♕ اللغز ♕
بين عالمين تتخبط جسدها في جهة وروحها في جهة عقلها في جهة وقلبها في جهة بين أربع جهات تتخبط في دوامة تدي وتجيب مش فاهمة هي وين ولا حتى منين جات هي علاش تخلقت وعلاش راهي تعيش علاش يحبو يقتلوها وعلاش يتبعوها علاش تخلاو عيلتها عليها وعلاش بعدوها؟؟ كل الأفكار تروح وتجي كلشي غريب عجيب كلشي خارج نطاق العقل والمنطق ...
حست روحها طيف يمشي ... شافت قدامها خالتها العزيزة سونيرا ..
ماااس: خاااالتي وين رحتي وعدتني تجي مجيتيش ...
راني وحدي معذبة راني نتوجع خالتي راني خايفة...
سونيرا: نعرف هذا كلو مقدرتش نجي حاليا لكن نوعدك عن قريب نكون عندك ... لكن نوصيك
ياطفلة راكي كبرتي وأنتي في هاذ الدنيا جيتي لمهمة أنتي مجيتيش تعيشي هنا ولا حتى تستقري الساحرة كذبت عليا ووهمتني بالعكس أنا كابنت أختي تمنيتلك غير الخير وتعيشي هانية والساحرة تورينا كانت تخمم في القبيلة قبل كلشي هي بعتتاك بشروط وقوانين طبيعية للسحر المحظور لازم تتنفذ كي تكمل مهمتك ترجعي ...
هذا فهمتو كلو بعدما رحتي ....سامحيني حبيبتي...
منعرفش مهمتك هي واش ولا كيفاه تتنفذ وتولي تسلكي عيلتك وعشيرتك كلها الآميسان راااهم يتعذبو .. اذا كملت عشيرة الأماماش طغيانها هكذا وزعافها منا رايح نتمحاو على وجه الأرض ... قتل نهب سرقة إغتصاب أبشع الأعمال راهي تبع فينا هربنا لبلاصة ميلقاوناش فيها ... لكن لحد الآن مزلنا في خطر ...
مهمتك مجهولة كيفاش تسلكينا وكيفاش تحمينا منعرفهاش الي نعرفو أنو انتي كبرتي وانو صالح قبيلتك وعشيرتك قبل مصحلتك نضن ياحبيبتي لازم تخممي في مصلحة الجميع قبل مصلحتك وتشوفي كيفاش تنقذينا كي تلقاي الطريقة راه الثغرة الزمنية الي خرجتي منها تتفتح وحدها وتولي لينا ... منا لذاك نهار خممي مليح واش يقدر يسلكنا ...
ماس: ياخالتو فهمت هاذ الشي بصح راني ضعيفة أنا ممكن نموت في أي لحضة إذا ميكونش عندي حماية من الحيوانات الي سخرتهم ليا الساحرة ... واذا خلاصت حمايتهم ليا معندي حتى قوة ... كيفاه نسلكم أنتم وأنا راني محمية بحيوانات ضعيفة ... معندي حتى قوة ؟
سونيرا : نعرف هاذ الشي هوما نهار دخلتي لهذاك العالم راحو معاك بأمر من الساحرة تورينا باش يحموك حتى تكملي المهمة وبعدها خلاص ... قوتك أنتي تلاقاي وينها وفي واش تكمن...
ماس: حتى الختم كي نفوت يدي عليه نولي مخفية ونعاود نمسو نرجع مرئية هاذي قوتي؟
سونيرا: الختم عندو بزاااف أغراض عندو قوة وعندو عواقب ملازمش كليا تتكلي عليه ولا حتى تتصرفي في قوتو لأنو هو مش من صلاحياتك الختم أعتابريه لعنة وعمرك مديريه مصلحة لنفسك ومنعرفش اذا يجي نهار تتخلصي منو الساحرة تورينا قالت انها رايحة تحوس تفهم عليه وكيفاه تحررك منو ... لكن لحد الآن راهي توصيك وتعاود هو سبيلك الوحيد والمفتاح للثغرة الزمنية باش تولي لينا كاين محضورات عليه إذا تعديتيهم فيه وغضبتي سيد الختم رايحة أنتي تتمحاي من الوجود والثغرة معاه وحساب واش ظهر عندنا راكي بديتي في الطريق الغالطة وسيد الختم زعفان منك أسترضايه وبعدي على الي يزعف فيه حاولي قد متقدري تكوني مخفية كل على لعيون وهذا الشي هتم بيه الختم نضن أنو واحد من البشر الي عايشين في ذاك العالم ميشوفك .. .مش مظطرة تستعملي قوة الختم وتتخباي ولا تباني وثاني شي أنو مش لازم إذا بنتي في أي حالة أنو تسمحي لأي شخص يمسك ولا حتى يقرب منك هذا خطر على حياتك واذا أنتي مكانش عشيرتك كلها تمحات ومبقاتش
كلااامي واضح ماااس راكي في مهمة نفذيها وعقلك يوزن بلاد خممي مليح وينو صلاحك وطريق الي تخرجك متدخليش في طريق ضلمة تطيح كل الي عزاز على قلبك فيهم...
ماااس : دموعها ساحو وشهقاتها علاو يعني بسبة هاذ كلو حست بهذاك الوجع الكبير الي قريب قتلها بقرب ذاك الراجل منها؟ تخبر خالتها انو كاين إنسان شافها لا زوج مش واحد يعني كاين مشكل ولا تسكت ومتحيرهاش أحسن!!!
هي مهيش هنا باش تعيش حياة عادية هي باش تكون وسيلة برك والختم ظهر مش مجرد وشم في قلبها ظهر نبض حياتها كلها وظهر عندو سيد والسيد تاعو هو الي يحط ويخط قوانين كيف يحب ويبغي وإذا هي تخطاتهم تفقد روحها ... روحها معلقة في شخص مجهول متعرفو أنسي ولا جني ولا واش هو هي عبدة وخلاص علات في البكا بعدما طاحت في الأرض وتحس أنو تفضل الموت على هاذ المعيشة
الموت أهون لهااااا أهون ...😢
****
ماس مسحت دموعها وشافت في خالتها الي كان الحزن ظاهر عليها حتى هي مش راضية بلي تقولو أختها وصاتها على بنتها أنها تخليها تعيش حياة عادية مهما كلف الأمر لكن كي شافت الدمار الي حل بعدما هربتها ولاو من أرض لأرض باش يسلكو بشوية أرواح الي بقاو وكيفاه قتلو راجل أختها حتى اأنها مخبرتهاش أنو باباها جاهان قتلوه !! بطريقة بشعة بزااف ...هي بين نارين .
مسحت ماس دموعها وشافت فيها ... قوليلي خالتو نحب نفذ المهمة بصح باش نفذها لازملي حاجة ضرورية بزاف توصلني ليها والا رايحة نطول بزاف ومنعرف وراه الحل؟
سونيرا : واش قصدك بنتي واش خصك ؟
ماس : اللغة !!
سونيرا : اللغة ؟؟ كيفاش واش قصدك؟؟
ماس : لغتهم منفهمهاش ولغتنا هنا مش موجودة نحب نفهم لغتهم ومقدرتش عيييت نحاول مقدرتش !!
سونيرا: هذا مشكل صح ! لكن أنتي مكيش تتواصلي معاهم ومهمش يشوفوك علاش تحوسي تتعلمي لغتهم؟
ماس : توترت لكن حبت تخبي توترها... ضروري نعرفها باش نلقا الحل والحل نلقاه بتواصل حتى ولو مخفية ..
سونيرا: منعرفش حل يوصلك لهاذ الشي نضن صعيب .
ماس: مكان حتى حل يعني؟ سونيرا : نضن كاين لكن !! ماس : كملي ... لكن واش؟ سونيرا : سيد الختم يقدر يعاونك هو كلش عليه ساهل هو من ...
ماس : من واش (حست رعشة سرات في جسمها الكل قبل متكمل خالتها كلامها حست أنو تعرف الجواب)
سونيرا : هو من الجنس الآخر وعالم آخر أستدعاوه بالسحر الأسود الي تمشي بيه جورينا وهي كانت همزة وصل بينو وبين كل مختومة لكن هي قدمت بزاف تضحيات ليه باش يرضى يختم أي طفلة ويختارها ويعطيها قوى يتحكم فيهم... ماس: هذا كلو صاري وأنا لا خبر؟! معليش وذرك الحل خالتو الحل كيفاه رايح يعاوني في واش نحوس أنا؟
سونيرا: سيد الختم ميمدش بلا مياخذ لازم حاجة مقابل حاجة.
سونيرا: سيد الختم ميمدش بلا مياخذ لازم حاجة مقابل حاجة ..
ماس: واش نمدلو؟ سونيرا : أنتي تعرفي واش تمدي كي تحبي تمدي وتكون عندك الإرادة تاخذي ...كي تقرري قراي تعويذة الوحيدة الي تعلمتيها على الأختام في الظلام ويدك على الختم متنحيهاش وبكل قلبك تمناي أنو يظهر ويهدر معاك ثم تقدري توصلي للي تحبي... لكن يابنتي ننصحك الشي الي ناوية عليه بزاف خطير...
ماس : عندك حق الظاهر هاذ الشي يخوف معنديش قوة ولا حتى جرأة...
سونيرا: صح خطير وخايفة عليك لكن متنسايش ياماس أنتي أقوى ملي تتخيلي برك ديري ثقة في نفسك وخممي في الارواح البريئة الي راهي تموت يوميا.. أنا راني طولت وقوتي متسمحش نزيد كثر من هكذا...
شافتها ماس دم يسيح من نيفها عيطت خالتو واش بيك ددم!!!
مكملتش لقاتها راحت وطيفها مكانش.. بقات تم تعيط خالتو خااالتو مكانش شافت من ومن لقات روحها وحدها وصوت خفيف يجي من بعيد ....
ماس صاااافي ...مااااس صافي ... متنسايش أنتي من عيلة الصافي مااااااس....
حلت عينيها وهي تلهث كأنو نفسها راح ورجع وهي تكح كلها عرق يسيح من كل بلاصة مست جبهتها لقاتها تغلي جسمها الكل كأنو كان في النار يتحرق ...
بقات تلهث وترد نفس وتمسح العرق من جبينها...
شافت من ومن لقات مكان حتى حد غير هي في الغرفة الي موالفة ترقد فيها شوية بخلعة كبيرة تحسست كل جسدها وقشها خايفة تكون بلا قشها ولا الختم بان وشافو هذاك الراجل الي حتى مقدرتش تسقسيه أسمو ولا حتى هو قالو؟ لقات قشها في مكانو ... نحات التريكو الي لابساتو وناضت تجري للمراية شافت جهة قلبها والختم الي كان في قلبها لقات عليه تشققات مستهم بيدها حرقها ووجعها كأنو كورن ضربت فيها ... ماس آاااي يوجع هذا كي قرب مني ومسني؟!
نبقى هكذا نموت.
أنت تقرأ
꧁ختم ماس꧂
Fantasíaالقصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
