رِحـلـــةُ قلبـيْ

سعيـدة

حبني ولا تخلي بدربي عثرة
كل ظرف يبعدني عنك ما اقدره
حبني هية دنيا فترة ...

.
.
.

-ام جناغ.. احبچ..

تنهيدة جبيرة طلعت مني ورا ما گال هالكلمة المنتظرة.. صبرت وصبرت ونلت بالنهاية..
من كثر سعادتب وحماسي لكلمته ماحسب حسابين واني اخلي شفافي على شفايفه بقوة وبدون حركة..
مغمضة عيوني بقوة.. اعرف بي انصدم هسه.. ثواني بي وبدا بحركاته المعتادة على خصري و شفايفه الي تسحق شفايفي ساعة بهدوء وساعة بقوة مغلفة برقة..
ملكت الدنيا هاللحظة وفرحتب ماممكن انطيها لأحد

قلبني على ظهري واعتلاني وهو بعده يتعمق.. شعور مو بس جميل الا يخبل.. من شخص يحبك وتحبه وتحس هاهية ماكو شي حيفرقكم بعد.. يارب تممها على خير.. اني مو حمل صدمات بعد..
ابتعد عني واني جريت النفس بالگوة تمدد بصفي وايديه محاوطتني وكأنه مايريدني اتحرك..

-شگد چنت غبي

-لاتگول على حبيبي غبي

-والله؟

-امم.. حبيبي ذكي وزلمة حوك

-ولچ انتي شنو

-چاغير اني ام جناغ..

-چاليش

-لتقلد!

-غير من حبي

ضحكت عليه وهو يقلد بية ويگول *چا*
سكت وغمض عيونه واني ضليت امسح على شعره..
واني نايمة حسيت نفسي تلعب بي هدأت من نفسي..
لازم اگوم لا اروح اخربها هسه..بالالف يالله شلعت روحي منه وعبالي نايم بي طلع گاعد

-وين..

-ها لازم اروح عندي كويز وصعب.. انت نام لتتعب نفسك

-لاوين.. عندي مشروع لازم احظره لباجر..

تقدمت اله ودنگت گدامه ولزمت وجهة

-لاحگ عالمشاربع نام هسه.. تعبان انت وضعفان صاير تهمل روحك..

لزم ايدي وعضها واني شهگت

-آي آسِر!

-احترگ آسِر امشي روحي بسرعة لاكفر بيج

حصرت ضحكتي واني اشوفه هيج معصب وكمت وركضت واسمعه يسب وراي..

ضليت اضحك عليه حدما طبيت لشقتي بوجهي للحمام توضيت لبست سجادتي وصليت ركعتين شكر..
الحمدلله على كل هالاحساس الي حسيته.. بعدني بأول يوم وهيج احس براحة جبيرة.. اذا كملت وياه اكثر شلون.. ربي احفظه الي ولاتحرمني منه..

خلصت وگمت واني من الفرحة ماعرف شسوي.. بودي ارجعله بس شيگوا هاي خفيفة وجاية يمي.. حاولت الهي روحي بأي شي وماعرفت غير اگعد اطبخ.. سويت هواي شغلات بيتزا وسويت يخني عدس وزلايط وبابا غنوج لحدما هلكت.. دخلتت سبحت وطلعت.. صارلي ٤ ساعات من طلعت من شقة آسِر..
گعدت بالصالة وفردشت كتبي وملازمي.. مالي خلگ اقراه بس تگضاية وكت.. گمت سويت گهوة وبسكت وگعدت اكل..
شوي وسمعت الباب انفتح.. اجا والله..