꧁ختم ماس꧂

♕الجزء العشرين ♕

يوسف : حابة تولي انتي من لمافيا الروسية؟
ماس: كيفاه؟
يوسف : والو قام وبدا يدور رايح جاي ...
ماس : واش بيك...
يوسف: نخمم كيفاه نقدرو نسرقو سلاح...
ماس : ناضت تجري ليه يعني رايح تعاوني؟
يوسف : لي يشوفك هكذا متحمسة يقول عليك تموتي على لحرام....
ماس: نحب نسلك ناسي ...كل يوم يزيد يفوت راه خسارة...
يوسف.: لي عليا نديرو...ِ.
ماس : ياااه شكرااا.
يوسف : روحي ترقدي الليلة انا راني خارج عندي خدمة غدوة نتفاهمو عليها ... مليح.
ماس : اوكي...راحت فرحانة الي قدرت تدير شي وتوصل لحاجة تنقذ عالمها بيها...
يوسف خرج بعدما هز الماس معاه...
وصل تحت خرج تيليفونو وبعت ميساج ...(أطلع علبالي راك تعس فيا ....)
شوية شاف ضو أحمر يشعل من بعيد وهو طول جاي خط لقلبو ... شاف في قلبو وتبع الخيط لقاه يوصل لواحد السطح شاف ثم وعقد حواجبو وراح ليه ...
كانو واقفين مقابلين بعض يشوفو في بعض الراجل موجه سلاح ليه واقف مش متحرك ..
يوسف : نتا المبعوث للتصفية؟
هز راسو ايه ...
يوسف : واش رايك نعقدو صفقة...
الراجل : منضنش ...
يوسف : ممكن تكون مربحة ليك ...
الراجل : مأمورين منعقدوش صفقات مع سارق الماس ...
يوسف : مالا تعرف أنو انا نقدر نعطيك الضعف وفي حياتك مراح تستحق تخدم ...
الراجل بقى يخمم ... جا ينطق يجاوبو ويسمع صوت خفيف لقى الراجل مرمي قدام رجليه ودمو سايح...
يوسف في هاذ اللحضة حس رجليه فشلو مش هذا المتوقع مكانش يضن أنو يقتلوه لكان عرف لكان مجاش هنا ...  الي قتلو الظاهر هو...
سمع صوت وراه يعيط ... يديك فوق راسك وركبتك على الأرض أركع ....
يوسف : حس أنو سمع هاذ الصوت من قبل....هدن روحو .....شكون نتا علاش قتلتو ؟
الصوت: قلتلك أركع والا صدقني التالي هو مخك ...ِ
يوسف شاف الجدية في التهديد ... هبط على رجليه في الأرض وبقى يحاول يلقى طريقة ينفذ بيها..
يوسف : نقدر نفهم شكون نتا...؟
حس بيه قرب منو علخر ... وشد يديه ربطهم باليمينوت وهو يضحك أخيرا ياسارق الماس ياااشبح طحت في يدي ...
يوسف جا يدور لقاه وقفو وجا قدامو هنا كانت صدمتو كبيييرة ...

كانت راقدة عيانة بزاف حتى ... تحس روحها مش مرتاحة حلت عينيها لقات روحها وحدها في ظلام وصوت همس يهمس من بعيد ...
الطريق الي خذيتيها غالطة والشي الي رسمتيه تمحى بعدي وأرجعي الوقت نفذ ومبقات ليك منفعة...
ماس خلعت وبقات تشوف من ومن شكون معايا شكون...هنا؟
سمعت حس وراها لقات خالتها واقفة وراها مجروحة تبكي...
ماس : خالتو ... جات تقرب منها حبستها بيدها وهي تبكي...
سونيرا: ماس طولتي ياماس ونسيتي هدفك ومصلحتك من هاذ العالم ...
ماس : خالتي راني لقيت الحل لمشكلتنا راجل الي عايشة عندو هو رايح يعاوني ونجيب السلاح ونسلكم...
سونيرا : هزت راسها بلااا ونطقت ... انتي غالطة تعاهدتي مع سيد الختم وتبادتلو الأخذ والعطاء كانت فرصتك تطلبيه في حرية شعبك وكان قادر عليها وأنتي طلبتي رغبة شخصية ليك محضة ...
ماس: خالتو راني قلتلو لكن مرضاش وعيط عليا خوفني...
سونيرا: هو هكذا كان يقرا تصرفاتك ويشوف اذا تقدري على المهمة ولا لااا سيد الختم كان في يدك وقدرتي توصلي ليه هو كان هدفك وهو كان حلنا مكانش وحدة تختمت ستدعاتو ولبى الدعوة لكن أنتي لقيتي ثغرة وخليتيه يجيك ويسمعلك لكن طلبتي حاجة شخصية بسبة هذاك الراجل لغريب .. ونسيتي أهلك وعشيرتك ...