رِحـلـــةُ قلبـيْ

مُــدة

سلامٌ عَلَى شامةٍ فِي عُنُقِهَا تغفو كَحَبَّة الرُّمَّان.

.
.
.

مدة شبه طويلة مرت وآسِر على حركته.. متمدد فوگي..
(فوقي)
راسه دافنه برگبتي (رقبتي) و وكل شوي يبوس مكان شامتي..

-اووف يحظنچ..

-موجود الك دوم

-چنه عاجبچ الوضع
(چنه.. كأنه)

-ليش انت مو عاجبك؟!

رفع راسه وباوعلي وهو رافع حواجبه وابتسامه خفيفة على ملامحه.. متفاجئ من كلامي

-ماتبطلين حرشة ومن اتهور تضلين تسوين اوي و آم وتحرگين عشيرتي..

-هايشنو يمته گلت اوي اني!

سكت ومرد علية ورجع لوضعيته.. بس تذكرت شي

-آسِر صدگ شوكت ترجع حيصير دنيا ليل ما تخاف!

-ليش منو گلچ ارجع

-چا ها؟

-باجر نروح للنجف نعقد مرة ثانية

-هاا!!

-امچ رادت

-يعني نعقد هناك بالإمام؟

-أي

-اشو اني مادري

-هو انتي شتدرين ياحبيبتي

-والله احس هالاحداث هواي على گلبي

اخذ نفس عميق من رگبتي وگام تعدل بگعدته..

-يالله اروح اني هسه يجي مخلد عازمني على عشا..

-يعني متضل؟

-لا بوية.. نروح نتعشى ونفتر شوي ونرجع منتأخر..

-ها خوش

گام من مكانه وراد يطلع واني گمت وراه اسد الباب حتى ابدل بس وگف ودار وجهة علية

-وها... سالفة ابن عمچ هاي حسابچ عليها بعدين..

وخلى وطلع حتى خلاني حايرة.. شلون عرف وشيحاسبني ماعرف..

ورا ما طاع هو طبت تبارك

-هاي شبيكم.. آسِر ضحكته شاگه وجهة وانتي من الاذان للأذان.. هالگد مكيفين واني مادري..

-اووف ولج تبارك احسني بالغيوم مو بس فرحانة

-يعمري اذا هيج فرحانة ادعيلي افرح مثل فرحتچ..

-بعد چبدي شلون مادعيلج ربي يجمعج بمخلد بأقرب وقت

ضلت يمي علما بدلت ومسحت المكياج وضلت تسولفلي شسوه مخلد وشلون باوعلها مخلد واني عقلس بغير مكان..
يعني هاهية صرت مرته شرعاً؟ وصار حلالي ورجلي..
رجلي.. هالكلمة چبيرة على گلبي لدرجة من فرحتي احسني اريد ابچي بس دموع ماتطلع..