(Unicode)
Dean အိမ်ကိုပြန်ရောက်တဲ့အချိန်မှာ Davidရဲ့ဖိနပ်ကိုတွေ့တာကြောင့် ကျောင်းကပြန်လာပြီဆိုတာ သူပြောနိုင်တယ်
ရေဆာတာနဲ့ ရေခဲသေတ္တာနားသွားတော့ ရေသောက်နေတဲ့ Davidကိုတွေ့လိုက်ရတယ်
ရေသောက်နေရင်း သူ့ကိုတွေ့တော့ Davidကရေသောက်တာကိုရပ်လိုက်တယ်
"ပြန်ရောက်ပြီလား"
Dean Davidနားသွားကာရေသန့်ဘူးတစ်ဘူးကိုယူလိုက်တယ်
"အွန်း မင်းရော ဘယ်အချိန်ပြန်ရောက်လဲ"
"ပုံမှန်ကျောင်းဆင်းချိန်ပဲပြန်လာတာ ခင်ဗျားပြိုင်ပွဲကရောအဆင်ပြေလား ??"
Davidက သောက်လက်စရေဘူးကိုပြန်ထားလိုက်တယ် ပြီးတော့ သူမေးတာကိုမဖြေသေးဘဲ ရေခဲသေတ္တာကိုမှီရင်းရေသောက်နေတဲ့Deanကို
ကြည့်လိုက်တယ်
"အဆင်ပြေပါတယ် ငါအရွေးခံရတယ် နောက်
တစ်ပတ်ဆို ငါဒီအိမ်မှာနေဖြစ်မှာမဟုတ်ဘူး ဒီနေရာက တယောလေ့ကျင့်လို့ လုံးဝမကောင်းဘူး"
သူ့ရဲ့စကားကြောင့် Davidရဲ့မျက်နှာညိုးကျသွားတယ်လို့ Deanထင်လိုက်တယ် သူအမြင်မှားတာမဟုတ် ....Davidက Deanသူ့ကိုထားခဲ့မယ်ထင်ပြီးတကယ်စိတ်မကောင်းဖြစ်သွားတာ...
"ကောင်းပြီလေ"
"မင်းမျက်နှာကဘာဖြစ်တာလဲ ငါကမင်းကိုငါနဲ့လိုက်နေမလားမေးမလို့"
ခဏလေးအတွင်းမှာပဲ Davidရဲ့မျက်နှာက ပြန်လည်တောက်ပလာတယ်
"ကျွန်တော်လိုက်နေချင်တာပေါ့ ဒါပေမယ့်.."
Davidက တစ်ခုခုကိုစိုးရိမ်ပုံနဲ့ ဆက်မပြောတာကြောင့် Deanလည်းစိတ်မရှည်တော့ပေ
"ဒါပေမယ့် ဘာဖြစ်လဲ ဆက်ပြောလေ"
"ကျွန်တော်က ခင်ဗျားအိမ်မှာနေမှာကို ခင်ဗျားမိသားစုကကြိုက်ပါ့မလား"
"ဘယ်သူမှမပြောပါဘူး ပြီးတော့ ငါ့မိဘတွေလွန်ခဲ့တဲ့6နှစ်တည်းကမရှိတော့တာ"
Davidနည်းနည်းတော့ အားနာသွားတယ် Deanကိုကြည့်လိုက်တော့ မိဘတွေမရှိတော့တာကိုနေသားကျနေတဲ့ပုံဖြစ်တာကြောင့် သူနည်းနည်းစိတ်သက်သာရာရသွားတယ် သူကတော့ငယ်ငယ်တည်းက မိဘမဲ့ဖြစ်လို့ နေသားကျတာကြာပြီလို့ပြောလို့ရတယ်
