꧁حقائق꧂
ماس: واش معنتها كافرة؟
يوسف خبط جبهتو وقال: والو والو كملي برك...
ماس : يما طلبت من خالتي تسلكني لأنو كانو رايحين يمدوني زوجة لواحد من أكابر قبيلة الأماماش ونكونلو زوجة تولد وبعدها منعرف واش يديرو نصن يقتلوني ويشربو دمي للجمال...
يوسف : مصدوم!!!!ِ
ماس : بابا كان موافق وعيلتي كامل الي منعرفهاش هكذا يديرو ويضحيو بينا نضن بنات عايلتنا كملو حساب واش قالت خالتي ... لكن الشي لي خلاهم يديرو هكذا هو طغيان الأماماش وتعذيبهم... قتلهم لينا... اغتصاب كل الأمور يديروها......
يوسف: نتوما شكون وعلاش متدافعوش على رواحكم؟
ماس : الأميسان حنا طبعنا مسالم ومش كيفهم وهوما عندهم قوى غريبة تعاونهم يستمدوها من السحر الأسود وعندهم الساحرة تورينا قاتلة العذارى المشعوذة السوداء...
يوسف : باينة تخوف.
ماس : منعرفهاش لكن قالو أنو كلمتها سيف وقراراها هو الي يمشي في قبيلة الأماماش وعندها مئات السنين عايشة...
يوسف : غريبة...كملي ؟
ماس : هذا الي صار وخالتي سونيرا(...........)كملت الحكاية حتى خلاصت وين لقاها لكن مهدرتلوش على واش تنوي واش تعاقدت مع سيد الختم ومجبدتش الختم كليا.
يوسف: كيفاه يخيروكم؟
ماس: هكذا عشوائيا برك.
يوسف : قلتي مختومة واش معنتها؟
ماس : زعما الأضحية الي يقدموها للأماماش .
يوسف : مختومة نضن من ختم والختم معناتو شي...
ماس: والو منضنش بشي لي فهمتو نتا معنتها مخيرة برك.(سكتت ودورت وجهها تشوف بعيد عليه مش موالفة تكذب...
قطع تفكيرها يوسف بسؤالو..
يوسف : صافي عندكم لغة خاصة؟
ماس : اييه..
يوسف : وكيفاه تعلمتي لغتنا؟
ماس: عندنا قدارت حنا تاني قبيلة الأميسان ومنعرفش كيفاه ستخدمتها وقدرت نحكي ونفهم لغتكم.
يوسف: امم جواب مقنع! تضني صح هذا يقنعني؟
ماس : هذا الصح علاش نكذب عليك ؟
يوسف : منعرف مهم وذرك كيفاه وين تروحي واش تديري كيفاه مقررة تعيشي؟
ماس : منعرفش لكن لازم نولي لعالمي نسلكهم منعرفش كيفاش.
يوسف : يعني انتي جيتي تشوفي بواش تقدري تغلبي الأماماش هاذو ؟
ماس: نضن بصح واش يقدر يهنينا منهم؟
يوسف: خصكم نووي ضربة ضربة ... راني نقلك.
ماس قربت منو وهي مدهوشة ... نونوي ؟؟ واش هذا وصح ينفع معاهم؟
يوسف : 😒نووي قلتلك وراني نتمسخر منين باش تجيبي نتي النووي راني نتمسخر كيفاه نتي فرخة صغيرة يستناو فيك تحاربي آلاف من أشباه «ماچ»
ماس: واش هو........«ماچ»؟
يوسف : والو والو خلينا ذرك خليني نريح مخي قريب يخرج من بلاصتو من حكايتك راني قريب نهبل شغلاتي وحبستهم سمانة كامل مصراتش ولا مرة في تاريخ خدمتي ... بسبتك لازم نخمم نريكيبيري...
ماس: واش معنتها تركيبيري؟
يوسف : شي شي...
ماس : خدمة واش تقصد خدمة واش تخدم؟
يوسف : خدمة يعني حاجة نسترزق منها نجيب بيها خبزتي نعيش ...
ماس: كيفاه مفهمتش؟
يوسف : ياربي صبرك ... مش لازم تفهمي تقدري تسكتي ... ديري سيلونس مود سيلونس أحسن على وجه ربي ... ملي بديتي ماسكتي راسي صدعتيه نكره ثرثرة بزاف ...
أنت تقرأ
꧁ختم ماس꧂
Fantasyالقصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
