رِحـلـــةُ قلبـيْ

تقـدم

اريد اگعد بِـ صفك والزم چفوفگ وأغني
وِدي أگلك هاگ أخذني..

.
.
.

-يمه آسِر تقدم لخطبة تاج ورايدها..

-شنو؟!

-شنو شنو يمه آسِر ابن خالتج رايد يتزوج تاج..

-شني هاي.. من يمته هالحجي.. ولج تاج هاي من شوكت..

-ا يمه شسمه من هاي مو..

-يمه آسِر حاجاني اني من جانو بكندا وكال حاجيت تاج وماردتلي خبر تگول ورا اهلي واجيت كلتلك لان اريد اسويها رسمية حسب الاصول..

-ياع.. صدك ولج حاجاج وشكلتيله

-هـ ها ماما كلتله اني رأيي من رآي امي واخوي واذا تريد ارجع للعراق وسويها رسمي هيج بس!

حچيت واني مرتبكة وافرك بأيدي وماما تباوعلي بنظرة ليزرية ومخلد يأشرلي يگلي اهدأي واحجي عدل..

-ها يمة شكلتي..

-والله هو آسِر خوش زلمة ويصون بتنا بس شلون بزوتحهم ودراستها لو رأيها هم.. ولج انتي موافقة؟

-هـ ها ماما اني هو كلت اذا انتو موافقين اني اوافق

-اي چا هم عوزج ما توافقين مايجيج مثل آسِر.. ردله خبر يمه وكلههم هلا بيكم بس ووراها خابر عمامك خلي يجون وناخذ رأيهم هم هيج تگول الاصول..

-صار

من گالت ماما هيچ زفرت انفاسي براحة وارتخيت.. بس الخوفني عمامي ورأيهم.. ادريهم حبابين ويحبوني لأن اني بنت اخوهم الجبير بس الخايفه منه لا ولد عمي واحد بيهم رايدني لو ابن عمي محمد بعدها عينة علية ويكللهم.. ساعتها اموت..

خابر مخلد آسِر وبين على صوته الفرحة وهو يحجي وي مخلد ويكللهم بعد يومين اذا الله راد نجيكم..
ياربي مامصدگه والله

ورجع خابر عمي سلام الثاني بعد ابوي وفرح كلش لأن هو جان عنده بس بنات.. وراها خابر عمي محمد الثاني وكاله كل الخير ونجي..

خلص مكالمات وي عمامي واني كمت للغرفة بحجة انام نعست.. وي مافتحت الموبايل واشوف رسائل هواي من آسِر يحجي بيها شلون فرحلن وساعة يتغزل وساعة يتعارك لأن ما ارد.. اتصلت عليه ورد بسرعة

-هلا بمرتي
-هههههه بعدنا يالله صرت مرتك
-انتي مرتي من يوم شفتج بي
-تقصد يوم شفتني بكندا لو اول مرة اجيتكم بيها للبيت..
-لا وين.. اول مرة اجيتينا بيها للبيت جنتي بعدج كتكوتة واني مراهق كل همة يلعب طوبة بالمركز..
-ههههههه
-ايي شلون حجيتي شلون قبلت امج
-اني ماحجيت مخلد من يمة حجه.. بس جذبنا بسالفة صغيرونة
-هي لازم بيها جذب.. شنو
-كلنالها قبل اسبوع بس من طلبت ايدي واني كلتلك رأيي من رأي اهلي وانت خابرت مخلد وبس..
-اممم واني حجيت وي اخواني وماعدهم مشكلة وعمامي هم.. رغم عمي فيصل جان يگلي اخذ بنته نور بس ماحجه شي..
-منو هاي نور؟ تدري؟ حلوة؟ شكد عمرها!
-ها ها خفف السرعة خفف السرعة شبيج ول الله سريعة الاشتعال انتي
-اي دغير اعرف منو نور هاي الي يريدك تاخذها!
-اي غير بت عمي فيصل اصغر مني بسنة والصراحة ناسي شكلها ومادري اذا تدري لو لا..
-يعني هي حلوة؟
-ولچ اگلچ ماذكر تگلي حلوة اصلا ولاشايفها يجوز مرة مرتين..
-اممم
-ها بدينا
-لا ماريد اخرب فرحتي
-فدوة الج نور وعشيرة نور هم