[Unicode]
Deanကရုတ်တရက်မေ့လဲသွားတာဖြစ်လို့ Davidမှာ ဆေးရုံကားခေါ်ဖို့ချက်ချင်းမစဥ်းစားမိသေးဘဲ ခြေမကိုင်မိလက်မကိုင်မိဖြစ်သွားခဲ့တယ် ဆေးရုံကားမရောက်သေးခင် အိမ်တော်ထိန်း Smithက Deanရဲ့အရေးပေါ်ဆေးတွေကိုသွားယူပြီး Deanကိုကုသထားရသည် Deanရဲ့ နှလုံးရောဂါကဒီလောက်ထိဆိုးရွားနေတာကို David မသိခဲ့လို့ သူ့ကိုယ်သူအပြစ်တင်နေမိတယ်
ဆေးရုံကားရောက်လာတော့ Davidကဆေးရုံကားနဲ့ ဆေးရုံလိုက်သွားပြီး အိမ်တော်ထိန်း Smithကတော့ ဆေးရုံတက်ဖို့လိုအပ်တာတွေစီစဥ်ပြီး အခြားကားနဲ့လိုက်ခဲ့သည်
........
Deanသတိရလာတော့ သူ့ခုတင်ဘေးက ဆိုဖာမှာ Davidက အသက်မဲ့သလို ထိုင်နေတာကိုတွေ့လိုက်ရတယ်
"David~"
Deanရဲ့တိုးလျတဲ့အသံလေးကြောင့် Davidကသူ့(Dean) အနားကိုချက်ချင်းလာခဲ့သည်
"Dean ဘယ်လိုနေသေးလဲ နေလို့သက်သာလား"
"အွန်း"
Deanနေလို့မကောင်းတာကြောင့် စကားများများမပြောနိုင်ပေ Davidရဲ့မျက်ဝန်းတွေထဲမှာ ဝမ်းနည်းရိပ်သမ်းနေတာကိုတော့ သူမြင်ပါသေးတယ်
ဒီလိုမေ့လဲတာလေးဆိုပေမယ့် သူ့နှလုံးရောဂါအကြောင်းကို David အကုန်သိသွားပြီဆိုတာ သူသိတယ် Davidကတော့ Dean သတိလစ်နေစဥ်အတွင်းဆရာဝန်တွေရဲ့ပြောစကားတွေကြောင့် အရူးတစ်ပိုင်းဖြစ်နေရသည် Deanရဲ့ နှလုံးရောဂါက ရုတ်တရက်ကြီးထဖောက်လို့ အခုထိန်းထားနိုင်ပေမယ့် စိုးရိမ်ရတဲ့အခြေအနေမှာပဲရှိနေသေးသည် ခွဲစိတ်ကုသရင်တောင် အသက်အန္တရာယ်စိုးရိမ်ရတဲ့အခြေအနေဖြစ်၏ နှလုံးအစားထိုးကုသဖို့လူနာ(Dean)က အရင်တည်းက လက်ခံမထားလို့ဆရာဝန်တွေအနေနဲ့လည်း အခြေအနေက ရှေ့ဆက်မတိုးနိုင်ဖြစ်နေသည်
Davidက မျှော်လင့်ချက်တစ်ပိုင်းတစ်စရှိနေတဲ့မျက်ဝန်းတွေနဲ့Deanကိုကြည့်လိုက်တယ်
"Dean နှလုံးအစားထိုးကုသရအောင်"
"......"
Deanကတော့ ဘာမှပြန်မပြောပေ မူလDeanကသေပြီးသားဖြစ်လို့ သူလည်း အခြားတစ်ယောက်ရဲ့နှလုံးသားနဲ့ဆက်အသက်ရှင်ဖို့ကမဖြစ်နိုင်ပေ ဒါက စည်းကမ်းချိုးဖောက်သလိုဖြစ်နေလိမ့်မည် ဘာဖြစ်လိုလဲဆိုတော့ နှလုံးအစားထိုးကုသဖို့တကယ်လိုအပ်နေတဲ့သူတွေအတွက် တရားမျှတမှုမရှိလို့ဖြစ်တယ်
