رِحـلـــةُ قلبـيْ

غـيرة

من كون اظمك بگلبي واخلص..

.
.
.

رحت بأتجاه الباب افتحه حتى استلم الملفات من الموظف الي حاي من شركة آسِر..
فتحت الباب وچان اشوف باربي بحد ذاتها واگفة بالباب..من الصدمة ضليت على حركتي واحس عيوني حتطاع من محاجرها من الصدمة.. هاي وين شايفتها..

قاطعت صفنتي صوتها.. التنعوصي ! وهي تحجي

-هاي؟.. اعتقد انني مخطئة في رقم الشقة

-لا لستِ كذلك كاميليا

-اووه! أسير هذا انت ظننت اني قد اخطأت.. بالمنسابة من هذه؟

باوعلي آسِر واني احسني اطرش بالزفة هنا واگفة بنصهم وهو لا عرف عني ولا شي وهاي المتملقة الادبسزز بملابسها الفضيحة هاي بكل عين صلفة تمد ايدها وتضرب كتف آسِر بخفة وتباوعلي بنظرة استصغار!

كتفت ايدية واني اباوع لآسِر بنظرة نارية.. ياويله اذا ماحجا اللي اريده..

مد ايده لكتفي وقربني منه وباوع لهاي الي اسمها كملة ماعرف ايش

-إنها خطيبتي.. هلا اعطيتني الملفات؟ انا مستعجل..

شفت نظراتها الي من گللها خطيبتي وحجت بس هالمرة بالفرنسي.. باع الرعنة عبالها ماعرف فرنسي؟

-انها جميلة.. لكنها ليست من ذوقك انا افضل منها بوسعك تركها والقدوم الي انا متوفرة بأي وقت..

-عذرا عذرا! من التي ليست من ذوقه؟ ثم ماشأنك انت لتقولي هذا الكلام اتظنين اني غبية لهذا الحد.. ايتها الحقيرة اخرجي من شقتي الآن..

ماتحملت حجيها وتعرض نفسها لآسِر وگبالي! حجيت بسرعة من حركة دمي ودفعتها وسديت الباب بسرعة وآسِر بنفس مكانه ماتحرك وهو واكف مصدوم مني..

-ها؟ اشو تباوعلي شنو غلطت بشي؟

رحت للمطبخ واني اطلع بطل مي واشربه كله من حرگة دمي..

-تاج برأيج هذا التصرف صح؟

-وعين الصح هم لاعبالك اوگف هيج ساكتة وهي تعرض نفسها عليك بنص شقتي.. ولاعبالك ماعرفها هي هاي نفسها الي جنت مخلي صورتها مو؟.. شتسوي وياك هسه؟ اجت وراك لغير شركة وهذا كله اني مادري بي!

-تاج! وشايفتني طرطور هنا حتى ماعرف اردها؟.. ليش انتي خليتيلي مجال احجي؟ بطلي سوالفج هاي

-ياسوالف آسِر ياسوالف؟ تريدني اشوف حبيبتك السابقة الي الله اعلم شجنت تسوي وياها واكفة كبالي واسكت؟

تقدم اتجاهي واني اشوف عيونه صارن بگصته من حجيت هيج

-الزمي حدودج تاج لا قسم بالله تشوفين وجهي الثاني!