꧁ختم ماس꧂

♕الجزء الثاني والعشرون♕

قصي : واش هاذ البلاصة ؟
ماس : منعرفش الي نعرفو أني سمعت صوت يناديني منا مخمتتش مرتين ودخلت...ِ
قصي: واااه ذكية نستعرف بيك...
ماس : حنا منمشوش بالذكاء نمشو بالحدس...
يوسف : هااااي وينكم علاش خليتوني وحدي...
ماس : يوسف راك مليح ...ِ
يوسف : مليح بخلاف الأضرار النفسية مليح بخلاف أنو دب قد الدنيا قريب دارني سندويتش مليح..
قصي: فاااشل وخواف....من فوق
يوسف : خنزر فيه مليح بعدها شاف من ومن...
واش هدا المكان ...واحد ميقول هذا كلو تحت هاذ الشجرة!!.
ماس" منعرفش كي شغل طريق تدي لجهة ثانية وراني نسمع صوت يجيني في بالي يقولي تبعيه...
يوسف : لا يكونو الاوباباش ؟
ماس : يوسف وسمهم أماماش وثاني شي هوما ميعرفوش انو رجعنا...ِ
قصي: حد فيكم يفهمني واش هدا ثاني علاش هدا الشي اكل يصرا قريب نهبل واش هذيك البوابة الي تحلت وكيفاه دخلنا فيها وين رانا الموقف جدي لازم تفهموني؟
يعني منطقيا هذا هبال وانا مش مهبول أعقل منكم كل...ِ
يوسف : ياعمري على تواضع فهمي هاذ المتواضع ياألماسة... يحوس يفهم على جدو..
ماس : حشمت من هذا الكلمة الي قال والبسمة الي تبسملها...
شافت في قصي وبقات تحدق فيه بجدية بعدها نطقت ...
راك في عالم ثاني وهذيك البوابة ثغرة زمنية تفتحت باش ترجعني هذا هو عالمي الحقيقي انا والمفروض لا انت ولا هو تكونو هنا وثاني شي المفروض أنت متشوفنيش يعني في زوج لكن شفتوني ذرك لازم نحوس نفهم علاش وشكون أنتم باش قدرتو تتخطاو الزمن وقواعدو وتجيو معايا هنا؟
قصي:  ثغرة زمن تخطيت مفهمتش فهميني مليح...
ماس : أسمع (حكاتلو كلش )
قصي مبهوت يعني كاين معجزات كيف هكا؟.
ماس : وأكثر ....
يوسف : خلينا نمشو من ياماس نحس شي مش مليح خايف عليك...ِ
ماس أكيد تبعوني صوت جاي منا...

كانو يمشيو وراها والظلام داير بيهم ويوسف يمشي ويتلفت خايف تقرصو شي حاجة ...
حتى ضرب في ظهر قصي ...
قصي : عمى تعميك مكش تشوف قدامك؟
يوسف : لااا سمحلي مش نشوف بسك كاين واحد الحيط خبى عليا كلش ...كي نقولك حيط حيط حيط في كلش في راسو في مخو في كلش...
قصي : اااااااه ااااااخ  منين جاتني هاذ البلوة...
يوسف : مشفت والو الجاي أفقس ...
قصي  :  واش هاذ الكلمة؟ منين جبتها ...
يوسف : أفقس يعني رايح نفقسك مليح كي البيضة كي يجيو يقلوها
قصي : قلتلك أنت تافه مأمنتنيش ؟
يوسف : تافه ولا غليض كيفك هاز خرا في مخك...
قصي : فمك خامج منتعاملش مع هكذا مستويات....بصح نشوف الضو ونوريلك لسانك طويل كيفاه ...
يوسف : الله لا يوريك ياه طول حياتك عمى عمى عمى....
قصي : دخان خرج من وذنيه لكن مش مكان باش يبرد قلبو هاذ العبد ميفهمش كان يعاندو يجيب عوام وهو يتهاوش معاه غير كي لعجايز يعني ميتعبش من لمعايرة تفوووه
سمعو يوسف : في وجهك ياوجه الهم ...
قصي : صدقني نحسك عجوزة ياربك !
يوسف : كي نشوفو ضو تشوف لعجوزة كيفاش مواسية...
قصي : عيب عليه وعاودلو نفس كلامو  ....(الله لا يوريك ياه طول حياتك عمى عمى عمى😒) بصوت يغشش ...
يوسف : يااا.
ماس : ياه متسكتوش تقول صغار انا في حياتي مشفت زوج كيفكم اسكتو رانا وصلنا لصح لازم سكات...
سكتو اكل وهوما خارجين يشوفو في ضو خفيف جاي من أعلى الفتحة وصوت كلما يعلى أصوات عالية كإنو كاين شي كبييير ثم يصرا...
زحفو بشوية للفوق وطلو بشوية لقاو رواحهم كانو رايحين يخرجو لواحد الساحة فيها بزاف عباد ...
متوحشين كانو من الأماماش ....
كانو يذبحو في رجال ونسا يبكيو وهو مربوطين للشجر ولاد صغار هبلو من عقولهم بالعياط والخلعة منظر مرعب بكل ما للكلمة من معنى....

قصي : واش هذا الهبال شكون هذو وعلاش يقتلو في هذوك؟
يوسف : لز على سنيه الأماماش الشر بعيينو...
ماس : هبطو دموعها وهي تنطق بسيف ....هذوك من عشيرتي 😢
يوسف : كيفاه عرفتيهم ....؟
ماس : باينين شوف الأماماش كلهم قباح وضخام الجثة والي يقتلو فيهم أناس عادييين يعني كيفنا ...
وثاني شي النسا راهم نسا شابات وصغار وهوما معندهمش هكذا قالتلي خالتي..
يوسف : بصح علاش جبتينا من هاذ الطريق يشوفونا يقتلونا....
قصي : ياربي حتى سلاحي طاحلي كي جيت داخل...هنا لهذا الشر...
يوسف تبسم : سلاحك معايا خرجو من جيبو في ثانية حلو وشاف الرصاص وركبو ودور ليه....
قصي : جبتو معاك.؟
يوسف : أكيد وزيد مش ليهم جبتو نقتلك انت بيه...
ماس بصدمة: كيفاه كيفاه حتى دخل كان لازم ميدخلش واش صرا ؟
يوسف : دخلتو انا دخلتو معايا...
ماس: كيفاه حتى خالتي قالت محظور يفوت شي من عالم اخر هذا اختراق للطبيعة...
يوسف : وحنا كي فتنا عادية وهذا لااا؟.
قصي : يا جماعة البلاصة هاذي متفرحش لازم نويلو منين جينا...
يوسف : الأماماش أمامكم والدب ورائكم وين تحبنا نوليو نوليلو نكونو لمجة للدب ...
قصي : نقعدو هنا نوليو بقايا عباد شوف كيفاه يقتلو فيهم ويضحكو لا رحمة لا شفقة ...
ماس : محال نخليهم لازم نعاونهم ه..
يوسف : غيبي ياروح ياشريرة وحضر ياعقل ...واش هبلتي بواش تسلكيهم مثلا بلطاي !!!
ماس : هذو مش قومك محال تفهمني...
قصي : أنا فهمتك ...بصح متقدريش تعاونيهم راهم ميتين ميتين وزيد راهم في بزاف لازملنا عدد كبير كيفهم والا حنا نوليو في بلاصة هذوك الضحايا...ِ
ماس : يوسف مدلي السلاح....
يوسف : هااه؟!
ماس : السلاح مدهولي...
قصي : هذا مش لعبة واذا كنتي محترفة وتقدري تقتلي تقتلي 6 فيه 6 رصاصات وبرك واذا مكنتيش محترفة رايح يضيع رصاص احتمال تقتلي 1 وهذا يعني انتحار واذا في حياتك مهزيتي سلاح هذيك حاجة اخرى...
يوسف : رغم اني نكرهو لكن عندو الحق في كلشي قالو...
شوفي عددهم أكثر من 40 واحد حسبتهم...
ماس : شافت في قصي  بصح نتا تقدر تقوص عليهم؟.
قصي: أسهل مايكون ....
ماس قوص ...ِِ
قصي : علاش زربان على موتي اذا هوما لاتيين بشغلهم وانا علاش نتدخل ونقولهم هاي راني هنا اهجمو عجبتني طريقة تقطيع تاعكم....!
ماس: لازم نخوفوهم هوما ميعرفوش السلاح ولا الرصاص رايح يترعبو ... وميعرفوش منين جا قوص برك على الي نقلك عليه ..
قصي: أمري الله ..
يوسف : هذا إنتحار...
قصي: أخيرا فهمت شييي.
ماس: قوص الي قاعد فوق الحجرة الكبيرة راه ضخم بزاف وقاعد يضحك...
قصي: هو الزعيم في رايك؟
ماس : متأكدة....
هز سلاحو وفيكساه فيه مليح في ثانية تسمع صوت الرصاص يدوي في كل الغابة دارو  لقاو الراجل طايح ورصاصة في نص جبهتو رغم أنو كان بعييييد عليه ...
يوسف : واااااو
ماس : قتلتو....؟
قصي : لاااا لعبت معاه برك 😒