رِحـلـــةُ قلبـيْ

عودة

.
.
.

وصلنا للبيت وهو ما حچى كلمة والأنزعاج چان واضح على ملامحه بس حاول يخفي حتى ما انتبه.. واني كاتمة ضحكتي بالگوة عليه وعلى شكله من نزلنا للبيت وهو راح للاستقبال وعافني اصعد وحدي للغرفة..

دخلت الغرفة واني ناويته هالساعة.. نزعت شالي والبشت والثوب وبقيت بالملابس الداخلية.. الاوف وايت الدانتيل.. چنت ستوني سابحة وبعده شعري مبلل جففته وعطرته وعدت ترطيب جسمي.. مسحت المكياج وعدته.. مخليت شي غير حمرة بلون الدم وكحلة وآيلاينر سويته حاد وزاد حدة عيوني.. هايلايتر هنا وهناك.. وهسه وقت الملابس..
فتحت الكنتور وطلعت سيت نوم.. او بس بالأسم قميص نوم والا هو وصلة قماش متعاركين وياها وممزگيها.. چانت قصيرة كلش لحد منتصف الفخذ بدلعة سبعة چبيرة و ردانات قصيرة.. بلون احمر مثل لون الحمرة.. و روب اطول من القميص بشوي بلون كحلي..
طلعت عبلة الذهب مالتي وطلعت منها خلخالي والجناغ الي جابهن هدية الي من چنا بكندا.. سوار ناعم بي حرف A يادب ينشاف ولبستهن..

طفيت الضويات وخليت الأضائة الجانبية اضافة لضوء الشمس الي يدخل من البردة.. وصوت السبلت بنص هدوء الغرفة يغري للنوم.. گعدت على طرف الچرباية واني اثني رجل على رجل واباوع للمعة رجلية وي لون القميص والتناقض القوي بينهن.. وآثار امس موجودة لسه بس شكلها مغري ومو مؤلم..
وشعري الي طوله صار ملفت وانب اشوف نصه متجمع بحضني بلونه الاسود اللامع..
رفعت راسي اله من شفته دخل وهو عاقد حواجبه وما انتبهلي من بدأ يطلع غراضه من جيوب الدشداشة ويفتح الكبك..

عدلت رجلية بنية اگوم وهو سمع الصوت ورفع راسه وانصدم من منظري وتوقف عن الحركة من شافني گمت امشي اتجاهة

-شنو مو عساس تعبانة وتريدين تنامين؟

حچى بهدوء وهو يكمل نزع ملابسه.. تقدمتله وصرت گدامه تماما ورفعت حواجبي اله بنظرة تحدي..

-ليش اني انام بدن حضنك؟

تنهد بقوة من منظري گدامه وهو يباوعلي..

-انوب ماروني.. گلبي انمرد من وراها وهي تتبوسم گدامي!

-اسم الله على گلبك حبيبي غير هذا علمودك!

حچيتها واني اطاوق رگبته بأيديه و وجهي صار قريب عن وجهة كلش..

-واني مودي يگول هسه اخذچ واكفر بيچ بس واگفة بعيني تتأذين..

-حلالك
همستله وهو لزمني من ايديه وما احس اني على طرف الچرباية وهو راح للحمام..

-د أصبريلي.. اذا ما اطلع حوبة هاللون على گلبي فلا اكون ابن ابوي..

ضحكت عليه واني اسمعه يدخل للحمام ويدردم

-غضب مو حمرة.. وتريدني على كيف وياها ادري ياكيف يجي وهي لابستلي هيچ وجناغها يخشخش براسها..