رِحـلـــةُ قلبـيْ

مشـاعِر

حُبـكِ يا عميقةَ العينينِ..
تطـرفٌ.. تصـوفٌ.. عبادة
حُبـكِ مثلَ الموتِ والـولادة..

.
.
.

شفايفه الي احس بيها ما خلت انش بوجهي ما احتلته وتنهداته العميقة.. چنت بدون لا ادري مخلية ايدي ورا رگبته واجذبه ناحيتي اكثر.. عقلي يرفض الب ديسوي بس جسمي يتحرك تلقائياً..

-آسِر.. كـ كافي..

تنهد وهو يخلي راسه برگبتي وهدأت وتيرة افعاله وتنفسه العميق واني بعدني احاول التقط انفاسي وانظمها..
گلبي يدگ حيل وشعور غريب بمعدتي واني اشوفه حاظنني ومخلي راسه على صدري...

حضنته بدوري واني اطبطب على كتفه وامسد بشعره..

-شلونچ..
يابعد اللي ماينعرف لونه

غرغرت عيوني لكلامه واني اسمعه يحجي بحسرة..

-زينة طول ما انت گبال عيني زين..

سكت ومارد عليه بشي...

-شوكت اجيت؟.. ليش محد گالي

-ردت اسويلج مفاجأة..

ماگدرت اضم ابتسامتي من گاللي اسويلج مفاجأة وضحكت

-اروح فدوة ونذر لهالخدود وطوگ الليلو اني..

-اـ شسمه تعبان جوعان اسويلك اكل؟

گومني من حضنه وگام على حيله.. نزع سترته الي لابس حواها تراك بيتي نيلي لزمني من ايدي واخذني وراه عالغرفة..
عرفته يريد ينام..

تمدد عالجرباية وجرني ورا بحيث صار راسي على صدره..

ضل يمسح بشعري بهدوء وميحجي شي واني استمع لدگات گلبه بتركيز..

مرت فترة وحسيت روحي نعست بيها واجيت اغفه بس وگفني صوته وهو يحجي..

-يول ام جناغ شسويتي بية.. هيچ گليبي معلگ بيج واني مادري؟.. هيج تجيني ايام اشتاق بيها بس علمود اشوف ضحكتج والزم شعرج؟..
گلبتيلي حالي وصرت ماندل دربي واني اشوفج بكل مكان اروحله.. حتى صرت اتوهم واصيح بأسمج.. مكشوف اني بشوگي لج..

رفعت راسي اله واني مامصدگة الي ديحجي.. عيوني غرغرت واني اشوفه يبوعلي بنظرة گدرت افسرها هالمرة عدل.. مثل نظرة الطفل المحروم من حظن امه وشافها اخيرا.. گلبي علت دگاته واني احس بأيده رفعت وجهي اكثر و شفايفه تنطبق على خدي.. تنهدت ونزلت دمعتي سريع وباس مكانها..

-مالحه.. عبالي مثل ريگج العسل...

تفاجأت بجرأته بالحجي وضربته على صدرة بقبضة ايدي وهو ضحك لمن بانت انيابه.. حضني اكثر وهو يدور بية عالجانب ويدفن راسة بصدري

-نامي..

مارديت عليه بشي وضليت امسد بشعره لمن حسيت انتضمت انفاسه واني بدورني نعست ونمت بدون مادري بروحي..