رِحـلـــةُ قلبـيْ

حـلال

- ما ضل شي وتغفه رموشي  بـ رموشه..

.
.
.

رحت گعدت بالمكان الي اشر عليه واني احس اجتني ام الركب من الخوف..
بلش يحچي..

-شوفي بنتي انتي من اجيتي للدنيا اني جنت رايدج لابني.. بس اني ما اوگف بقسمتج واني اشوف هالزلمة الخير جاي يخطبج.. كلشي بي يگول اني احسن واحد لتاج.. ومن استشهد ابوچ الله يرحمه چان يگولي خوية اريد تصير عون لعيالي وتوگف وياهم.. واني ان شاء الله ماقصر وياج بشي والتردينه اعتبريني ابوچ وگوليلي

-لا عمي مامقبولة منك هاي.. واني هنا شنو فائدتي اذا ما وگفت لاخيتي وعنتها

رد عليه مخلد وهو يحجي واني احس الدموع تنزل مني بدون ماحس..

-هئ - ان شاء الله عمو

-انه اخوك يعلي تويجه تبجي لاه يابة عليمن هالليلو يطيح..

گام مخلد من مكانه واجه يمي وحاوط متني بايديه وهو يواسيني..

طلعت منهم ورل ما ضلو يحجون يخططون ويضحكون.. صعدت للغرفة بهدوء نزعت عباتي وشالي ووگفت گدام المراية.. مالحگت اشوف آسِر واني مشتاقتله كلش.. فتحت الموبايل جانت نيتي اتصل بي شفته دازلي رسالة..
-اجتني اخبار اليوم طالعة حلوة
-شنو قصدك اني جنت مو حلوة..
رد علية بسرعة
-انتي لو تلبسين گونية هم احير وين اضمج من عيون الناس
-محد يباوعلي.. بس يعرفون بية مرته لآسِر ينزلون عيونهم تلقائيا
-اشتعلت عشيرتك آسِر..

ضحكت عليه وارتفعت عندي الخباثة لحتى گمت گدام المراية الطولية اخذ صور واني گاعدة على كرسي ودزيتله..
-الحمد لله سلطان يسوق والا سويت حادث
-اسم الله عليك من الشر.. ليش
-ولچ تسأليني ليش وانتي لابسه السما والنحر المرمر طالع.. وشعرج الدمرني هذا.. اخ بس الزمه الا اخذ حيفي منه..
-شنو يعني تمعشني!؟
-امعشج! مو بس امعشج لا الا اخلص عطره كلهه واني تارس ريتي بي..
يحجي وهو يقلدتي شلون اگول *امعشج*
ضحكت عليه وخفت لا يتهور بعد وهو بنص الطريق گلتله حروح ابدل وهو بدا يستغفر ساعة ويسب روحه ساعة.. كل جملة اگولها حتى لو بنية صافية لازم يحورها..

گمت سبحت وبدلت ونزلت يم ماما وهبة انظف وياهن.. خلصنا وگعدنا ناكل ونسولف على التحظيرات والمهر..

-اگلچ ماما ماحجيتو على وقت العقد وهاي عود ليش گلتيلي روحي..

-سوالف الكبار هاي انتي شلج بيها.. المهر خير من الله شتريدين بس كولي وهمة ينفذون.. وعالعقد يگولن آسِر رادها الاسبوع الجاي بس اني فكرت بيج وشلون حتكملين وگوة قنعتهن بعد اسبوعين..
-ماما! صدگ تحجين! حتى اسبوعين مالحگ شلون بية!
-خير البر عاجله.. خليها احسن حتى تتفرغون للعرس وعلى كيفكم وهم انتو حلال بعض ماتصير مشاكل..