[Unicode]
Deanကျောင်းကိုရောက်တော့ ကျောင်းအုပ်ကြီးနဲ့ဂီတပြိုင်ပွဲအတွက်ဆွေးနွေးရသည် ကျောင်းအုပ်ကြီး Hectorက အခြားကျောင်းတွေကိုပါ ပြိုင်ပွဲဝင်ဖို့ဖိတ်ခေါ်ထားပြီး ပြိုင်ပွဲကို ဂီတဆရာဖြစ်တဲ့ Deanကို တာဝန်ယူကျင်းပပေးခိုင်း၏ အပျင်းကြီးတဲ့ Deanကတော့ ကျောင်းအုပ်ကြီး Hectorကိုစိတ်ထဲကနေ မကျေနပ်ချက်တွေဖွင့်နေတော့သည်
ကျောင်းအုပ်ကြီးရုံးခန်းကအပြန် ထူးထူးဆန်းဆန်းမူလDeanရဲ့ သူငယ်ချင်း Henryကိုတွေ့လိုက်ရသည်
" Babe!!"
"?? Henry မင်းဘယ်တုန်းက Nနိုင်ငံကပြန်လာတာလဲ"
Henryကသူ့အနားကိုလျှောက်လာပြီး သူ့ပခုံးပေါ်ကို လက်တင်လိုက်တယ်
"ကိုယ်ရောက်နေတာ တစ်လလောက်ရှိပြီ ကိုယ့်ကိုလွမ်းနေလား Babe"
Deanခေါင်းကိုက်လာသလိုခံစားရ၏ Henryဆိုတဲ့ကောင်က အေးဆေးနေတတ်တဲ့ Deanကိုတွေ့တိုင်းစနောက်ရတာကိုကြိုက်သည်
"Henry မင်း ငါ့ကိုBabeလို့မခေါ်စမ်းနဲ့"
Deanရဲ့ တင်းမာလာတဲ့ မျက်နှာထားကြောင့် Henry က Babeလို့ဆက်မခေါ်ရဲတော့ပေ
"မင်းမျက်နှာကလည်း ပျော်ပျော်နေစမ်းပါ ဒါနဲ့ငါမင်းဘယ်မှာရှိလဲလို့ ကျောင်းသားတစ်ယောက်ကိုမေးတာ အဲဒီကျောင်းသားမျက်နှာက မင်းထက်တောင် ကြောက်ဖို့ကောင်းသေးတယ်"
Henryရဲ့စကားကြောင့် Deanမျက်နှာပိုတည်သွားသည်
"မင်းပြောတာက အရပ်ရှည်ရှည်ရုပ်ချောချောနဲ့ကျောင်းသားလား"
ပခုံးပေါ်ကHenryရဲ့လက်ကိုဖယ်ရင်းDeanမေးလိုက်တယ်
"ဟုတ်တယ် နာမည်ကဒ်တွေ့လိုက်တာ David"
"အော်"
Deanတွေးလိုက်မိတယ် Davidကအရမ်းသဝန်တိုတတ်တဲ့သူမျိုး ဒါပေမယ့် အဲ့လိုသဝန်တိုတာကိုလည်းထုတ်မပြဘဲ ဘာမှမဖြစ်သလိုနေတတ်တယ်
သူ(David)သာကျောင်းသားမဟုတ်ရင် သဝန်တိုလွန်းပြီး အခုအချိန် အရက်barကို ရောက်နေလောက်ပြီ...
