رِحـلـــةُ قلبـيْ

رحلــة

يا ريت العمر بس وياك
بليّاها الأوادم كلها والجنة..

.
.
.
.

طلعنا اني وياه برا العمارة ايد بأيد واني اسولف وياه علمود الشغلات الي نحتاجها..

صعدنا بالسيارة واخذت نفس عميق.. مشبعة بعطره.. صعد وشغل السيارة وحرك واني ضليت افتش بالسيارة..شفتح الگي قلم وجداحة خاصة مال جگاير وعلب.. مدمن جگاير هذا..

-هواي تشرب جگاير آسِر ليش

-اليتعود عليه من الصغر بعد ميگدر يتركه..

-بس موزين هيچ

-اليتعود على الجگاير وهو مراهق تصير ادمان اله.. چنا كلما يجي مخلد نحتل بالسطح ونشرب حتى ما يلزمنا ابوي..

-فصعونين..هسه نبدي نشوف منو بشرب جگاير واني موجودة..

-شتسوين بالله؟!

-اني اعرف شسوي..

-ومن اگول بزونة متصدگين..

-ليش شگلت اني؟!

-علية سوالفج هاي يابة.. بزونة متحرشة..

-لاا مومثل ماتفكر انت! آسِر!! تفكيرك!

ضحك علية ومد ايده وهو يلزم خشمي بين اصابعه

-فطيرة..

سكتت بس تذكرت حجي تبارك امس وگلتله..

-اسوري

-هههههه شنو؟..

-اسوري

-بالله خليج على آسِر اشرف حسستيني بعدني مراهق..

-غير ادلعك يعني شگول؟

-شايفتتي مراهق وتدلعيني

-لا شايفتك ابن گلبي..

باوعلي وهو كاتم غضبه من كلامي ولزم ايدي وعضها

-آي آسِر هاي ليش!

-حتى تبطلين مياعة وترحمين گلبي..

مارديت عليه بس ضحكت من كلامه.. يتأثر هواي بي.. وهذا سلاحي ضده

-اي صدگ اســوري

حجيت واني امد بالسين استفزه بيها وهو باوعلي من الصفحة ودار وجهة

-ها

-شوكت مفكر نگول لاهلنا بالعراق؟ يعني مخلد وماما او اخوانك وعمامك..

اخذ نفس ورجع يحجي

-الصراحة مادري.. عندي شك مخلد حيتضايق من فكرة انو طلبت ايدج  وانتي هنا ومو بطريقة رسمية بالعراق وبين الاهل..

-زين اذا تريد نخلي هالشي بيننا الى ان نرجع للعراق؟!

-وبرأيج احنا نگدر بأي وقت نريده نرجع للعراق وبكل سهولة؟