♕إستسلام للقدر أو تحدي لأجل البقااء♕
بعد 18 عام* كانت في غرفة مظلمة مبنية من أعواد القصب كبقية البيوت في وقتهم قاعدة محضنة رجليها ليها ومدلية راسها على جهة من ركبتها تدندن لحن تعلماتو من خالتها سونيرا خبرتها أنها لازم تعاودو كل يوم وفي كل لحضة ملي شفات على روحها كان يبان لحن حزين لكن كان يعجبها كلما تدندن بيه تحس براحة تحس بيماها قاعدة معاها... 18 عام مشافت ضو مشافت ناس متعرف شي من غير هاذ العيدان وخالتها وباباها الي يجي يطل عليها طلة وحدة ويناديها كل خترة يعاود نفس الجملة الي كرهتها ... أنتي يامختومة قريب الموعد وجدي روحك... من غير هاذ الشي متسمع شي مش عارفة هي شكون وهي علاش هنا واش يقصد باباها ولا حتى واش معنتها أبوة تعرف إحساس واحد الي هو حبها لخالتها من غيرو متعرف شي خالتها الوحيدة الي تدخل عندها وتقعد شوية تحكيلها على أمها وعلى حبها ليها وتقولوها انو لازم تنفذ كلش تقولولها وانها لازم تحذر وتبعد كل البعد عن أسم الأماماش (هوما بلغتنا معنتهم متوحشين ) تحكيلها على جرائهم وتحكي على بشاعتهم متكثرش بزاف هدرة لكن قالتها انو جاي نهار تخرجها منا تروح لعالم أحسن منو مفيه حتى شي من هاذ الجرائم الي راهي تحكيلها عليهم لازم برك تكون واجدة وقافزة... بقات تدندن حتى سمعت خطوات تسرع وتبطى تسرع وتبطى وحس وخرخشة قدام الباب حست قلبها هبط من الخلعة أول مرة تصرى هكذا زعما واش كاين وقفت وهي ترجف تشوف في الباب وعينيها مفكسيين في الظل مور الباب الي يظهر ويروح حتى شافتو تحل في ثانية وتغلق شافت ضو كبير بعدها راح غمضت عينيها وحلتهم لقات خالتها واقفة تلهث ومعاها مرا لابسة قماش أحمر من راسها لرجليها مغطية كلش ميبان والو ...ستغربت وشافت في خالتها الي كان وجهها مش كيف كل مرة باينة مخلوعة كيفها... قربت منها مااس : خالتي واش كاين ؟ وشكون هاذ المرا علاش مغطية هكذا؟ سونيرا: جا الوقت اليوم الموعود وصل لازم تكوني قوية.
ماس: قوية لواش خالتي واش نديرِ؟؟
نحات المرا الغطا على راسها كانت عينيها يلمعو ومرسومين بكحل أسود لكن وراه لغز وفمها أحمر قاني بشرتها بيضة حليب نضرتها فيها شي غريب وجها جاد كل الجدية مفيه حتى تعبير خرجت لفافة بيضة رماتها في الأرض وتمتمت عليها ورمات عليها شوية غبار كحل وبدات تمتم كلمات مش مفهومة وهي تدير في حركات غريبة وتزيد ترمي في الغبار حتى بدات اللفافة تتطلق وتولي كي دائرة ويخرج منها ضو قاوي شوي شوي حتى ولات ماس متشوف شي وشوية حست جسمها خف ولى كي ريشة وحاجة قوية تجذب فيها عيطت عيطة ولات متخس بوالو.....
« بعد مدة»
حلت عينيها وضو قاوي يضرب في عيينيها مقدرتش تحلهم منو شوي شوي حلتهم مليح عينيها معتادوش على الضو بقات تشوف في الشمس مبهوتة هذا هو نور الشمس الي حكاتلها عليه خالتها !!
بقات مبهوتة تشوف فيه وتمد يدها تغطي في عينيها وتبعد وهي تتبسم مبهوتة حتى شدتها يد بقوة وقفتها دارت لقاتها خالتها ؟
ماس: خالتي وين رانا واش هذا؟
سونيرا : مكانش وقت تتتمتعي بشمس وغيرها ولا أسئلة لازم تروحي راهم ورانا دنيا شاعلة....
أنت تقرأ
꧁ختم ماس꧂
Fantasíaالقصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
