(Unicode)
Rioအိပ်ရာပေါ်လဲနေရင်း Dennisကိုဘယ်လိုရင်ဆိုင်ရမလဲတွေးနေတုန်း တံခါးဘဲလ်တီးသံကြားလိုက်ရသည်
'Dennisရဲ့ကားမှာတစ်နေရာကနေတစ်နေရာကိုချက်ချင်းပြောင်းနိုင်တဲ့စနစ်များရှိနေတာလား'
Rioတံခါးဖွင့်သင့်မဖွင့်သင့်တွေးပြီးကြောက်နေတုန်း Dennisဆီက ဖုန်းဝင်လာလို့ကိုင်လိုက်ရသည်
"<Rio တံခါးလာဖွင့်စမ်း>"
"<ဟုတ်ကဲ့ ဟုတ်ကဲ့ ကျွန်တော်လာဖွင့်ပါပြီ>"
Rioတံခါးသွားဖွင့်လိုက်တော့ Dennisရဲ့ဒေါသထွက်နေတဲ့မျက်နှာကိုတွေ့လိုက်ရတယ်
"ကိုယ့်ကိုအိမ်ထဲတောင်မခေါ်တော့ဘူးလား" Dennisကအေးစက်စက်နဲ့ပြောသည်
"မခေါ်တာမဟုတ်ပါဘူး အိမ်ထဲဝင်ပါ Dennis" Rioချီတုံချတုံနဲ့ပဲ Dennisကိုအိမ်ထဲခေါ်လိုက်တယ်
ဒါပေမယ့် Dennisကအိမ်ထဲဝင်မယ့်ပုံတော့ မပေါ်ပေ
"မင်းအခုချက်ချင်း မင်းရဲ့အဝတ်အစားထုပ်တွေယူပြီး အိမ်ပြန်လိုက်ခဲ့ ကိုယ်စောင့်နေမယ်"
Dennisကိုတံခါးဝမှာ စတိုင်လ်ကျကျရပ်နေရင်းပြောသည်
"ဒါပေမယ့် Conanလေးကပျော်တော့မှာမဟုတ်ဘူး" Rioစိုးရိမ်စွာနဲ့ပြောလိုက်သည်
ပြီးတော့ သူDennisအိမ်ပြန်ရောက်ရင် ကြမ်းခင်းပေါ်မှာပဲအိပ်ရမယ် မနက်စာနဲ့ညစာလည်းမစားရဘူး
'မစ္စတာ Dennis Williams ကျွန်တော်လုံးဝပြန်မလိုက်ချင်ပါဘူးနော်'
Rioသူ့အတွေးတွေကိုတော့ Dennisကိုမပြောရဲပေ
"Conanကမင်းကိုအိမ်ပြန်ခေါ်ခိုင်းလိုက်တယ်"
Dennisပြောတာကြောင့် Rioအံ့သြသွားရတယ် Conanလေးကသူ့ကိုအိမ်ပြန်ခေါ်ခိုင်းလိုက်တယ်တဲ့လား
!!!!!!
"သွားမယ် အခုချက်ချင်းအိမ်ပြန်ရအောင်"
Rio တိုက်ခန်းတံခါးအသေအချာပိတ်ခဲ့ကာ Dennisရဲ့လက်ကိုဆွဲပြီး ကားဆီကိုအမြန်သွားခဲ့တယ်
Dennisကတော့ အလိုလိုက်တတ်တဲ့ချစ်သူတစ်ယောက်လိုပဲ Rioကိုမဆူပေ
Dennisတို့အိမ်ကိုရောက်တော့ ဧည့်ခန်းမှာထိုင်စောင့်နေတဲ့ ConnaလေးကိုRioတွေ့လိုက်ရသည်
Conanလေးက Dennisနဲ့သူ့ကိုတွေ့တော့ ခြေတံတိုတိုလေးတွေနဲ့သူတို့ဆီပြေးလာသည်
