♕من حيث لا أدري! ♕
كان مصدوم بزاف منين جاه هذا جامي شاف ذيب في حياتو بهاذ الحجم وزيد لونو يطغى عليه الأبيض وعينيه زرقين مايلين للبيوضية هذو نوعيةي نادرة فالعالم كيفاش جا هنا وعلاش هجم عليه؟.. بقى الذيب فوقو متحركش لعابو يسيل ومخالبو تغرست في كتافو ... لكن ياكلو مكلاهش كأنو يستنى شي ... بقى غير يشوف حتى دار الذيب لماس الي قاعدة باهتة وخايفة جامي شافت ذيب من قبل سمعت عليهم لكن مشافتهمش وهذا رايح أكيد يقتلو بدون أي تخمام بدات تعيط عليه وهي تحاول تهز عصى باش تضربو بيها ... بدات تعيط بلغتها وتهدر معاه (أنو يبعد عليه ويخليه والا قتلاتو) نحى الذيب مخالبو منو وجمع فمو وبعد عليه وقرب منها هي حسباتو رايح ياكلها حتى وصل عند رجليها تكسل تم قدامها كأنو يعلن إستسلامو وخضوعو لأوامرهاا؟. تشوكات ومفهمت شي والي تصدم كثر يوسف ... كيفاه صار هاذ الشي كيفاه؟ عينيه تخلو صفاحي وهو يخزر فيهم زوج كي لبهلول ؟
!! شافت فيه ماس بنظرة تمعن.... ماس : هاااي شششش!! .. هز عينو الذيب وشاف فيها عينهم الزرقين تلاقاو بقاو مدة يشوفو في بعض نضرات جادة في زوج حتى شافت الذيب ولى على شكل طيف وطار دخل في عينيها تغمضو عينيها بقوة حست بيه يدخل ويختارق جسمها وكل ذرة منو تنساجم مع كيانها شهقت بقوة وحست قوة كبيرة رفعتها على لرض وهي مغمضة عينيها بقوة الي تحس فيه تهزت وتخضت كلها وهي تحس بكيان يسري في كيانها لحضات وهي مغمضة عينيها وجسمها كلو يرعش حتى هدات بعد مدة وحلت عينيها وتنفست بقوة وهي شادة صدرها حسبت روحها مش رايحة تزيد تعاود تعيش ... شافت في يوسف الي كان قاعد في الأرض يتبع كلش وكلمة صدمة قليلة فيه لكن بعدما شافت فيه تهز من مكانو وهو يشوف عينيها تبدل لونهم أكثر وولى فيهم مزيج من لون عينين الذيب الي كان رايح ياكلو قبيل عندها نفس نضرتو ذرك ؟ يعني الي شافو أنو الذيب دخل فيها صحيح مكانش ينوم ...!!
يوسف : نتائج أفعالي بدات تبان والله قالتها جداتي ياسعدك يافاعل الخير ... أنت يايوسف عاملها سودة!! ماس : شافتو يهدر وحدو وخايف محير تبسمت ... هي فهمت واش صرا بعدما الذيب دمج روحو فيها وحكات معاها العرافة الي خرجتها من عالمها وفهمتها أمور وين هي واش يصرا عرفت كلش لكن هو معرفش؟ قربت منو بشوية عرفاتو خايف ...حتى قربت منو مليح هبطت على رجليها وقعدت توالو وهي تحاول تكون عادية باش ميخافهاش ... ماس حاولت كل جهدها أنها تفهمو ولو زوج كلمات... يوسف يشوف فيها تقرب يخمم يهرب ولا يقعد مدام الذيب عفا عليه ومكلاهاش هي واش رايح تديرلو باينة جنية ولا ساحرة خلات عليه يولي برك يتضرب بيه المثل ذهب ولم يعد .. تنهذ بقوة وشاف فيها ... يوسف : انتي شكون شور بيدو ليها يفهمها بالحركات !! فهمت عليه ولا الظاهر حاولت باينة اي انسان عادي بعد الي شافو هذا سؤالوِ..واش رايح يكون!! أنت شكون وهذا الي يصرا واش؟
أنت تقرأ
꧁ختم ماس꧂
Fantasíaالقصة من وحي الخيال يعني خيالية بحتة من نسج افكاري الخاصة لا تمت للواقع بأي صلة ليس لها علاقة لا بدين ولا بأي شي يتعلق بأي طائفة كل الأفكار وليدة خيالي قصة جديدة ونوع جديد مقريتوش كيفو مغامرة راح تديكم لأبعد العوالم متابعة ممتعة.... ♕فنتازيا ♕...
