...
ماس : ياويلي واش ندير كيفاه نقدر نسلك...
جورينا من غضبها على إختها وكيفاه ماتت بسبة ماس قربت ليها وهي ناوية على خلاها تعيط بكل صوتها بسبتك ياااااحقيرة بسبتك ماتت هازة سكين طويل تحب تغرسو في قلبها قبل متوصل للي تحب عليه لقات يد خانقتها وهازتها في السما مقدرتش تتنفس وعينيها حمارو وخرجو من بلاصتهم حست نهايتها قربت هبطت عينيها تشوف فيه ...
جورينا : علااش علاااااااش مش أنا خادمتك الي خرجاتك علااش؟.
سيد الختم: أنتي حبيتي تتعداي حدودك هاذي مختومة ملكي وتاعي وموت تاعها مينفعني والي يأمر وينفد بلا ميوليلي هذا مصيرو عندي ...الموووت
جورينا : لااا لااا واش فايدتها ذرك خلاااص.
سيد الختم: الشي الي متعرفهيش بيناتنا تبادل مصالح ووعود وأنا دين الي عليا وفيتو وباقي دينها توفيه ومش أنتي الي تقرري واش تديري بيها هذا شي خاطيك مووووتي ...
زير على رقبتها في ثانية تطرقت وراسها طار بعيد وهذا مستخدمش 1%من قوتو....
ماس تشوف في كلش وكأنها منومة مش مصدقة يوسف هو هذا يقتل هك وينو يوسف تاعها...وينو حبييبها نضرتو البريئة وينو ...الإنسان الحنون الي عاونها ووقف معاها...يعني من البداية هذا قدرو ولا راح ضحية... خانها بإرادتو ولا غلطة بزاف أسئلة في راسها وهي تشوف روحها وحيدة حرب دايرة بيها عياط ناس يموتو يتعذبو قصي يحتظر يوسف شرير سونيرا مصدومة قاعدة في الارض مقدرتش توقف بالخوف... تورينا قطعوها... الأمماش غالبينهم وااش دير؟
عيطت بأعلى صووووت عندها ....ااااعععععععععععععع وهي تحس بالهزيمة مذاقها على لسانها نار تقدي في قلبها هي غبية غبية قتلت شعبها في نهار.... في غفوتها وصدمتها سمعت صوتو قريب ليهااا
متخافيش وعدي مش رايح ننساه وعدتك نقضي على الأماماش وننقذ عشيرتك ورايح نفذ ...ونتي متنسايش وعدك... ماس ملقات متدير غير تهز راسها بالايجاب ..
تبسم بشر وفرقع صباعتيه في ثانية الجو تبدل والغيوم لكحلة قدمت وصوت رهيب جاي من بعيد شافو الأماماش وراهم لقاو غبار كثيف وراهم كأنو شي يجري ناحيتهم معرفوش واش هو وفي ثانية وصل ليهم...
أنت تقرأ
꧁ختم ماس꧂
Fantastikالقصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
