سيد الختم زعف وبدا يخبط في الحجاب يحب يتخطاه...
ترعبو كل من ماس وسونيرا...
أساني: متخافوش لكان قدر يتخطاه راه مهدرش معانا كليا لكن ميقدرش على الأقل عندنا شوي وقت نشوفو حل....
ماس: واش نديرو؟
أساني: نحب نتأكد من شي.. لازم نسقسيك!
ماس: أنا...! سقسي واش كاين؟
أساني: شكون حذرك من الأرواح قبيل كيفاش حتى سمعتي صوووت!
ماس: منعرفش لكنو كان يحذر فيا.
أساني: زعما تكون روح طاهرة تقدر تعاونا؟
ماس: منعرفش كيفاش نتأكدو؟
أساني: عندي طريقة قعدي هنا رايحين نجربو مخسرنا شي.
سونيرا: نخسرو رواحنا برك.
قصي: خليها تجرب سونيرا.
سونيرا: ببسمة أكيييييد.
قعدت ماس غمضت عينيها وقعدت قدامها أساني وهي شادة كف يدها تقرا عليها وتبعها بصبعها..
سيد الختم شافها واش تدير حل عينيه على وسعهم يخمم هاذي واش تكون كيفاه تعرف هاذ الشي كلو؟
هبل وبدا يخبط بكل قوتو الي هي منقوصة بزاف بسبة عدم وجود جسدو الحقيقي وروحو الحاكمة... يخبط ويعيط ويتوعد ... لكن كملو خدمتهم..
أساني ركزي مليح مع كل صورة رايحة تجي بين عينيك ورايح نحاول نتواصل مع الطيف بواسطتك مدامو يظهر غير ليك
.
بقات ماس تركز ولا نقولو تحاول مقدرتش غير أنو تشوف صور يوسف ذكرياتها معاه كل لحضة ضحكتو تمهيبلو حمايتو ليها كلش نزلت دمعة من عينها...
أساني : نحس بوجود طاقة كبيرة الطيف يتبع فيك..
هدرت أساني: ياطيف إذا كنت الطيف الحامي عطيلي جوابي ... ياطيييف نستدعيك لأمر ضروري لازم في هاذ اللحضة يتحل..
شوية لحضة حست ريح باردة تسري في جسمها نتاقلت الرعشة حتى لأساني
تبسمت أساني ونطقت ... جيت يعني موافق تعاوني؟
زادت رعشت ماس وحست بيه أساني
أساني : نحتاجو روح طاهرة كيفك تجيبنا جسد هذاك الشر.
أنت تقرأ
꧁ختم ماس꧂
Fantasyالقصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
